Deborah Killed in Sokoto: Olùṣọ́ ìjọ tí wọ́n jó ṣọ́ọ̀ṣì pátápátá ní Sokoto sòrò sókè!

Oluṣọ Ṣọoṣi ti wọn jo ijọ rẹ guruguru lasiko ifẹhọnuhan awọn ọdọ ni Sokoto ti sọrọ soke.

Eyi ko ṣẹyin awọn iṣẹlẹ to waye lẹyin ti awọn akẹkọọ kan pa arabinrin Deborah Samuel lori ẹsun pe o sọrọ odi si Muhammed ti ẹsin Islam.

Olusọagutan ijọ Celestial Church of Christ, Ọna Ara Model Parish, Sokoto, Superior Evangelist Adebiyi Olalekan salaye bi iṣẹlẹ naa ṣe ṣẹlẹ.

Ninu alaye to ṣe lo ti ni ṣadede ni awọn ọdọ ni ọgọọrọ wọn ja wọ ile ijọsin naa to wa ni agbegbe Ilela, ni ilu Sokoto.

Ikú Akẹ́kòó Poly Ibadan, ọ̀rẹ́bìrin rẹ̀ àti ìbálòpọ̀ wákàtí pípẹ́, ohun táa mọ rèé

Ohun tó yẹ kí ìjọba ṣe nìyí bí wọ́n ṣe ń dá ẹ̀jọ́ ìkú Deborah Samuel- Agbẹjọrò Kayode Ajulo

Ìjọba Sokoto kéde òfin kóníléógbélé lẹ́yìn ìfẹ̀hónúhàn lórí bí ọlọ́pàá mú àwọn tó pa Deborah Samuel

Wo àwon ìròyìn òfégè nípa ikú Deborah Ṣamuel àti ìkọlù sí Bishop Kukah

Ìdajì ilé mi ni mo tà láti rán ọmọ mi nílé ẹ̀kọ́ àmọ́ wọ́n gbẹ̀mì rẹ̀ láìtọ́jọ́ - Bàbá Deborah Samuel

Adájọ́ 34 táa tán nílé ẹjọ́, bí wọ́n ṣe sọ àwọn afurasí tó lọ́wọ́ nínú ikú Deborah Samuel sẹ́wọ̀n rèé

Wo àwọn èèkàn ìjọba márùn ùn tí wọ́n fẹ̀sùn àjẹbánu kàn lábẹ́ ààrẹ Buhari

Olusoagutan naa ni oun ko ri oju wọn nitori oun nilo lati sapamọ, ki oun sa asala fun ẹmi oun.

''Ibi ti mo sapamọ si ni mo ti ri pe wọn ti fi ina si ile ijọsin mi.''

Olusoagutntan naa ni ko si ẹni ti awọn ni ija pẹlu ninu wọn, ti ko si ye wọn idi ti wọn fi jo ile ijọsin awọn.

''Mi o mọ Deborah ti gbogbo eleyii n ti itori rẹ ṣẹlẹ, ori ẹrọ ayelujara ni mo ti gbọ nipa iṣẹlẹ arabirin naa.''

''Ko si n nkan kan ti a ri mu kuro ninu ile ijọsin wa,gbogbo ẹ ni ina jo kanlẹ raurau, Ko si ibi ti a ti le ṣe ẹsin paapaa.''

Sugbon ko si ẹni ti o farapa,emi nikan ni mo fi ẹsẹ rọ ni igba ti mo n sa kaakiri lati doola ẹmi arami.

Bakan naa ni o fikun pe awọn ti fi iṣẹlẹ naa to awọn ọlọpaa ti o wa nitosi leti, ''ti wọn si jẹ ka mọ wipe awọn a wa sibẹ sugbọn wọn o sọ akoko ti wọn bọ.''

Àsìkò ti tó kí ìjọba fihàn pé kò sẹ́ni tó kọjá òfin lórí ikú Deborah- Ẹgbẹ́ Mususlumi ní Nàìjíríà

A ò sọ pé ọmọ orílẹ̀ èdè Niger ni àwọn afurasí ta mú ní Sokoto - Iléeṣẹ́ Ọlọ́pàá

Oluṣoaguntan naa fikun un pe wọn ṣẹṣẹ gbe oun wa si ori ijọ naa,amọ ti ou ba awọn CAN ṣe ipaade.

Lori iṣẹlẹ naa ni Oluṣoagutan naa ti ni ko yẹ ki Iru iṣẹlẹ ti o ṣẹlẹ si Arabinrin Deborah maa waye.

''o yẹ ki a jẹ ọrẹ ara wa, Bibeli si sọ fun wa wipe ki a maa lepa alaafia pẹlu gbogbo eniyan. Ohun ti ko daa rara ni. ko si yẹ ki o maa ṣẹlẹ.''