Daayaamandiin waggaa biiliyoona tokkoo doolaara miiliyoona 4.3’n gurgurame
Madda suuraa, Reuters
Daayaamandiin gurraachi moggaasa ‘Za Iniigmaa’ jedhu qabu kuni kaaraatii 555.55 yoo tahu hamma muuzii tokkoo ulfaata.
Gurgurtaa marsariitii irratti taasifamuun paawudii miiliyoona 4.4 ol baasa jedhamee eegama.
Astrooyidii( dhakaa xixiqqoo qaama aduu marsu) waliin hawaarraa lafarra bu’e yaada jedhurraa, xiinxalli garagaraa eessaa dhuftee dhakaa jabaa kanarratti kennama.
Dhaabbanni Soozbaay caalbaasii dayaamandii kanaa adeemsisu akka jedhetti, abbaan bite kiriptookaaransii fayyadamuu filate.
Barreeffamni kun qabiyyee [social_media-site]n dhiyaatan qaba. Tarii 'cookies' fi teknolojiiwwan biraa fayyadamuu waan danda'aniif, osoo tokkoonsaa gadi hin buufamiin dura hayyama keessan gaafanna. Osoo hin simatin dura Ximaammata cookies fi imaammata mateenyaa dubbisuu barbaadda ta'a. Qabiyyee kana ilaaluuf 'waliigaluun itti fufi' filadhu.
Xumura maxxansa X
Soozbaay eenyummaa bittuu daayamandii kanaa otoo hin ibsiin turus, caalbaasii booda ogeessi kiriptookaaransii Riichaard Haart Yaz Hinigmaa dayaamadicha bitachuu miidiyaa hawaasaa irratti ibse.
Soozbaay hordoftoota isaa Tiwiitarii 180,000 tahaniif kaffaltiin dayaamandii kanaa akka raawwateefi ‘HEX.COM Diamond’ jedhamuun akka irra deebiin akka moggaafamu ibseera.
Daayamandiin kuni albuuda jabaa Kaarboondos jedhamu dhas jedhameera.
Gosti dayaamandii Kaarboondos jedhaman baayyee xiqqoo yoo tahan kana dura Biraaziiliifi Gidduugala Afrikaatti qofa argaman.
Albuuda Osboorneet jedhamu of keessatti kan qabu gosti Dayaamandii kanaa hawaa irraa akka dhufe amanama.
Dhaabbati Soozbaay, ‘’Kennaa hawaa ilmaan namaa biratti qananii tahan keessaa isa tokko,’’ jechuun ibseera.
Achii dhufteen albuuda gurraacha kanaa icciitiidhaan kan guutame dha.
Dayaamandiin gurraacha waggaa biiliyoona 2.6 hanga 3.2 akka jiraatan tilmaamama. Kunis daayinosariin otoo hin uumaniin dura dha.
