Украина: Чироқсиз қолган уйлар ва эвакуацияга тайёргарлик, аммо Россия ҳужумлари ўз мақсадига эришяптими? Rossiya Ukraina Yangiliklar

Кременчуклик оила: Алла, Уляна ва Олександр.
Сурат тагсўзи, Кременчуклик оила: Алла, Уляна ва Олександр.

Россия Украинанинг электр иншоотларига ракета ва дронлар билан ҳужум қилиши оқибатида Украинадаги электр энергияси 30 фоизга камайган, иншоотларнинг 40 фоизи шикастланган.

Электр таъминоти учун масъул идоралар аҳолини имконқадар кам электр ишлатишга чақиряпти.

Мамлакат марказидаги Кременчук шаҳрида аҳволи ҳар икки соатда чироқсиз қолмоқда.

Аммо, Би-би-си билан суҳбатларда улар ўз шаҳарларини тарк этмасликларини айтишди.

"Россия Украинани электр узилишлари сабаб ожизлашган деб ўйлайди. Миллат қолмайди, деб ўйлайди", - дейди 12 яшар Уляна.

Қоронғи хонадонда ота-онасининг ёнида ўтирган Уляна нега ҳафталарки уйда чироқ йўқлигини жуда яхши билади.

Москва ўзи қўли етмаган жойларнинг электр иншоотларини вайрон қилиб, уларга босимни оширяпти.

Бунинг оқибатида Улянаникига ўхшаган 4,5 миллион украиналиклар ёруғликсиз қолмоқда.

Skip Энг кўп ўқилган and continue reading
Энг кўп ўқилган

End of Энг кўп ўқилган

Баъзи узилишлар режаланган, баъзилари - йўқ. Таъминотчилар иншоотларни таъмирлашга ва энергияни тежашга уринадилар.

Қиш арафасида боғча болаларини иссиқ ва ёруғликда ушлаб туриш қийин бўляпти.
Сурат тагсўзи, Қиш арафасида боғча болаларини иссиқ ва ёруғликда ушлаб туриш қийин бўляпти.

Энг кўп жабр кўраётган ерлардан бири бўлмиш Кременчукда бу телефон ва интернет чекланишини хам англатади. Уляна дарс қилишга қийналади.

"Бу иш бермаслигини ҳамма тушунади. Россияликлар аҳолининг янада ғазабини қўзғашяпти ва Украина ҳудудида биронта ҳам рус аскари қолмаслигини исташига сабаб бўляпти", - дейди Улянанинг отаси Олександр.

Унинг хотини Алла айтади: "Биз қочиб кетсак, ватанимизни ким қутқаради?"

Уларнинг уйини ўраб турган зулмат Украинанинг яқинлашиб келаётган қиш билан кураши қанчалар қийин бўлишидан дарак беради.

Пойтахт Киевда эса шаҳар ҳокими Виталий Кличко агар энергия буткул узилса, одамлар кўчириб чиқарилишга тайёр туришлари кераклигини айтган.

Президент Володимир Зеленский огоҳлантиришича, Россия "бизнинг инфратизилмамиз, биринчи ўринда энергия иншоотларимизга йирик кўламда ҳужум қилиш учун ўз кучини йиғяпти".

Уруш мезонларини белгилайдиган Женева конвенцияларига кўра, давлатлар "фуқаролик объектлари"га қарши ҳужум қилмаслиги керак.

Ҳоким Кличко Россиянинг украинларни атайин иссиқлик ва чироқсиз қолдириш ҳаракатларини "террорчилик" ва "геноцид" деб атади.

BBCUZBEK.COM билан Telegram орқали +44 7858860002 номери билан боғланинг.

Telegram каналимиз: https://t.me/bbcuzbek