Yinka Ayefele radio robbed: Ọwọ́ ọlọ́pàá tẹ afurasí tó dárí ikọ̀ tó ja rédíò Ayefele lólè
Oríṣun àwòrán, Image control
Ọwọ ileeṣẹ ọlọpaa ipinlẹ Oyo ti tẹ afurasi kan, to jẹ ọmọ ikọ adigunjale kan to kọlu ileeṣẹ redio Yinka Ayefele, Fresh FM, n'ilu Ibadan, ninu oṣù Kẹrin, ọdun 2022.
Ọjọ kẹwàá, oṣu Kẹrin ni awọn adigunjale naa yabo ileeṣẹ redio naa to wa ni agbegbe Challenge, ni idaji kutu, ti wọn si gba awọn dukia lọwọ àwọn òṣìṣẹ́.
Nigba to n jẹwọ ni agọ ọlọpaa, lọjọ Ọjọru, afurasi naa, Ayobami Erinfolami, sọ pe ẹgbẹrun lọna ogun Naira, ni ìpín ti oun gba lara àwọn nkan ti wọn jí.
- Ki láwọn olóṣèlú Nàìjíríà rí tí wọ́n fi ń ṣé àbẹ̀wò sí ìyá arúgbó yìí ní Katsina?
- Alága ẹgbẹ́ ADP l’Ekiti ní òun kò ṣe ẹgbẹ́ mọ́ ṣáájú ìbò gómìnà l'óṣù Kẹfà
- Ikọ ajínigbé jí ìyàwó ọ̀sìngín gbé wọ́n f'ipá bá a lòpọ̀ làìmọye ìgbà, àṣírí tú!
- Ohun tó yẹ kí ìjọba ṣe nìyí bí wọ́n ṣe ń dá ẹ̀jọ́ ìkú Deborah Samuel- Agbẹjọrò Kayode Ajulo
- A bá òkú Akẹ́kọ̀ọ́ Poly Ibadan nílé ìyàgbẹ́ to ṣì dì ọ̀rẹ́bìnrin rẹ̀ mú - Aráàdúgbò
- Ìjọba ìpínlẹ̀ Eko fòfin de ọ̀kadà ní ìjọba ìbílẹ̀ mẹ́fà
- Ilé ẹjọ́ wọ́gilé àfikún ẹjọ́ tí ìjọba àpapọ̀ pè tako Nnamdi Kanu
- Wo àwọn èèkàn ìjọba márùn ùn tí wọ́n fẹ̀sùn àjẹbánu kàn lábẹ́ ààrẹ Buhari
- Ẹ kò gbọdọ̀ mu igbó àti sìgá lẹ́nu iṣẹ́ mọ́ – Makinde kìlọ̀ fáwọn ọmọ ẹgbẹ́ onímọ́tò
Nibi ti kọmisanna ọlọpaa nipinlẹ Oyo, CP Ngozi Onadeko, ti fi oju rẹ han ni olu ileeṣẹ ọlọpaa to wa ni Eleyele, ni Erinfolami ti jẹwọ pe oun gba owo naa lẹyin ti àwọn tun lọ jalè ni ileewosan aladani kan ni adugbo Ring Road.
Kọmisanna ọlọpaa sọ pe "ni nkan bi aago mọkanla alẹ́, ni ọjọ kẹwàá oṣù Kẹrin, ni awọn ọdaran kan to ma n ja ile itura, ileewosan, ati awọn ibi ti eero ba pọ si lole, yabo Fresh FM, Challenge, n'ilu Ibadan.
"Wọn fi agidi wọ yàrá igbohunsafẹfẹ ileeṣẹ redio naa, wọn si fi ìbọn gba ọpọlọpọ owo, foonu olowo iyebiye, kọmputa agbeletan (laptop) ti wọn fi n gbohunsafẹfẹ, lọwọ awọn òṣìṣẹ́ ti wọn ba ni ẹnu isẹ."
CP Onadeko sọ pe iwadii n lọ lọwọ, ni iru idigunjale naa tun waye ni awọn ile itura kan n'ilu Ibadan.
"Bakan naa, lọjọ kẹrinlelelogun, oṣu Kẹrin, ọdun 2022, ni wọn yabo ileewosan Delight Hospital and Fertility Centre, ni Ring Road, ti wọn si ja awọn alaisan, ẹbi wọn, ati awọn òṣìṣẹ́ lole."
Àmọ́ iwadii ọlọpaa ṣe atọna bi ọwọ ṣe tẹ olori ikọ adigunjale naa, nibi to farapamọ si.
Kọmisanna ọlọpaa ṣalaye pe afurasi naa, Erinfolami, jẹwọ pe lootọ ni awọn ṣe ikọlu naa.
O ni iwadii ṣi n lọ, lati le mu àwọn ìyókù rẹ to ti salọ bayii.
