Overweight and pot belly: Wo oríṣìí oúnjẹ márùn ún tó lè dẹ́kun ikùn yíyọ àti ara àsanjù
Oríṣun àwòrán, Food Ace
Njẹ iwọ ominu n kọ ẹ lori bi o ṣe n yọkun tabi bi o ṣe n tobi sii?
Wo ọna ti o le gba dẹkun yiyọkun ati titobi sii pẹlu alaye onimọ nipa ounjẹ jijẹ yii.
Akọṣẹ-mọṣẹ nipa ounjẹ jijẹ to tun jẹ nọọsi, Adanna Monday ni o ṣe pataki ki onikaluku maa se ounjẹ to ba fẹ jẹ fun ra rẹ.
- Wo àwọn oúnjẹ márùn ún tó ń mú kí àtọ̀ ọkùnrin dára síi
- Abiru wọlé àtúndi ìbò Sẹnẹtọ l'Eko, olùdíje méjì ṣojú APC ní Imo, òṣìṣẹ́ INEC méjì sọnù ní Zamfara
- Ọmọbìnrin tó tayọ nínú ìdànwó WAEC ọdún 2019 pẹ̀lú A1 méje ti kú
- Kí lo mọ̀ nípa ìbẹta kan ṣoṣo tí Alaafin Oyo bí? Wọ́n pé ọdún méjìlá báyìí
- Ìbálòpọ̀ ọ̀lọ́jọ́ méje mú kí ilé ẹjọ́ tú ìgbéyàwó ọdún mẹ́wàá ká ní Ibadan
- Rògbòdìyàn bẹ́ sílẹ̀ láàrin àwọn ọlọ́kadà àti àwọn òṣìṣẹ́ ọgbà ẹ̀wọ̀n ní Ibadan
Bakan naa lo sọ pe o yẹ ki eeyan ni gbedeke ounjẹ ti yoo maa jẹ nigba kuu gba.
Ninu ọrọ rẹ, ''jijẹ ounjẹ lasiko ati deedee le jẹ ki ara asanju, aisan bii ẹjẹ ruru ati arun itọ ṣuga jina si agọ ara eeyan.''
Isọri ounjẹ marun un ree ti o le jẹ lati maa sanra asanju tabi yọkun
1. Eso
Oríṣun àwòrán, Getty Images
Nọọsi Adanna sọ pe jijẹ oriṣiiriṣii eso bii mọngoro, ọsan oronbo atawọn eso mii dara fun ilera agọ ara.
O eso bi ''apple'' ati ''strawberries'' jẹ eso aṣara loore ati pe ko ni jẹ ki ọra pọju ninu agọ ara.
Adanna ni irufẹ awọn eso yii ni ohun aṣara loore kan ti wọn n pe ni ''fibre'' ninu.
2. Ẹfọ tabi ewebẹ
Oríṣun àwòrán, Getty Images
Nọọsi Adanna ni jijẹ ewe ''pumpkin'' ati amunututu dara fun agọ ara.
O ni bi awọn ewe ẹfọ yii ti dudu were were lo jẹ ki o ṣe anfaani fun ara.
Adanna ni iru awọn ewe yii lo maa n kọju ija arun to le ṣuyọ ninu agọ ara.
3. Ẹja ati ẹran adiẹ
Oríṣun àwòrán, Getty Images
''Jijẹ ẹja bi ẹja abori tabi ẹja crocker yoo ṣeranwọ lati maa sanra ju tabi yọkun,''Adanna lo sọ bẹẹ.
O fikun ọrọ rẹ pe ẹran adiẹ ati tolotolo naa wulo nitori wọn maa n dena arun ninu ara.
Adanna ni irufẹ ẹran bayii ko ni jẹ ki ara sun soju kan naa eyi to le nu eeyan yọkun tabi sanra ju.
4. Ounjẹ afara lokun
Oríṣun àwòrán, Food Ace
Adanna ṣalaye siwaju pe awọn ounjẹ afara lokun bi irẹsi ti eeyan ba kore rẹ ninu oko dara fun ara.
O ṣalaye pe iru ounjẹ bẹẹ to fi mọ ananmọ maa n ko ni jẹ ki ọra pọ lara eeyan eleyi to le mu tobi tabi yọkun.
5. Awọn ounjẹ ọlọra aṣaraloore
Oríṣun àwòrán, Getty Images
Awọn ounjẹ bi ẹpa, ororo olifi, ẹja mọnkẹrẹ ati avocado ni ọra to le ṣe ara loore ninu.
Adanna ni awọn ounjẹ yii dara fun ọkan ṣugbọn ajẹju wọ ko dara.
Akọṣẹ-mọṣẹ nipa ounjẹ ọhun ajẹju awọn ounbjẹ yii le mu ki eeyan sanra ju tabi yọkun.
Oríṣun àwòrán, Getty Images
Lakotan, Adanna rọ awọn eeyan lati maa mu omi to pọ tabi jẹ eso to ni omi ninu daadaa..
