Fani-Kayode: Kò sẹ́ni tó mọ ìgbà táwọn ọmọ Nàíjíríà yóò fárígá láti kọ ìyà tó ń jẹ wọ́n
Oríṣun àwòrán, @realFFK
Minisita fun irinna ofurufu nigbakan ri lorilẹede Naijiria, Amofin Fẹmi Fani Kayọde ti ke si Aarẹ Muhammadu Buhari pe o ni alaye lati ṣe fọmọ Naijiria lori ọwọja ipaniyan to n waye ni tibu-toro orilede yii.
Ninu atẹjade kan to fi si oju opo Twitter rẹ l'Ọjọbọ, Fani Kayọde to ṣẹṣẹ sa kuro lẹgbẹ oṣelu PDP lọ APC laipẹ yii ṣalaye pe, iwọnba oṣu perete lo ku fun Muhammadu Buhari nipo aarẹ Naijiria.
O fikun pe idi ree to fi yẹ ko fi opin si gbogbo iwa ipaniyan ati ipa to n waye kaakiri Naijiria.
Àwọn iròyin tì ẹ leè ní ìfẹ̀ síí:
- Kí lò fa ariwo pe Wasiu Ayinde kó kúrò nílé fún Ropo, aya rẹ̀ torí pé obìnrin náà fọ léti torí obinrin miran?
- Ooni Ilé Ife, Adeyeye Ogunwusi ti bí ọmọ míràn?
- Ọ̀dọ́ afurasí adigunjalè méjì, Oyewusi àti Anini tú àṣírí bí ìyá wọn ṣe jẹ́ agbodegba wọn
- Òṣìṣẹ́ INEC kàn ku méjì, dì àwáti bí agbébọn ṣe kọlù ibùdó iforukọsilẹ
- Seyi Makinde ti sọ Auxillary di nǹkan míì sígbòrò, ọlọ́pàá gbọdọ̀ mu - Olopoeyan
- Wo ẹ̀rọ ìgbàlódé tí o lé rì sínú ọwọ́ rẹ̀ láti má a san owó ọ̀jà láì lo káàdì ATM
- Ó ṣe! Baálẹ̀ abúlé pàdánù ọmọ 5 sínú ìjàmbá ọkọ̀ oju omi tó mú ẹ̀mí 28 lọ
- Ẹni tí kò bá ní nọ́mbà ìdánimọ̀ NIN kò le wọ ọkọ̀ ojú irin mọ́- iléeṣé rélùwéè
- Ọ̀rọ̀ǹpọ̀tọ̀niyùn, obìnrin àkọ́kọ́ tí yóò jẹ́ Aláàfin, ẹni tó pààrọ̀ nǹkan obìnrin sí ti ọkùnrin
O sọ ọ siwaju sii pe oorun to ku nita yii ṣi too sa aṣọ fun aarẹ lati wa ojuutu si iwa ipaniyan lọgọọrọ, igbesunmọmi ati inira tawọn agbebọn fi n bẹ awọn araalu wo, ki O to kuro nipo.
"Ka pa t'oṣelu ti ka sootọ. Ọgọrun eeyan ni wọn pa nipinlẹ Plateau, marundinlọgbọn mii lawọn agbebọn tun ṣa pa ni Benue. Itiju gba a leyi ko si ni awijare kankan rara."
Fani Kayọde woye pe ko sẹni mọ igba ti awọn ọmọ Naijiria yoo fariga lati kọ iya to n jẹ wọn o, tabi iye awọn eeyan tawọn agbenipa wọnyii yoo tun pa ki awọn ọmọ Naijiria to dide pẹlu ibinu pe 'O to gẹ'
Ọna abayọ, gẹgẹbi Fani-Kayode ṣe sọ:
Minisita tẹlẹ naa ni aaye ṣi wa fun ijọba apapọ labẹ Aarẹ Buhari lati ṣatunṣe ohun gbogbo to ba yẹ.
Fani ni ijọba Naijiria gbọdọ ro awọn ileeṣẹ alaabo gbogbo lagbara ko si fun wọn ni aṣẹ ti ko lẹjambakan ninu lati lọ ree koju awọn agbebọn wọnyii dipo jijoye afẹa jẹ, maa fẹ a yoo, tii fun ni loko idi ọpẹ ro.
O ni ki ijọba tun gbe igbesẹ akin lati yọju gbogbo awọn to wa nidi iwa buruku wọnyi sita, ki ijọba yee huwa bi ẹni to n gbe lẹyin awọn ọbayejẹ naa.
This article contains content provided by X. We ask for your permission before anything is loaded, as they may be using cookies and other technologies. You may want to read X cookie policy and privacy policy before accepting. To view this content choose 'accept and continue'.
End of X post
Ki lawọn abajade iwadii gbogbo nsọ?
Ọpọlọpọ iroyin lo n jade pe nnkan bii ẹgbẹrun mọkanla awọn eeyan lati ẹya Berom nipinlẹ Plateau lawọn agbebọn ti pa lati nnkan bii ogun ọdun sẹyin.
Bakan naa lawọn iroyin kan n sọ pe nnkan bii ileto mejidinlaadọrin lawọn darandaran Fulani ti le awọn olugbe ibẹ danu ti wọn si ti n gbe ibẹ gba ilu wọn nibẹ.
Abajade iwadi kan laipẹ yii tilẹ tun sọ pe ẹgbẹrun mẹfa lawọn eeyan eeyan to ti fi ile ati ọna wọn silẹ nitori lemọlemọ ikọlu awọn agbebọn lagbegbe ijọba ibilẹ Kanam nipinlẹ Plateau ti awọn eeyan naa si ti lọ n fi ara pamọ si awọn ọja ati ileewe kaakiri.
