Allan ag o Mae llawer ohonom yn mwynhau 'pryd ar glud', neu fwyta mewn bwytai a chaffis. Gartref, gallwch reoli beth a faint sy'n mynd ar eich plât chi. Ond mae'n wahanol pan ydych yn bwyta allan.

Mae'n gyffredin i weld bwydydd wedi'u ffrïo ac sy'n uchel mewn braster ar fwydlenni bwytai - yn ogystal â llond plât o fwyd. Ond does dim rhaid i hyn fod yn broblem. Dyma rai cyfarwyddiadau i'ch helpu chi.

Meistroli'r fwydlen

• Dewiswch fwydydd sydd wedi'u grilio, golosgi, potsio, tro-ffrïo neu stemio.
• Osgowch dameidiau a byrbrydau cyn bwyta.
• Gofynnwch am datws newydd wedi'u berwi yn lle sglodion.
• Gofynnwch am bryd maint cwrs cyntaf gyda llysiau neu salad ychwanegol.
• Dewiswch saws llawn tomato yn hytrach na llawn hufen.
• Gofynnwch am ddresin a saws ar wahân ac ychwanegwch dim ond ychydig.
• Cymerwch eich amser i fwyta a mwynhau'ch bwyd. Rhowch eich cyllell a fforc yn ôl ar y plât bob hyn a hyn ac yfwch rhwng pob cegaid i'ch arafu chi. Synnech chi - efallai na fydd gennych le ar gyfer pwdin!
• Dewiswch goffi yn lle sorbed ffrwyth, neu cymerwch salad ffrwythau os ydych dal eisiau bwyd. Cofiwch osgoi pwdin llawn hufen a phwdin gyda chrwst.
• Byddwch yn gymhedrol pan ydych yn yfed alcohol - gofynnwch am ddŵr tap hefyd.
• Dewiswch fwyty neu gaffi gyda dewisiadau i'ch siwtio chi.

Dewis o'r fwydlen

Mae llawer o fwydydd 'pryd ar glud' a bwydydd bwytai yn uchel mewn braster, yn enwedig os oes saws bras, llawn hufen neu gaws. Ond gallwch barhau i fwynhau pryd blasus heb deimlo'n euog a magu pwysau. Dyma rai awgrymiadau.