Faint i'w fwyta Does dim un bwyd yn gallu cynhyrchu'r holl faeth mae'ch corff ei angen, felly mae'n bwysig eich bod yn bwyta ystod eang o fwydydd. Mae'r canllaw isod yn rhoi cyngor i chi ar faint i'w fwyta o bob bwyd.

Ffrwythau a llysiau
Dydy'r rhan fwyaf ohonom ddim yn bwyta digon o'r bwydydd hyn, felly bwytwch FWY! Anelwch am o leiaf 5 darn o ffrwythau a llysiau bob dydd.
Gallwch gynnwys ffrwythau a llysiau ffres, sych, wedi'u rhewi, ac mewn tun i gyrraedd eich nod o 5 darn.

Faint sy'n addas?
80g (tua 3 owns) - sy'n gyfystyr â:
1 afal, banana neu oren
2-3 llwy fwrdd orlawn o lysiau wedi'u coginio neu'n amrwd (e.e. ffa gwyrdd, bresych, corn melys, ffacbys, moron, sbigoglys)
1 bowlen o salad
1 llwy fwrdd o resins neu ffrwythau sych eraill
1/2 grawnffrwyth neu afacado
2 eirinen neu frwythau bach tebyg (e.e. satswma, ciwi, tomato)
1 cwpan te o fefus, mafon neu ffrwythau meddal eraill
1 gwydraid o sudd ffrwyth heb siwgwr

Bara, grawnfwyd a thatws
Mae deiet cytbwys iach yn ddibynnol ar y bwydydd or grŵp hwn, felly ceisiwch gynnwys rywfaint ym mhob pryd.

Faint sy'n addas?
1 dafell o fara
1 rhôl fach o fara
2-3 o gacenni reis, cracers neu fara crimp
2 lwy fwrdd orlawn o reis wedi ei goginio
3 llwy fwrdd orlawn o basta wedi'i goginio
1 daten bob, 2 daten (maint ŵy) wedi'u berwi neu sgŵp o datws stwnsh,
1 bowlen fach o rawnfwyd brecwast neu uwd

Cig, pysgod a bwydydd tebyg
Bwytwch y bwydydd hyn yn gymhedrol. Dewiswch opsiynau isel mewn braster lle'n bosibl.

Faint sy'n addas?
2-3 tafell denau o gig sy'n isel mewn braster, cyw iâr neu dwrci 2- 3 tafell denau o ham
1 golwyth (chop) bach o borc neu oen
1/2 tun bach o bysgod llawn olew
1 ffiled o bysgod
2 fys pysgoden
1 wŷ mawr
1 tun bach o ffa pob, ffacbys neu ffa gwynion
2 lwy fwrdd o gnau
4 owns (100g) o toffw neu TVP

Llaeth a bwydydd llaeth
Bwytwch yn gymhedrol o'r grŵp hwn.

Faint sy'n addas?
175g (1/3 peint) o laeth hanner-sgim
1 pot 125g (4.5 owns) o iogwrt neu fromage frais
1 pot o bwdin iogwrt soia
1 pot bach o gaws bwthyn
28g (1 owns) o gaws caled
1 darn maint bocs o fatsys o Edam neu gaws arall sy'n isel mewn braster
1 llwy fwrdd orlawn o gaws meddal isel mewn braster

Bwydydd llawn braster a siwgwr
Mae'r bwydydd yn y grŵp hwn naill ai yn uchel mewn braster neu siwgwr (neu'r ddau) a dylid bwyta ychydig bach ohonynt yn unig, a hynny dim ond o bryd i'w gilydd.

Maen nhw'n cynnwys:

menyn, pâst uchel a phâst isel mewn braster, olew, saim, mayonnaise, hufen, bwydydd wedi'u ffrïo (gan gynnwys sgolion), creision, siocled, bisgedi, crwst a phastai, cacenni, hufen-iâ, saws bras a grefi, pethau melys, jam, siwgwr a diodydd ysgafn (ond nid diodydd deiet a diodydd heb siwgwr).

Lle'n bosibl, chwiliwch am opsiynau isel mewn braster a heb siwgwr - mae digon o ddewis ar gael.