Oluwo: Kí làwọn obìnrin ń wá kiri, tí wọn ń sanwó láti fẹ́ ọkùnrin

Oluwo ti ilu Iwo, Ọba Abdulrasheed Adewale Akanbi, Ilufemiloye Telu 1, ti kilọ fun awọn obinrin lori ẹrọ ayelujara lati ṣọra fun awọn ayederu eniyan ti wọn n fi orukọ rẹ gba owo lọwọ awọn obinrin.

Eyi ko ṣẹyin ẹsun ti Oluwo fi kan awọn obinrin kan to n wa si aafin, lati wa fi ẹjọ awọn gbajuẹ ti wọn n lu wọn ni jibiti lori oju opo Facebook sun.

Oluwo ni lori Facebook ni wọn ti n lu awọn obinrin naa ni jibiti owo, ti oun ko si si lori Facebook, yatọ si oju opo Instagram.

Kabiyesi ni awọn gbajuẹ naa ṣi 'personal page' lori Facebook ti wọn ti n lu awọn obinrin yii ni jibiti, pẹlu ileri pe Oluwo yoo fi wọn ṣe aya.

''Emi o wa iyawo o, mo ni ẹni ti mo n fẹ, obinrin to ba n wa ọkọ, ko wa lọ si iwaju

Awọn ti wọn n wa si aafin n sọ wi pe wọn n gba owo ọti ni ọwọ awọn lati fi ṣe etutu lati fi fẹ wọn.

A kii ṣe etutu ni ilu Iwo, a ki n bọ orisa ni aafin ti wa, nitori naa irọ lasan ni''

Oluwo ti ilu Iwọ ni obinrin to wa si aafin ni wọn gba 17,500 Naira ni ọwọ oun, wi pe wọn fẹ fi ra ọti lati fi ṣe etutu.

''Ki ni awọn obinrin yii n wa kiri, ti wọn n san owo lati fi fẹ ọkunrin.

Ẹni to ba n wa ọkọ, ko wa si aafin lati wa wo o boya Oluwo ko ni aya, amọ mi o si lori igba mọ, laipẹ ni ma a ṣe afihan ayaba tuntun.

''Mo ti ni iyawo ti temi, ẹni to ni oruka to wa ni ọwọ Oluwo ti gba a, mi o fẹ iyawo ori ayelujara.

''Nitori ọpọ ti n wa si aafin, ọkan ni 92,000 ni oun san nitori oun fẹ fẹ Oluwo, ko si lori atẹ o''

''Nigba wo ni aye di radarada to jẹ wi pe obinrin ni yoo ma a san owo lati fẹ ọkunrin, eleyii ko bojumu rara.''

Bakan naa ni Oluwo ṣeleri wi pe laipẹ laijina, awọn ti wọn ba n ṣe iru rẹ yoo foju wina ofin nitori awọn ti fi ọrọ naa to awọn ọlọpaa leti.

Ti ẹ ko ba gbagbe, laipẹ yii ni wọn fẹsun kan ọba kan ni ipinlẹ Ogun wi pe o lu awọn obinrin ni jibiti lori ayelujara, eleyii to ṣeleri igbeyawo fun wọn.

Ta ló ń fi orúkọ Oluwo lu àwọn obìnrin ní jìbìtì lórí ayélujára?

Oye to kan ara Iwo ni Yoruba a maa sọ, wọn ni bo pẹ boya yoo kan ara Ẹdẹ.

Boya nitori ki iru nkan to ṣẹlẹ si oriade kan nilẹ yi laipẹ, maa ba a ṣẹlẹ si, lo mu ki Oluwo ilu Iwo, Oba Abdulrasheed Adewale Akanbi Telu Kinni, se maa lọgun pe, oun ko wa iyawo.

Ninu atẹjade kan to fi sọwọ sawọn oniroyin ni Oluwo ti lọgun bẹẹ.

Àwọn iròyin tì ẹ leè ní ìfẹ̀ síí:

Oba Abdulrasheed Akanbi ni pẹlu bi awọn kan se n ko sọwọ gbajuẹ, paapaa bi awọn obinrin to fẹ fẹ oun ṣe n pọ si, oun ni lati sọ faraye pe oun ko wa iyawo rara.

Oluwo ni ẹnikẹni to ba ko sọwọ awọn gbajuẹ yii ṣe bẹẹ fun ori ara rẹ ni, o ni oun kọ loun n kọ ẹnu ifẹ si wọn loju opo ayelujara.

''Eti wa ti kun pe awọn gbajuẹ wọnyii ti ṣi oju opo lorukọ Oluwo, ti awọn obinrin ṣi n kopa ninu etutu orisi nitori pe wọn fẹ di Olori''

O tẹsiwaju pe, awọn obilẹjẹ ẹda yii fẹ ba Oluwo lorukọ jẹ ni, nitori naa, oun n fi to araalu leti pe, Oluwo ko ni oju opo kankan lori Facebook yatọ si ti tẹlẹ.

Bakan naa lo kede pe oun ti fi ọrọ naa to ileesẹ ọlọpaa leti.

O wa kilọ pe ẹnikẹni to ba ko sọwọ awọn gbajuẹ naa ko ni nkankan ṣe pẹlu Oluwo.

Bẹẹ ba gbagbe, ko si Olori kankan lọọdẹ Kabiyesi Oluwo titi di akoko yii, lẹyin ti Olori Channel tii se ayaba kẹru kuro laafin, ni nkan bi ọdun kan sẹyin.