Путин Россия қараб турмаслиги, жавоб бериши билан огоҳлантирмоқда Video Turkiya NATO Yangiliklar Dunyo
Сурат манбаси, official
Россия президентининг огоҳлантириши Коллектив Хавфсизлик Шартномаси Ташкилотининг саммити чоғида янграган. Путин ўзларига қандай таҳдид солинса, жавоблари ҳам шунга яраша бўлишини айтган. НАТО Швеция ва Финландия ҳисобига кенгаймоқчи. Украинанинг НАТОга кириш истаги эса, Россиянинг ишғоли билан якун топган.
Айни мақолада Google YouTube томонидан тақдим қилинган контент мавжуд. Биз бу контент юкланмасидан аввал сизнинг розилигингизни сўраймиз, чунки улар куки ва бошқа технологиялардан фойдаланган бўлиши мумкин. Сиз Google YouTube ҳаволасида кукиларга доир ва шахсий маълумотларга оид қоидалар ҳақида аввал ўқиб, кейин қабул қилишга рози бўлишингиз мумкин. Кўриш учун “қабул қилиш ва давом этиш”ни танланг.
Охири YouTube пост
Алоқадор мавзулар:
Россия шамсияси остидаги Коллектив Хавфсизлик Шартномаси Ташкилотининг саммити кеча, душанба куни бўлиб ўтган.
Швеция ва Финландия эса, Россиянинг Украинага босқини манзарасида НАТОга киришга қарор қилишган, ўзларининг бетарафлик сиёсатларини тубдан ўзгартиришган.
Президент Путин НАТО бу икки давлатда ўзининг ҳарбий ҳозирлигини кучайтиргудек бўлса, Россия қараб турмаслиги, жавоб беражагини айтган.
Россия президентининг баён қилишича, НАТОнинг кенгайиши АҚШ томонидан глобал хавфсизлик билан боғлиқ шундоқ ҳам оғир вазиятни янада кескинлаштириш учун "тажовузкорона" йўлда фойдаланилмоқда.
Сурат манбаси, official
Путинга кўра, Россиянинг Финландия ёки Швеция билан ҳеч бир муаммоси йўқ. НАТОнинг улар ҳисобига кенгайишидан ўзларига бевосита таҳдидни ҳам кўришмайди.
Унинг сўзларидан аён бўлишича, ҳамма гап бу ҳудудларга ҳам НАТО ҳарбий инфратузилмасининг кириб келишида.
"Буни эса, сўзсиз, бежавоб қолдиришмайди".
Путин бунга қарши нима қилишларига тафсилотига аниқ тўхталмаган.
Аммо, "жавоблари ўзларига қарши яратилган таҳдидга яраша бўлиши"ни айтган.
"Муаммолар йўқ ердан яратилмоқда. Биз шунга мувофиқ муносабат билдирамиз", - дея таъкидлаган Россия президенти.
Нато Бош котиби Би-би-сига бунга тайёр эканликларини айтди.
"Путин бир нарсани тушунмаяпти. Сўз Натонинг шарққа қараб тажовузкорона кенгайиши ҳақида бораётгани йўқ. Гап Болтиқбўйи давлатлари, Польша, ҳозир эса, Финландия ва Швеция каби озод, мустақил ва демократик давлатларнинг эркин қарори ҳақида кетаяпти. Биз уларнинг бу қарорини ҳурмат қиламиз", - деди.
Путин бундан аввал Финландияни нейтрал мавқеидан воз кечиш "хато" бўлиши билан ҳам расман огоҳлантирган.
Воқеаларнинг худди шу каби ривожи манзарасида Россия Финландияга электр таъминотини ҳам тўхтатиб қўйган, аммо бунинг сабаби тўловни рублда амалга ошириш шарти билан изоҳланган.
Бугун НАТОнинг кенгайиши масаласига тўхталиб ўтган Россия Ташқи ишлар вазири ҳам айнан Путиннинг мавқеини такрорлаган.
Украинанинг НАТОга кириш истаги Россиянинг ишғоли билан якун топган.
Швеция ва Финландия лидерлари шу ҳафта пайшанба куни АҚШ президенти Жо Байден билан ўзларининг НАТОга киришлари масаласини муҳокама этиб олишади.
Германия эса, улар аъзолигининг "жуда тез" маъқулланишига интилмоқчи, ҳар икковлон билан ҳам ўзининг ҳарбий ҳамкорлигини кучайтирмоқчи.
BBCUZBEK.COM билан Telegram орқали +44 7858860002 номери билан боғланинг.
Telegram каналимиз: https://t.me/bbcuzbek
