Baby abandoned on dunmpsite: Mo ti bímọ mẹ́rin tẹ́lẹ̀ fún bàbá méjì nínú òṣí- Dupe Ogbomọṣọ

Mo parọ fawọn eeyan pe mi ò loyun ni titi mo fi bimọ- Dupẹ

BBC Yoruba ṣawari obinrin kan, dupe ti ọpọ n pe ni Iya Muiz sọrọ ilẹ kun lori bi o ṣe bi awọn ọmọ rẹ mẹrin fun baba meji ki o to tun loyun ọmọ karun un.

Dupẹ ni oun duro nitosi lati mọ ẹni ti yoo gbe ọmọ naa lẹyin ti oun bii lẹgbẹ ṣalanga to fi gbe ọmọ naa sori akitan ni Ogbomọsọ ni ipinlẹ Oyo.

Koda, ọrọ yii lagbara de ibi pe, o ni lati igba ti oun ti loyun ni oun ti mọ pe oun maa sọ ọmọ naa nu ni nitori ko si bi oun ṣe fẹ ri owo fi tọ ọ rara.

Iya Muiz ni oun ni akọbi ni ile baba oun pẹlu ọmọ mejidinlogun ti ko si agbara rara.

O ni iya ọkọ aarọ oun ko fẹ ki oun fẹe gbadun nigba ti ọkọ keji lahun ti ko si ni itọju obinrin lọwọ.

Lẹgbẹ ile iwosan Akala ni Ogbomọṣọ lo pada sọ ikoko ọmọ naa nu si ki awọn alaanu to ba a ri i he ti wọn si gbe e lo fun itọju.

Lẹyin o rẹyin ni aṣiri Dupẹ tu sọwọ ẹbi, ara ati ọlọpaa.

Alaga kansu, Adeyinka Rẹmi Oluwaseun ni Ogbomọṣo ati aya rẹ ba BBC sọrọ lori bi wọn ṣe pada ri ọmọ naa ti wọn si n tọju iya ati ikoko bayii.

Koda, awọn ni wọn sọ ọmọ tuntun naa ni orukọ: Moraaanugba Oluwaseun Adeyinka bayii.

Wọn gba imọran pe ki awọn ọdọ maa ni isẹ lapa ki wọn si ma pa ọmọ jọ silẹ lai lagbara ati le pese itọju fun wọn.