Deborah Samuel: Mo mọ̀ dájú pé kò sí ẹ̀sín tó fàyè gba ìpànìyàn lọ̀nà àìtọ̀ - Kayode Ajuolo gba ìjọba nímọ̀ràn

Agbẹjọro ọmọ Naijiria, Kayode Ajulo ti ni ko si ofin to kọja ofin orilẹede ti eeyan ba wa.

O n sọ eyi ni idahun si idi ti ẹgbẹ awọn agbẹjọro, NBA ṣe ni o yẹ ki ijọba apapọ ati ijọba ipinlẹ tara ṣaṣa si eto idajọ awọn to ṣekupa Deborah Samuel ni Sokoto.

O ni eyi ni yoo kọ awọn eeyan ni ẹkọ to yẹ ki wọn mọ lawujọ dipo bi ijọba ṣe n fi ọrọ naa falẹ.

"Ko si ẹsin to faye gba ipaniyan lọna aitọ bi wọn ṣe pa akẹkọbinrin Deborah ni ilu Sokoto".

Ajulọ to sọrọ lasiko to n ba BBC News Yoruba sọrọ ni iṣẹlẹ naa ko ba oju mu.

''Ati pe bi wọn ṣe pa obinrin naa ko ba ofin mu ati wi pe o da mi loju pe ko si ẹsin kankan to fayegba pipa ẹnikẹni ni ọna aitọ.''

Agbẹjọ́rò 34 táa tán nílé ẹjọ́, bí wọ́n ṣe sọ àwọn afurasí tó lọ́wọ́ nínú ikú Deborah Samuel sẹ́wọ̀n rèé

Yorùbá ẹ fúnra, àwọn tó ṣekú pa Deborah fẹ́ dá ògún sílẹ̀ ni, wọn kò gbọdọ̀ lọ láì jìyà -Gani Adams

Ìdajì ilé mi ni mo tà láti rán ọmọ mi nílé ẹ̀kọ́ àmọ́ wọ́n gbẹ̀mì rẹ̀ láìtọ́jọ́ - Bàbá Deborah Samuel

Wo àwon ìròyìn òfégè nípa ikú Deborah Ṣamuel àti ìkọlù sí Bishop Kukah

''Ohun ti mo gbagbọ nipe ko si ẹsin kankan ni agbaye tabi ni Naijiria to fayegba ki wọn pa ẹnikẹni lọna aitọ eleyii ti wọn n pe ni ''extrajudicial killing''.

''Ohun to bani ninu jẹ patapata ni iṣẹlẹ to waye naa ti mo si faramọ bi ẹgbẹ awọn agbẹjọro ni Naijiria ṣe bu ẹnu atẹ lu iṣẹlẹ naa''

Bakan naa lo fikun un pe ẹgbẹ awọn agbẹjọro naa, NBA ti jẹ ki ijọba mọ pe iṣẹlẹ naa ko ba ofin mu.

Ẹgbẹ awọn agbẹjọro mọ iṣẹ wọn ni iṣẹ, ti wọn si ti kesi ijọba pe ki ijọba ki o gbe igbesẹ akin lori iṣẹlẹ naa.

A bá òkú Akẹ́kọ̀ọ́ Poly Ibadan nílé ìyàgbẹ́ to ṣì dì ọ̀rẹ́bìnrin rẹ̀ mú - Aráàdúgbò

Ìjọba ìpínlẹ̀ Eko fòfin de ọ̀kadà ní ìjọba ìbílẹ̀ mẹ́fà

Ilé ẹjọ́ wọ́gilé àfikún ẹjọ́ tí ìjọba àpapọ̀ pè tako Nnamdi Kanu

Kini ọna abayọ si iṣekupani Deborah ni Sokoto?

Agbẹjọro ni Naijiria, Kayode Ajulo ni ọna abayọ si iṣẹlẹ yii ni ki idajọ ododo jọba ki awọn eniyan le ni igbagbọ ninu ijọba ati eto idajọ.

Ajulọ ni gbogbo eniyan ni iṣẹlẹ naa ba wi nitori eto ijiya fun ẹṣẹ gbọdọ wa ni Naijiria.

O ni awọn ọmọ Naijiria gbọdọ kọ lati maa ṣe idajọ ni ọwọ ara wọn, ki awọn eniyan le kọ ẹkọ pe ẹlẹṣẹ ko gbọdọ lọ lai jiya ni abẹ ofin.

O fikun un pe Naijiria nilo eto idajọ to daju ki iru iṣẹlẹ bayii maṣe waye mọ.