Украина: Вертолёт қулаши натижасида Ички ишлар вазири ҳалок бўлди - Янгиликлар, Дунё
Пойтахт Киев четидаги болалар боғчаси яқинида вертолёт қулаши натижасида Украина Ички ишлар вазири дохил 18 киши ҳалок бўлди.
Ўлганлар орасида 3 нафар бола ҳам бор ва 15 киши шифохонага ётқизилган.
Вертолёт ичида 8 киши билан бирга вазир Денис Монастиркий ҳам бўлган.
Расмийларнинг айтишича, Броварий туманида вертолёт қулаши натижасида вазирнинг биринчи ўринбосари ва давлат котиби ҳам ҳалок бўлган.
Миллий полиция раҳбари Иҳор Клименконинг Facebook да ёзишича, тикучар Украина давлат фавқулодда ҳолатлар хизматитига тегишли бўлган.
Киев минтақавий ҳарбий маъмурияти раҳбари Олексий Кулебанинг айтишича, Броварийдаги фожиа 29 кишини жароҳатлаб, 18 кишининг вафотига сабаб бўлган
Вертолёт қулаганидан сўнг болалар боғчаси ёнида ёнғин келиб чиққан ва болалар ҳамда ходимлар бинодан кўчирилган. Ёнаётган бино ёнида вертолёт қолдиқлари кўринган.
Сурат манбаси, Reuters
Ҳалокат содир бўлган вақтда қоронғу ва атроф туман бўлган. Дастлабки маълумотларга кўра, тикучар аввал боғча биносига урилган ва кейин одамлар яшайдиган бино ёнига қулаган.
Ички ишлар вазири Монастиркий билан бирга яна икки нафар юқори мулозимли расмий ҳалок бўлган. Евгений Енин Ички ишлар вазирининг биринчи ўринбосари бўлган, Юрий Лубкович эса давлат котиби бўлиб ишлаган.
BBC.COM/UZBEK билан Telegram орқали +44 7858860002 номери билан боғланинг.
Telegram каналимиз: https://t.me/bbcuzbek
