Ayyaana Waggaa Bara Haaraa Itoophiyaa 2018 suuraan

Daataa qusachuuf barreeffama qofa dubbisi
Ayyaanni Bara Haaraa yeroo Birraan itti bari'u waan ta'ef haadaan ayyaanicha miidhagsa

Madda suuraa, Amensisa Ifa/BBC

Ibsa waa'ee suuraa, Ayyaanni Bara Haaraa yeroo Birraan itti bari'u waan ta'ef haadaan ayyaanicha miidhagsa

Lammiileen Itoophiyaa Bara Haaraa 2018 nyaachaa, dhugaa, gammachuufi wal gargaaruun guyyaa har'aa simataniiru.

Ayyaana yeroo yaadanne caffee, gabaa handaaqqoofi busaa'ee, qricaa, uffata haaraa… waan hedduu nama yaadachiisa.

Haadaan yookiin abaaboon keelloo mallattoowwan birraan bari'uu nutti agarsiisan keessaati.

Keelloon gara caalu Fulbaana keessa kan daraaru haalli qilleensaa waqtii kanaa mijataa waan taheefi.

Guyyaa har'aa lammiileen Itoophiyaa Ayyaana Waggaa Bara Haaraa 2018 kabajataa jiru.

Suuraawwan muraasa guyyaa ayyaanaa akkasumas jala bultii agarsiisan kunooti.

Hoolaa gabaa Finfinnee keessatti dhaabatu

Madda suuraa, Amensisa Ifa/BBC

Ibsa waa'ee suuraa, Yeroo Ayyaana Bara Haaraa akkuma ayyaanota amantaa hoolaan bal'inaan gabaa baha

Ayyaana Bara Haaraaf ijoolleef uffata haaraa, kophee haaraa bituun waan barame.

Yerootti barnoonni eegalu waan ta'ef ijoolleen akkuma ga'eessotaa uffata isaaniin miidhaganii mul'atu.

Skip Baay'ee kan dubbifame and continue reading
Baay'ee kan dubbifame

End of Baay'ee kan dubbifame

Gosoota nyaataa ayyaana kanaaf dhihaatan keessaa tokko hindaaqqoo yookiin lukkuudha.

Magaalaa Finfinnee

Madda suuraa, Amensisa Ifa/BBC

Magaalaan Finfinnee akkuma duraanuu Afaan Amaaraatiin Addis Abaabaa (Daraaraa Haaraa) jedhamte sana bara haara bara kanaa daraaraa fakkaachuun bara 2018 simatteetti jirti.

Hindaaqqoo gabaa keessatti

Madda suuraa, Amensisa Ifa/BBC

Ibsa waa'ee suuraa, Ittoon hindaaqqoo Ayyaana Bara Haaraaf haalaan qophaa'a

Bakkeewwan biyyattii ayyaanni kun sirna ho'aan keessatti kabajamu keessaa tokko magaalaa Finfinneeti.

Yeroo ayyaanaa gatiin hindaaqqoos ta'e kan shaqaxoota biraa akka dabalu eegama.

Namoota marga hafaa gurguran

Madda suuraa, Amensisa Ifa/BBC

Wantoota tibba kabaja ayyaanootaatti miira kabajaa uuman keessaa tokko marga (caffee) hafamuudha.

Hundumtuu haaluma dandeettiisaatti margaafi daraaraa keelloo bitachuun manasaa bareechuun gammachuun bara haaraa simata.

Gabaa hindaaqqoo

Madda suuraa, Tola Dingeta/BBC

Ibsa waa'ee suuraa, Gabaa hindaaqqoo keessumaa yeroo ayyaanaa daandii konkolaataattuu baha

Arrittii, ulumaayii fi biqiltuuwwan kaan qe'ee fi mana urgaa namatti toluun guutu.

Gatiin handaaqqoo, hoolaa, dhadhaafi killee ayyaana jala akka malee qaala'uun waan barame.

Ayyaana Bara Haaraa magaalaa Finfinneetti

Madda suuraa, Amensisa Ifa/BBC

Ibsa waa'ee suuraa, Bakkeewwan Ayyaanni Bara Haaraa sirna ho'aan itti kabajamu keessaa tokko magaalaa Finfinneedha

Gabaa hoolaatti gatii daldalaan yookaan qonnaan bulaan dhahu qofaan hin bitan.

Gatii cabsi, diboo hin qabdu, foon hin qabdu, gogaa qofaadha jechaa gatii wal falmuun waanuma barame.

Daraaraa keelloo mallattoo birraa

Madda suuraa, Amensisa Ifa/BBC

Ganni roobaa darbee birraan barii'usaatii wantoota mallattoo ta'an keessaa tokko daraaraa keellooti.

Guyyaa kabaja Bara haaraatii fi Masqalaatti jiraattoonni hafaa manasaanii keessaa daraaraa keelloo makatu.

Gabaa hoolaa Finfinneetti

Madda suuraa, Tola Dingeta/BBC

Ibsa waa'ee suuraa, Akkuma hindaaqqoo hoolaa yoo bitanis gatii akka cabsu gaafachuun waan baramedha

Ayyaanni Bara Haaraa 2018 kan nagaa, gammachuufi guddinaa isiniif haa ta'u. Ayyaana Gaarii!