NAF Killing: A ti gbé ìwàdìí dìde láti mọ òkodoro ọ̀rọ̀ nípa ìṣẹ̀lẹ̀ náà

Baalu ileeṣẹ ọmọ ogun ofurufu, NAF, ti ṣeku pa ogun lara awọn ọmọ ologun to n doju ija kọ ikọ agbesumọmi Boko Haram ni ipinlẹ Borno.

Iroyin naa ni ọkọ ofurufu naa ṣeṣi sọ ado oloro lu awọn jagunjagun to wa ni iha rẹ, ti nnkan bii ogun lara awọn ṣọja naa si dagbere faye.

Ṣaaju ni wọn ti kọkọ ke si awọn ọmọ ogun naa lati doju ija kọ awọn ọmọ ogun agbesumọmi Boko Haram ti ikọ Islamic State n ṣatilẹyin fun.

Àwọn iròyin tì ẹ leè ní ìfẹ̀ síí:

Igbesẹ naa waye lasiko ti wọn n ṣakọlu si agbegbe Mainok to jẹ olu ijọba ibilẹ Kaga, nipinlẹ naa.

Awọn agbesumọmi ọhun kọlu agbegbe naa pẹlu ọkọ ti wọn gbe ibọn le lori bii marundinlogun, wọn si tun dana sun ibi ti awọn ọmọ ogun tẹdo si.

Gẹgẹ bii ohun ti a gbọ, awọn ọmọ ogun to lọ ṣatilẹyin fun awọn akẹgbẹ wọn, ni NAF sọ ado oloro le lori.

Iṣẹlẹ naa ti mu ki ọpọ ọmọ Naijiria koro oju si ileeṣẹ ologun, ti wọn si n fi erongba wọn lede lori ayelujara lori iṣẹlẹ naa.

Lasiko ti ileeṣẹ ọmọ ogun ofurufu n da si ọrọ naa, bo tilẹ jẹ pe wọn ko sẹ pe iṣẹlẹ naa ko waye, ṣugbọn wọn ni awọn ti bẹrẹ iwadii lori rẹ.

Wọn ni awọn yoo si bun gbogbo ọmọ Naijiria gbọ laipẹ lori abajade iwadii wọn.

Wọn ni "Ileeṣẹ NAF ti gbọ nipa iroyin to sọ pe ileeṣẹ ọmọ ogun ofurufu ṣekupa ogun lara awọn ọmọ ogun rẹ, a ti gbe iwadii dide lori iroyin naa, a oo si jẹ ki gbogbo araalu mọ abajade iwadii wa."

Ẹwẹ, pupọ awọn ọmọ Naijiria lo n yọ suti ete si ileeṣẹ naa lori iṣẹlẹ ọhun.

Bi awọn kan ṣe n sọ pe wọn mọọmọ pa awọn ọmọogun naa ni, lawọn kan n sọ pe yoo dara ki awọn ni suuru de abajade iwadii ti ileesẹ ologun ofurufu fẹ se.

Ẹ wo diẹ lara awọn nnkan mii ti awọn eeyan n sọ loju opo Twitter:

Wọ́n ti sin òkú àwọn èèyàn tó lé ní àádọ́ta tí àwọn agbébọn pa ní Zamfara báyìí

Wọn ti sin oku awọn eeyan mọkanlelaadọta ti awọn agbebọn ṣekupa ni ipinlẹ Zamfara l'Ọjọbọ

Ẹnikan ti ọrọ ṣoju naa rẹ sọ fun BBC pe ẹkun Magami ni wọn ti ṣekupa awọn eeyan naa lawọn abule kan.

Awọn agbebọn ọhun dabọn bo awọn eeyan nigba ti awọn kan fẹ doola wọn.

Iroyin kan sọ pe awọn eeyan si n sa asala fun ẹmi wọn lẹkun Magami lẹyin iṣẹlẹ iṣekupani naa.

Awọn ti ọrọ ṣoju wọn ṣalaye pe ogun eeyan ni wọn pa ni abule Ruwan Dawa, mẹwaa ni Kangon Fari Mana.

Mẹfa ni wọn pa ni abule ni Madaba, mẹfa naa ni Wealth, ẹyọkan ni Kogo, ati ẹyọkan ni Ayaya ati ẹyọkan ni Rairai.

Ẹnikan sọ pe awọn janduku naa n yinbọn ni abule Kangon Fari Mana fun bii wakati meje.

Ọjọ keji lawọn eeyan abule Yar Doka to pada si ibugbe wọn lẹyin ikọlu awọn agbebọn naa.

Aarọ Ọjọbọ ni wọn sin eeyan mẹwa ti wọn sẹkupa ni abule Kangon Fari Mana.

Awọn eeyan abule naa ni aisi awọn ẹṣọ eleto abo n fi iya jẹ awọn.

Ẹwẹ, ileeṣẹ ọlọpaa ipinlẹ Zamfara ti ṣalaye pe awọn ti ko awọn ẹṣọ ranṣẹ si ẹkun naa.

Awọn ara abule naa ni awọn ko le tun ara awọn oku eeyan awọn ṣe nitori awọn n bẹru pe awọn janduku naa le pada wa.

Eeyan mọkanla ni wọn gbe lọ si ile iwosan ijọba ni Magami nibi ti wọn ti n gba itọju.