Yoruba Film: Ta ló leè dúró s'ẹ́gbẹ̀ẹ́ Okunnu láì rẹ́rìn ín?

Laipe Okunnu ṣe ọjọ́ ibi, iyen Wale Akorede ti ọpọ eniyan mọ si Okunnu latara gbogbo ere ẹfẹ rẹ to ma n ṣe.

Gbajumọ ni laarin awọn oṣere Yoruba, o si jẹ ọmọ bibi ilu Ibadan ni ipinlẹ Oyo.

Wọn bi i lọjọ Karun, oṣu Kọkanla ọdun 1967.

Ẹwẹ, ati ilu Oyo ati Ogbomoṣo lo ti dagba, to si bẹrẹ si ni ṣe ọmọkunrin.

Nipasẹ molumọọka oṣere Muyiwa Ademola lo fi bẹrẹ si ni gbayii, ti ipa to n ko lati da ẹrin pa oṣonu si tun mu u da yatọ.

Oṣere Yollywood ni Wale Akorede, to kawe gboye ni ile ẹkọ akọṣẹmọṣẹ ti ilu Ibadan.

Ko to dara pọ mọ awọn oṣere, okoowo ni Wale n ṣe, to maa n lọ si Saudi lọ ko aṣọ lati wa ta lorilẹede Naijiria.

Ọdun mẹtala lo fi ṣe owo aṣọ tita ko to wa papa kara bọ ere tiata. Lara awọn ere rẹ naa lo ti gba orukọ ori itage rẹ, Okunnu.

Ẹ o le wo ere rẹ ki gbogbo agbegbe kan dakẹ ṣuu, a fi ki ẹ rẹrin ni gbogbo ibi to ba ti farahan.

Baale ile ni Okunnu jẹ fun iyawo atawọn ọmọ rẹ.