اس کانفرنس کے موقع پر ایران، شام اور امریکہ اکٹھے ہوئے

اس کانفرنس کے دوران امریکی سفیر زلمے خلیلزاد نے عراق کے پڑوسی ممالک سے اپیل کی کہ وہ عراق میں تشدد کے خاتمے کے لیے کام کریں اور اسلحے کی آمد کو روکیں۔

اس موقع پر ایک ایرانی سفیر نے اس بات سے انکار کیا کہ ایران عراق میں مداخلت کررہا ہے۔ ایرانی سفیر کا کہنا تھا کہ عراق میں تشدد کی وجہ غیرملکی افواج کی موجودگی ہے۔ امریکہ عراق میں عدم استحکام اور مزاحمت کاروں کی حمایت کے لیے شام اور ایران پر الزام لگاتا رہا ہے۔

ایران کے نائب وزیر خارجہ عباس عراقچی نے کہا کہ ایران اپنے پڑوسی ممالک میں استحکام کا خواہاں ہے۔ انہوں نے کہا کہ عراق سے غیرملکی افواج کا انخلاء ضروری ہے۔اس موقع پر ایرانی نائب وزیر خارجہ نے چھ ایرانی سفیروں کی رہائی کے لیے بھی اپیل کی جنہیں دو ماہ قبل عراق میں امریکی افواج نے حراست میں لے لیا تھا۔

ایرانی سفیر کا موقف  ایران کے نائب وزیر خارجہ عباس عراقچی نے کہا کہ ایران اپنے پڑوسی ممالک میں استحکام کا خواہاں ہے۔ انہوں نے کہا کہ عراق سے غیرملکی افواج کا انخلاء ضروری ہے۔اس موقع پر ایرانی نائب وزیر خارجہ نے چھ ایرانی سفیروں کی رہائی کے لیے بھی اپیل کی جنہیں دو ماہ قبل عراق میں امریکی افواج نے حراست میں لے لیا تھا۔

کانفرنس کا مقصد خطے کے ممالک کی مستحکم عراق کے لیے حمایت حاصل کرنا ہے۔ عراقی وزیر اعظم نوری المالکی نے کانفرنس سے خطاب کرتے ہوئے کہا کہ عراق ’دہشت گردی کے خلاف جنگ‘ اپنے ہمسایوں کی مدد کے بغیر نہیں جیت سکتا۔

عراق میں تشدد کے خاتمے کے لیے بلائی جانے والی اس کانفرنس میں ایک عرصے کے بعد پہلی بار امریکی، شامی اور ایرنی حکام اکٹھے شریک ہوئے ہیں۔ امریکہ ایران اور شام پر عراق میں عدم استحکام پھیلانے کا مسلسل الزام لگاتا آ رہا ہے۔ امریکی سفیر نے اپنے خطاب میں کہا کہ منتشر عراق کسی کے لیے فائدہ مند نہیں۔

اس کانفرنس میں اقوام متحدہ کی سلامتی کونسل، عرب لیگ اور گلف کوآپریشن کونسل کے ارکان اور عراق کے دیگر پڑوسی ممالک نے بھی حصہ لیا۔ اسی طرح کا ایک اجلاس اپریل میں بھی بلایا گیا ہے جس میں موجود ممالک کے وزرائے خارجہ شامل ہوں گے۔

کانفرنس کے دوران مندوبین کی توجہ عراق میں بڑھتی ہوئی سنی شیعہ تقسیم پر بھی رہی۔ بغداد میں بی بی سی کے نامہ نگار کے مطابق ایران اور سعودی عرب ماضی میں لبنان اور فلسطین میں اسی طرح کی صورتحال میں امن کے لیے مِل کر کام کر چکے ہیں۔