Sunday Igboho: Ọ̀jọ̀gbọ́n Banji Akintoye sọ pé kíì ṣe èrò àwọn ènìyàn Ondo ni Akeredolu sọ lórí Oduduwa Nation
Oríṣun àwòrán, Others
Ọkan pataki lara awọn aṣiwaju ẹya Yoruba, Ọjọgbọn Banji Akintoye ti sọ pe ọrọ oṣelu ni bi gomina ipinlẹ Ondo, Rotimi Akeredolu ṣe tako idasilẹ orilẹ-ede Oduduwa.
Ọjọ Aje ni Gomina Akeredolu kede pe ti orilẹ-ede Naijiria ni awọn eniyan ipinlẹ Ondo
Bakan naa lo kilọ fun Sunday Igboho ati awọn eeyan mii to ṣagbatẹru idasilẹ orilẹ-ede Oduduwa, lati jina si ipinlẹ oun.
Lori ọrọ yii, Ọjọgbọn Akintoye sọ fun BBC pe ọrọ ti Akeredolu sọ, o sọ ọ gẹgẹ bi oloṣelu ni, nitori pe kii ṣe nkan ti awọn ọdọ ti ko raaye lọ si oko mọ, nitori ikọlu awọn Fulani n sọ.
- A ò pe Sunday Igboho lọ́mọ alè Yorùbá o àmọ́, a ó jọ́ bèrè lọ́wọ́ Alálẹ̀ Ibadan àti gbogbo Yorùbá ni - Olubadan
- Ọwọ́ tẹ afurasí ọ̀daràn Fulani tó ṣe ìkọlù sílé ìyá Sunday Ighoho
- Àwọn ọ̀dọ́ Ibarapa yabo ọọ́físì Seyi Makinde lórí ètò àbò tó mẹ́hẹ
- Àwọn ajínigbé tún ti pé wá lóni ṣùgbọ́n a kò ti rí ìyè owó tí wọn ní ká mu wá-Olori Oba Imope
- Bí òkú ṣe máa ń bàjẹ́ ní Mọ́ṣúárì tẹ́ẹ ò bá san owó ìtọ́jú fáwọn olùtọ́jú òkú rèé
"Ọrọ ẹnu awọn eniyan ipinlẹ Ondo kọ lo sọ."
Lori ipa ti aikopa ipinlẹ Ondo le ni lori ijijagbara fun orilẹ-ede Oduduwa, o ni ifasẹyin ko le ma si.
"Akeredolu jẹ ọkan lara awọn gomina ilẹ Yoruba ti a fẹran pupọ.
O ni awọn ko ti i sẹ ipade pẹlu awọn gomina lori ijijagbara fun orilẹ-ede Oduduwa, nitori pe ko ti de ipele naa, ṣugbọn yoo debẹ laipẹ.
O ṣalaye pe o ni nkan to jẹ ki Akeredolu sọ nkan to sọ, o tun le sọ nkan to yatọ to ba ya.
"Idi ni pe laipẹ yii lo i dandan orin Oduduwa ni ki wọn o ma a kọ nipinlẹ Ondo, oun kan naa lo ṣagbatẹru idasilẹ ajọ alaabo Amọtẹkun.
Ao ni binu si, a gba pe oṣelu lo jẹ ko sọ nkan to sọ lori idasilẹ orilẹ-ede Oduduwa."
Àwa ọmọ ìpínlẹ Ondo kò nífẹ́ sí Yoruba Nation, ọmọ Naijiria ni wá- Akeredolu
Gomina ipinlẹ Ondo, Rotimi Akeredolu ti kilọ fun Sunday Igboho atawọn eeyan miran to n lọgun pe ki Naijiria pin lati ṣora fun ipinlẹ oun.
Akeredolu sọ pe awọn eeyan ipinlẹ Ondo ti yan lati duro gẹgẹ bii ọmọ orilẹ-ede orilẹ-ede Naijiria, nitori naa ki awọn kọlọrọsi kan ma da iyapa silẹ laarin awọn eeyan oun.
O ni oun ko ni fi aye gba ki ẹnikẹni ni ipinlẹ Ondo lati korajọ lori ijangbara to jọ mọ "Yoruba Nation" ti awọn eeyan kan n lọgun rẹ.
- Ọwọ́ tẹ afurasí ọ̀daràn Fulani tó ṣe ìkọlù sílé ìyá Sunday Ighoho
- Ìdí tí Ọba Aládé ò ṣe gbudọ̀ gbè lẹ́yìn ọ̀rọ̀ Oduduwa Republic rèé láì bi Alálẹ̀ ilẹ̀ - Olubadan
- Mo gbàdúrà kí n má kábàmọ́ fífagilé ẹjọ́ pẹ̀lú àwọn tó jí àwọn ìbejì mi gbé nílé ẹjọ́ - Akeugbagold
- 'Ẹ wá gbé àwọn òkú yín o! A ò ráyè kó òkú sí mọ́, bí bẹ́ẹ̀ kọ́... - Aláṣẹ Mọ́ṣúárì Ilorin
Aketi lọ sọ ọrọ naa nibi to ti n burawọle fun arabinrin Oladuni Odu gẹgẹ bii akọwe ijọba ipinlẹ naa tuntun atawọn olubadamọran pataki miran to ṣẹṣẹ yan sipo niluu Akure.
Gẹgẹ bo ṣe sọ, "awọn eeyan ilu lẹtọọ labẹ ofin lati ja fun ẹtọ wọn, ṣugbọn gbogbo nkan ni eto wa fun."
"Kii ṣe pe ẹnikan yoo dede gbe ara rẹ dide, ti yoo si maa sọrọ lorukọ gbogbo ẹya Yoruba lai si ẹnikẹni to yan an si irufẹ ipo bẹẹ."
O fi kun pe ko ko bojumu ki awọn kan maa ja fun ominira nitori ohun ti wọn yoo ri nidii ijagbara naa tabi fun anfani ara wọn.
Lẹyin naa lo bu ẹnu ẹtẹ lu bi awọn agbebọn kan ṣe kọlu Gomina ipinlẹ Benue, Samuelm Ortom lọjọ Abamẹta.
O si tun ke si awọn ẹṣọ alabo lati fi oju gbogbo awọn to n da Naijiria laamu lede.
