Lagos Okada ban: A kò fi ti gbèdéke June 1 ṣe, a ti fòfin de ọ̀kadà, kèké ni àwọn ojúpópó ni Eko
Oríṣun àwòrán, @Mr_JAGs
Gomina ipinlẹ Eko, Babjide Sanwo -Olu ṣapejuwe igbesẹ naa gẹgẹ bi ọna akọkọ lati da aabo bo awọn ara ilu.
Ijọba ti ni awọn ti bẹrẹ si ni gba kẹkẹ Maruwa ati Ọkada to ba ti kọja ala ti wọn fi de wọn.
Wọn ni bio tilẹ jẹ pe Ọjọ Kini, Oṣu Kẹfa ni gbedeke ti ijọba fi lede lati fofin de lilo ọkada ati maruwa ni awọn opopona ati ijọba ibilẹ, awọn ti bẹrẹ si ni gba awọn ọkada to ba ti rufin.
Wọn ni awọn ijọba ibilẹ mẹfa ti ofin naa de ni Eti-Osa, Ikeja, Lagos Island, Lagos Mainland, Apapa ati Surulere.
''Ọkada 238 ati kẹkẹ maruwa 195 ni a ti gba lọwọ awọn to n wa ni oju popo paapaa ni opopona Iba si Badagry''.
''Awọn olọkada ati Maruwa naa n wa ọkọ won ni oju popo, eleyii to lodi si ofin.''
''Wọn ti le e gba ọna ti wọn ko fi ofin de titi di Ọjọ Kini, Oṣu Kẹfa, nipinlẹ Eko.''
Adari ikọ amuṣẹya ni ipinlẹ Eko, CSP Shola Jejeloye ni gbedeke naa ko da ofin ọdun 2018 to fi ofin de lilo ọkada ni ipinlẹ naa.
Oríṣun àwòrán, OTHERS
Ofin naa ni ko gbọdọ si ẹnikẹni ti yoo ma wa ọkọ loju popo ati lori afara ni ipinlẹ Eko.
O ni biotilẹ jẹpe ofin naa ti wa lati ọdun 2018, ajakalẹ arun Covid-19 lo tun j̣e ki o falẹ amọ wọn ti bẹrẹ bayii.
Bakan naa ni ijọba gboriyin fun awọn ara Eko to buwọlu igbesẹ naa, ti wọn si ni awọn faramọ ki ọkada, maruwa ye rin loju popo mọ.
Gomina ipinlẹ Eko, Babjide Sanwo -Olu ṣapejuwe igbesẹ naa gẹgẹ bi ọna akọkọ lati da aabo bo awọn ara ilu.
Ìdí tí Ìjọba ìpínlẹ̀ Eko fòfin de ọ̀kadà ní ìjọba ìbílẹ̀ mẹ́fà
Ijọba ipinlẹ Eko ti fofin de awọn ọlọkada ni ijọba ibilẹ mẹfa ọtọtọ ni ipinlẹ naa nitori eto abo.
Ofin tuntun yii ni yoo bẹrẹ si n fẹsẹ mulẹ lati ọjọ kinni, oṣu Kẹfa, ọdun 2022 yii.
Awọn ijọba ibilẹ ti ọrọ naa kan ni Ikeja, Lagos Mainland, Lagos Island, Eti-Osa, Surulere, ati Apapa.
- A bá òkú Akẹ́kọ̀ọ́ Poly Ibadan àti ọ̀rẹ́bìnrin rẹ̀ níhòhò to ṣì dìí mú dójú ikú ni - Aráàdúgbò
- Ilé ẹjọ́ wọ́gilé àfikún ẹjọ́ tí ìjọba àpapọ̀ pè tako Nnamdi Kanu
- Wo àwọn èèkàn ìjọba márùn ùn tí wọ́n fẹ̀sùn àjẹbánu kàn lábẹ́ ààrẹ Buhari
- Ẹ kò gbọdọ̀ mu igbó àti sìgá lẹ́nu iṣẹ́ mọ́ – Makinde kìlọ̀ fáwọn ọmọ ẹgbẹ́ onímọ́tò
- Ó ti di èèyàn mẹ́sàn-án tó pàdánù ẹ̀mí wọn níbi ìbúgbàmù tó wáyé ní Kano
- Ẹ dákun, ẹ má jẹ̀ẹ́ kí ọkọ mi fi lílù pamí – Ìyàwó rawọ́ ẹ̀bẹ̀ sí ilé ẹjọ́
- Láí ṣẹ̀ láí rò, wọ́n jó Ṣọ́ọ́ṣì mi pátápátá ní Sokoto, ìrírí mi rèé - Pasitọ ìjọ Celestial
- Fásitì fọwọ́ òsì júwe ilé fún akẹ́kọ̀ọ́ tó tọ̀ sórí ẹrù èkejì rẹ̀ nítorí ẹ̀yà
- Agbẹjọ́rò 34 táa tán nílé ẹjọ́, bí wọ́n ṣe sọ àwọn afurasí tó lọ́wọ́ nínú ikú Deborah Samuel sẹ́wọ̀n rèé
- Ta ni Ahmed Idris oluṣirò owó àgbà Nàìjíríà tó kò sí pampẹ́ àjọ EFCC lórí ẹsùn àjẹbánu N80bn
Sanwo-Olu lo fi ikeke naa sita lọjọbọ lasiko ipade kan pẹlu awọn agbofinro.
O ni "A ko fẹ ri ọkada kankan ni awọn agbegbe bii Ikeja, Lagos Mainland, Lagos Island, Eti-Osa, Surulere, ati Apapa mọ."
This article contains content provided by X. We ask for your permission before anything is loaded, as they may be using cookies and other technologies. You may want to read X cookie policy and privacy policy before accepting. To view this content choose 'accept and continue'.
End of X post
"Ofin tuntun yii jẹ ibẹrẹ iru rẹ, ofin naa yoo si bẹrẹ si n mulẹ lati ọjọ kinni, oṣu Kẹfa, ọdun ti a wa yii."
"A fẹ ki awọn ọlọkada mọ pe kii ṣe awọn agbegbe ti a darukọ yii nikan ni ako ti fẹ ri wọn mọ, ki awọn to wa lagbegbe to ku tete lọ maa wa iṣẹ mii ṣe."
Lara awọn to wa nibi ipade ti ikede naa ti jade ni awọn ọga ọlọpaa kaakiri ipinlẹ Eko, to fi mọ awọn mii ti ọrọ eto eto abo kan.
Sanwo-Olu sọ siwaju nibi ipade naa pe "A ti n bu yin gbọ bayii, pe lati ọjọ kinnu, oṣu Kẹfa, a ko fẹ ri awọn ọlọkada kankan laarin igboro awọn ibi ti a durukọ yii mọ."
'Sound Engineer' ti awọn afurasi ọlọkada pa nitori N100
Bo tilẹ jẹ pe kii ṣe igba akọkọ ree ti ijọba ipinlẹ Eko yoo fofin de ọlọkada, iroyin ni igbesẹ tuntun yii ko ṣẹyin iku okunrin kan ti orukọ rẹ n jẹ David Imoh ti awọn afurasi ọlọkada kan pa.
Awọn afurasi naa tu ologbe ọhun si ihoho, wọn lu niluu bara, wọn si tun dana sun Lekki, eyii to wa ni ijọba ibilẹ Eti Osa.
Ṣaaju ikede yii lọjọ Aje ni ijọba Eko ti kọkọ gbẹsẹle awọn ọkada ti iye rẹ ko din ni mẹtalelọgọfa ni Eti Osa yii kan naa, ti wọn si tun fi ṣikun mu awọn to n wa awọn ọkada ọhun.
