Takoradi girls: Iléẹjọ́ ti pàṣẹ pé kí wọ́n yẹgi fún ọmọ Nàìjíríà méjì tó mọ̀ nípa ikú àwọn ọmọbìnrin Ghana mẹ́rin

Awọn ọmọ Naijiria meji kan ni wọn ti ni ki wọn yẹgi fun ni Ghana bi wọn ba kọ lati tako idajọ ile ẹjọ lẹyin ọgbọn ọjọ.

Ile ẹjọ giga to wa ni Sekondi ni idajọ yi ti ṣaaju waye pe ki wọn yẹgi fun Samuel Udoetuk Wills ati John Oji lori awọn ọmọbinrin Takoradi kan ti wọn di awati.

Adajọ Richard Adjei-Frimpong ti ile ẹjọ Kotẹmilọrun tubọ fẹsẹ idajọ ile ẹjọ rinlẹ lọjọ Karun un, oṣu Kẹta, ọdun 2021.

Igbimọ adajọ ẹlẹnimeje to gbe idajọ yi kalẹ ni awọn arakunrin yi jẹbi ijinigbe ati iṣekupani awọn ọmọbinrin Takoradi mẹrin naa.

Bawo ni ọrọ yii ṣe ṣẹlẹ?

Iṣẹlẹ bi awọn ọmọbinrin yi ṣe di awati ni Takoradi kan araalu lominu pupọ lẹyin tawọn obi wọn fẹjọ sun lagọ ọlọpaa pe awọn n wa wọn.

Niṣe ni iwọde bẹrẹ ti awọn ileeṣẹ iroyin Ghana naa si m'ọrọ yi bẹnu lati le ri wi pe awọn ọmọ ti wọn jigbe wọn yi di awati.

Lẹyin ọpọ iwadii awọn ọlọpaa ri eegun awọn ọmọ yi ninu 'soak-away'.

Ayẹwo ti wọn ṣe nipa DNA fi han pe loṣu Kẹwaa, ọdun 2020 pe aṣẹku eegun yi jẹ ti awọn ọmọbinrin ti wọn n wa ọhun.