حملہ آور نے فائرنگ کے بعد اپنی جان بھی لے لی

اطلاعات کے مطابق حملہ آور نے سیمسن شہر میں ایک پٹرول پمپ پر فائرنگ کر دی اس کے بعد اس نے ایک گھر پر حملہ کیا جہاں پانچ لوگ ہلاک ہوئے۔پٹرول پمپ پر ایک عورت کو گولی لگی۔ اس کے بعد حملہ آور انیس کلومیٹر دور جنیوا شہر چلا گیا۔

پولیس نے خبر رساں ادارے رائٹرز کو بتایا کہ قریبی شہر جنیوا میں ایک دکان میں مزید ہلاکتیں ہوئیں۔ عینی شاہدوں کے مطابق حملہ آور نے دکانوں پر حملے سے پہلے کئی گاڑیوں کو نشانہ بنایا۔ ایک موقع پر پولیس اہلکاروں نے اپنی گاڑی اس کی گاڑی مکجیں دے ماری جس کے بعد ان میں گولیوں کا تبادلہ ہوا۔

رائٹرز کے مطابق جنیوا میں ہلاک ہونے والوں میں ایک پولیس اہلکار کی بیوی اور بچہ بھی شامل ہیں۔ ان حملوں میں کئی لوگ زخمی ہوئے۔ ابتدائی طور حملے کی وجہ نہیں معلوم ہو سکی۔

سیمسن دو ہزار لوگوں کی آبادی کا شہر ہے جبکہ جنیوا کی آبادی کی چار ہزار چار سو ہے۔ یہ دونوں شہر فلوریڈا کی سرحد کے قریب ہیں۔