اکثر زائرین پیدل سفر کرتے ہیں اور انہیں حملوں کا نشانہ بنانا آسان ہوتا ہے

منگل کو بھی عراق کے وسطی شہر حلہ میں دو خود کش بمباروں کے حملے میں کم سے کم ایک سو بارہ شیعہ زائرین ہلاک اور ایک سو پچاس سے زائد زخمی ہو گئے تھے۔

منگل کو زائرین پر حملہ: تصاویر

پولیس کا کہنا ہے کہ اس کار بم کا ہدف شیعہ زائرین اور ان کے تحفظ پر مامور پولیس اہلکار تھے۔

ان میں سے ایک زائر اس وقت ہلاک ہوا جب ایک نامعلوم شخص نے زائرین کے ایک قافلے پر فائرنگ کی۔

حکام کے مطابق عراق میں زائرین کربلا جا رہے ہیں اور ان میں اکثر پیدل سفر کو ترجیح دیتے ہیں جس کی وجہ سے انہیں نشانہ بنانا آسان ہوتا ہے۔

منگل کو ہونے والے خود کش حملے کے بارے میں پولیس کا کہنا ہے کہ اب تک ہونے والوں حملوں میں سے یہ مہلک ترین حملہ تھا جس میں اربعین کے اجتماع کے سلسلے میں جانے والوں کو نشانہ بنایا گیا ہے۔

منگل ہی کو ایک اور واقعے میں بغداد سے چہلم کے لیے کربلا روانہ ہونے والے سات زائرین کو ایک کار بم کے دھماکے سے ہلاک کیا گیا تھا۔ اس واقعہ میں چودہ افراد زخمی بھی ہوئے۔

جب کہ بغداد کے جنوب میں واقع شہر لطفیہ میں فائرنگ کے دو مختلف واقعات میں کم سے کم تین زائر ہلاک ہوئے ہیں۔