မိုဘီဂျီနိုနဲ့ Lady of No Fear

မိုဘီ ဂျီနို ကဏ္ဍကနေ ကြိုဆိုပါတယ်။

ဒီတစ်ပတ်အစီအစဉ်မှာတော့ မြန်မာဒီမိုကရေစီရေးခေါင်းဆောင် ဒေါ်အောင်ဆန်းစုကြည်အကြောင်း ရိုက်ကူးထားတဲ့ documentary မှတ်တမ်းရုပ်ရှင်တစ်ခုအကြောင်း တင်ဆက်ထားပါတယ်။

Aung San Suu Kyi - Lady of No Fear (အောင်ဆန်းစုကြည် အကြောက်တရားကင်းတဲ့ အမျိုးသမီး) ဆိုတဲ့ နာမည်နဲ့ မှတ်တမ်းရုပ်ရှင် မကြာခင်ကပဲ ထွက်လာပါတယ်။

ဒိန်းမတ်နိုင်ငံက ဒါရိုက်တာ အန်းန် ဂရစ်သီ ဘွန်းန် ရိုက်ကူးပြီး Kamoli Films ကနေ ထုတ်လုပ်ထားပါတယ်။

ဒါရိုက်တာ အန်း ဂရစ်သီ ဘွန်း (အလယ်)

ဒီရုပ်ရှင်အကြောင်းကို လန်ဒန်မြို့မှာ ဇန်နဝါရီလ ၆ ရက်နေ့က အထူးပွဲ ပြသခဲ့ပါတယ်။

နိုင်ငံတကာမှာ သိကြတဲ့ မြန်မာ့ဒီမိုကရေစီရေးခေါင်းဆောင် တစ်ဦးရဲ့ နိုင်ငံရေးဘဝထက် ဒေါ်အောင်ဆန်းစုကြည်ရဲ့ မိသားစုရေးကို ဇောင်းပေးပြီး ရိုက်ကူးထားပါတယ်။

ဒီမှတ်တမ်းရုပ်ရှင်နဲ့ပတ်သက်လို့ ဒါရိုက်တာ အန်းန် ဂရစ်သီ ဘွန်းန်ကို ကိုမိုးမြင့်က မေးမြန်းတင်ဆက်ထားပါတယ်။