Kaduna sex party: Mọ̀ si nípa àríyá oníhòhò àti ìbálòpọ̀ tó yẹ́ kó wáyé ní Kaduna

Awọn ọlọpaa ti mu awọn to ṣe agbatẹru ariya ibalopọ ti wọn polongo rẹ pe yoo waye nipinlẹ Kaduna, lọjọ kẹtadinlọgbọn, oṣu Kejila, ọdun 2020.

Oluranlọwọ pataki fun gomina ipinlẹ Kaduna lori eto iroyin ati ibaraẹnisọrọ, Abdallah Abdallah fidi iṣẹlẹ yii mulẹ fun BBC pe lootọ ni ọwọ tẹ awọn eeyan naa.

O ni "nọmba ẹrọ ibaraẹnisọrọ ti wọn fi si ori iwe ipolongo ariya naa ni wọn fi tọpasẹ wọn, ti ọwọ fi tẹ wọn".

Bakan naa ni agbẹnusọ un ileeṣẹ ọlọpaa nipinlẹ Kaduna, ASP Mohammed Jagile sọ pe lootọ ni.

Bawo lo ṣe yẹ ki eto naa lọ?

Gẹgẹ bi nkan ti wọn kọ si ori iwe ipolongo fun ariya naa, awọn ti yoo ba wa sibẹ gbọdọ wa ni ihoho goloto.

Oriṣiriṣi ere idaraya lo yẹ ko waye

Ounjẹ loriṣiriṣi.

Pabanbari ibẹ ni pe ibalopọ yanturu ni gbangba ati kọọrọ naa yoo waye nibẹ.

'Iru nkan bayii ko ṣẹlẹ ri nipinlẹ Kaduna'

Habu Muazu, to jẹ ọmọ jayejaye, to tun jẹ olugbe nipinlẹ Kaduna lati bi ọdun mẹẹdọgbọn, sọ fun BBC pe, igba akọkọ niyii ti oun ri iru nkan bẹ ẹ ri lati igba ti oun ti n lọ sile ijo.

"Ko si ile ijo alaalẹ ti mi o mọ ni Kaduna. Ko si si iru ariya ti mi o ti i lọ lati bi ogun ọdun, amọ iru eyi ti awọn eeyan naa fẹ ṣe kan fẹ ba orukọ rere ti iru awọn eeyan bi temi to n fi iwa ọmọluabi jaye ori wa, jẹ ni."

Àwọn iròyin tì ẹ leè ní ìfẹ̀ síí:

O ni o dara bi ijọba ati awọn ọlọpaa ṣe tete gbe igbesẹ, nitori pe eto naa ko ba fun awọn eeyan mii ni igboya lati tun ṣe bẹ ẹ.

Ọrọ ariya naa si ni ọpọ eeyan n jẹ l'ẹnu lori ayelujara, pe o dara bi ijọba ṣe dawọn duro.