Украина НАТОга кирмаслигига кафолат йўқ - Видео Ukraina AQSh Rossiya NATO Dunyo Yangiliklar
Сурат манбаси, EPA
Россия ва АҚШ ўзаро талаблари ва мавқеълари ифодаланган ёзишмалар алмашишди.
Украина атрофида кечган АҚШ, Россия ва НАТО иштирокидаги музокаралардан кейин "келинг, ким нима истаётганини аниқлаб оламиз" деган мазмунда ёзишмаларга келишишди.
Бунинг ортидан Россия АҚШга ўз талаблари битилган махфий мактубни етказган, бунга АҚШ жавоб қайтарди.
Ушбу ёзишманинг тўла тафсилоти сир сақланади, аммо оммага ошкор этилиши талаб қилинадиган нуқталарини очиқлаш мумкин.
Байден Россия келаси ой Украинага бостириб кириши мумкинлигидан огоҳлантирди
Шундай нуқталардан бири Россиянинг НАТО Шарққа кенгаймаслиги талабидир.
Россия НАТОга аъзо бўлиб киришни истаётган собиқ СССР республикаларидан Украина ва Грузиянинг ушбу истакларига қарши ва Вашингтонга йўлланган мактубда Украинани НАТОга аъзо қилиб қабул этмаслик талаби илгари сурилган.
Сурат манбаси, Reuters
АҚШ Давлат Котиби Энтони Блинкен Кремлга йўллаган жавобида Россиянинг бу талабини рад этган, "НАТО очиқ эшиклар сиёсатидан воз кечмаслиги" айтилган.
Ушбу ёзишмалар натижасида томонлар ўзлари учун анча-мунча нарсани аниқлаб олганлари, улар ўзаро фойдали бўлгани таъкидланди.
АҚШ билан бирга НАТОнинг ҳам ёзма таклифлари Россияга етказилган.
Бундан олдин АҚШ 8000 дан ортиқ аскарини жанговар тайёргарлик ҳолатига келтиргани, бу билан НАТОнинг Шарқдаги ҳозирлигини кучайтириш ва Россияни Украинага ҳужум қилишидан қайтариш мақсади кўзлангани хабар қилинди.
Москва Украина билан чегарасида 100 мингдан ортиқ ҳарбийсини ушлаб турганига қарамасдан, Украинага ҳужум қилиш режасин борлигини рад этиб келади.
Лекин бу хабарларнинг ҳаммаси ўртада қолган одамлар - оддий украиналиклар учун янгилик эмас, дейди Би-би-си мухбири Гэбриел Гейтхаус Киевдан тайёрлаган видео лавҳасида.
Ҳатто Путиннинг ўзи билмайди қандай қарорга келишини
Айни мақолада Google YouTube томонидан тақдим қилинган контент мавжуд. Биз бу контент юкланмасидан аввал сизнинг розилигингизни сўраймиз, чунки улар куки ва бошқа технологиялардан фойдаланган бўлиши мумкин. Сиз Google YouTube ҳаволасида кукиларга доир ва шахсий маълумотларга оид қоидалар ҳақида аввал ўқиб, кейин қабул қилишга рози бўлишингиз мумкин. Кўриш учун “қабул қилиш ва давом этиш”ни танланг.
Охири YouTube пост, 1
"Нимадир бўлиши мумкин, деб ўйлайман. Эҳтимоли жуда катта, янаям Худо билади. Ўйлайманки, ҳатто Путиннинг ўзи ҳам қандай қарорга келишини билмайди. Лекин вазият ёмон, дейди киевлик Андрей Волков."
"Ҳужум ҳар лаҳзада рўй бериши мумкин" деган Британия ва Америка ўзларининг элчихона ходимларини Киевдан олиб чиқиб кетишни бошлади.
Етакчи Украин сиёсатчиси "бундай амаллар фойда келтирмайди", дейди.
"Одамларнинг ваҳимага тушиши мамлакатимизни хатарли вазиятга қўяди, Россиянинг бизга таъсир ўтказиши осонлашади," деди Украина Хавфсизлик ва Мудофаа Кенгаши котиби Олексий Данилов Би-би-сига берган интервьюсида.
Ватанини душмандан ҳимоя қилишни истаётган кўнгиллилар
"Украина аллақачон уруш шароитида. Бу 2014 йили Россия Қримни аннексия қилгани ва Украина шарқидаги бўлгинчи исёнчиларни маблағ ва қурол-яроғ билан таъминлаганидан буён давом этмоқда. Бу урушда аллақачон 14 минг украиналик ҳалок бўлди. Бу ердаги одамлар бераётган савол - "уруш бўладими" деган эмас, "уруш янада кучаядими" деган саволдир", дейди Би-би-си мухбири Гэбриел Гейтхаус.
Айни мақолада Google YouTube томонидан тақдим қилинган контент мавжуд. Биз бу контент юкланмасидан аввал сизнинг розилигингизни сўраймиз, чунки улар куки ва бошқа технологиялардан фойдаланган бўлиши мумкин. Сиз Google YouTube ҳаволасида кукиларга доир ва шахсий маълумотларга оид қоидалар ҳақида аввал ўқиб, кейин қабул қилишга рози бўлишингиз мумкин. Кўриш учун “қабул қилиш ва давом этиш”ни танланг.
Охири YouTube пост, 2
Ойларки, украиналиклар мудофаа кучларида тайёргарликдан ўтишаяпти.
Украинада ўтган йили оддий одамларнинг ҳам жанговар ҳарбий тайёргарликдан ўтишларига рухсат этиладиган қонун қабул қилинди.
Ҳозир Киев четидаги ўрмонда ҳар дам олиш кунлари машғулотлар ўтказилади, унда 70 тача кўнгилли қатнашмоқда. Улар орасида муҳожирлик ширкатида ишлайдиган 28 яшар Васил Хрихорюк ва 50 ёшлардаги шифокор Марта Юзкив ҳам бор.
"Албаттаки хавотирдаман. Мен ўзим тинчликпарвар аёлман, уруш бошланишини хоҳламайман. Лекин, мабодо бошланиб қолса, мамлакатимни ҳимоя қилишга тайёр бўлишим керак", дейди Марта.
- Россия-Украина: АҚШ Путиннинг ўзини ҳам жазолаши мумкин
- Россия Украинага бостириб кирадими: Женевада шошилинч музокаралар бошланмоқда
- Россия-Украина: Байден Путинни қўрқитди, Зеленский ваҳимага тушмасликка чақирди
- Беларусга қўшин киритган Россия "исталган вақт" Украинага ҳужум қилиши айтилди
- Россия Украинага қарши провокация тайёрлаяптими?
BBCUZBEK.COM билан Telegram орқали +44 7858860002 номери билан боғланинг.
Telegram каналимиз: https://t.me/bbcuzbek
