Pains and Pleasure Band: Ọ̀pọ̀ àwọn akọrin tó ní ìpèníjà ojú ló jẹ́ Ẹnjiníà, atagìtá, alugángan etc
Ara meeriri, mo ri ori ologbo lori atẹ ni fidio yiii nitori ko daju pe iru isẹlẹ yii pe meji yika agbaye.
Abi ẹyin ti gbọ ri pe ẹgbẹ akọrin kan wa, ti ọpọlọpọ awọn ọmọ ẹgbẹ naa ni ipenija oju, ti wọn si n dabira ni awuja.
Ninu ẹgbẹ akọrin yii, eeyan mẹtalelogun lo wa nibẹ, amọ eeyan marun pere ninu wọn lo le riran kedere, se ni awọn yoku ni ipenija oju.
Orukọ ẹgbẹ akọrin amuludun naa ni Pains and Pleasure (PP), ti wọn si n kọrin lati da awọn eeyan laraya lagbo ariya lorisirisi.
Àwọn iròyin tì ẹ leè ní ìfẹ̀ síí:
- Báyìí kọ́ ní wọ́n ṣe bí èmí àti aya mi ṣùgbọ́n a kọ̀ láti tọrọ bárà- Tokotayà tó ni ìpènijà oju
- Kàyèéfì! Ẹ wo ẹni tó ní ìpèníjà ojú tò ń tún ẹ̀rọ̀ ńlá tó ń sọ omi di yìnyín ṣe
- Àrà méèrírí! Ọkùnrin tí kò ríran kan rèé tó ń lọ ẹ̀rọ ata
- Mo tọrọ ikú pẹ̀lú májèlé torí wàhálà ọkọ́ àmọ́ Ọlọ́run kò fún mi - Onírú tí kò ríran
- Ẹ fún wa láṣẹ́ láti yọ ojú yín tẹ bá kú fún ìwúlò alààyè tí ojú rẹ̀ fọ́ - Ibùdó ìtọ́jú ojú ń pariwo
- Olè fẹ́ fipá bá ìyá mi lòpọ̀, mo takú, wọ́n sì fìdí ìbọn fọ́ mi lójú - Ayàwòrán olójú kan
Bawo ni wọn se ko ara wọn jọ?
Nigba ti wọn n ba BBC Yoruba sọrọ, diẹ lara awọn ọmọ ẹgbẹ naa to ni ipenija oju salaye pe awọn sa wa ara awọn ri ni.
Ẹgbẹ akọrin PP naa, ti wọn lo bẹrẹ lọdun mẹrinlelogun sẹyin, si lo n pawo wọle fun wọn lati ri ọwọ mu lọ sẹnu.
Awọn eeyan to ni ipenija oju naa ni wọn ko bi ohun bii afọju amọ awọn miran ninu wọn lo gbe ipenija oju wa lati ọrun.
A ni Onimọẹrọ, agbohunsilẹ, atagija, afọnfere, alugangan ati bẹẹ bẹẹ lọ - Manija ẹgbẹ
Nigba to n ba BBC Yoruba sọrọ, alakoso ẹgbẹ akọrin amuludu naa, taa tun mọ si Manager salaye pe inu ile kan soso ni awọn ọmọ ẹgbẹ naa to ni ipenija oju naa n gbe.
O ni oun dijọ n gbe ile pẹlu wọn ni, ti wọn si ni ki oun wa se manija awọn.
O salaye pe o maa n jẹ iyalẹnu ni ode ariya lati ri awọn akọrin naa, ti ọpọ wọn ko riran rara amọ ti wọn n kọrin ju awọn eeyan miran to riran lọ.
Manija fikun pe lara awọn ọmọ ẹgbẹ akọrin naa to ni ipenija oju ni Onimọẹrọ, agbohunsilẹ, atagija, afọnfere, alugangan ati bẹẹ bẹẹ lọ wa.
- Ìpèníjà ojú kò ní kí ń má ṣiṣẹ́ ‘DJ’ - Etu Sodiq Omotayo
- Njẹ ẹ mọ pẹtẹsi akọkọ ni Naijiria?
- Ọ̀pọ̀ ọ̀rẹ́ àti aya lọ lẹ́yìn ti ojú mi lọ ní 2012 ṣùgbọ́n lónìí iṣẹ́ Àdìrẹ ti sọ mi dí eèyàn- Muritala David
- Afọ́jú akẹ́kọ̀ọ́gboyè sọ̀rọ̀ nípa ìrírí rẹ̀
- Wo tọkọ-taya tó ní ìpèníjà ojú àmọ́ tó ń ṣiṣẹ́ ọwọ́
- Mo di afọ́jú lẹ́yìn oṣù mẹ́ta tí aya mi kú lọ́jọ́ ìkúnlẹ̀ - Wòlíì Oluwalogbon
- Ẹ̀kún l'oúnjẹ́ mi ní ọ̀pọ̀ ìgbà lẹ́yìn tí ojú mi fọ́ ní JSS 3- Lawal Ayankemi
‘Wọn fẹ ko ye awujọ pe awọn si wulo lai se agbe ni wọn se n kọrin’
Manija naa fikun pe iyalẹnu ni ipinnu awọn ọmọ ẹgbẹ to ni ipenija oju naa lori bi wọn se pinnu lati maa krin jẹun.
O ni wọn ko fẹ maa se agbe jẹun tabi tọrọ baara, lo mu ki wọn maa kọrin, bakan naa si tun ni wọn fẹ fi han awujọ wa pe awọn si wulo.
O fikun pe lara awọn eeyan wọn yii gan kawe, ti wọn si lọ sile ẹkọ giga.
Bakan naa lo ni wọn ti se igbeyawo,, wọn ti bimọ, ti omiran ninu wọn gan ti ni ọmọ-ọmọ.
O ni ọpọ obinrin to ba ri wọn bi wọn se n kọrin, lo n nifẹ wọn, ti wọn si gba lati fẹ awọn akọrin to ni ipenija oju naa bii ọkọ wọn.
A nilo awọn nnkan amayedẹrun bii ọkọ akero fun isẹ wa – Ẹgbẹ akọrin PP
Awọn ọmọ ẹgbẹ akọrin Pains and Pleasure wa salaye pe lootọ ni awọn n ri ọwọ mu lọ sẹnu amọ awn si nilo awọn ohun eelo amayedẹrun kan fun idagbasoke ẹgbẹ naa.
Lara ohun ti wọn mẹnuba ni ipese ọkọ akero ti yoo maa ko awọn ọmọ ẹgbẹ naa jade, paapaa lọ sode ariya ti wọn ba ti ni isẹ.
