اس دورے کے احترام میں ورجینیا میں چھٹی کا اعلان کیا گیا

81 سالہ برطانوی ملکہ اور ان کے شوہر ڈیوک آف ایڈنبرا پرنس فلپ چھ روزہ دورے پر ہیں۔ یہ سرکاری دورہ واشنگٹن کے وائٹ ہاؤس میں صدر بش کے ساتھ دو روزہ ملاقات کے ساتھ حتم ہوگا۔

جمعرات کو جب وہ امریکہ پہنچیں تو انہوں نے ہلکے کاسنی رنگ کا لباس زیب تن کئے ہوئے تھا۔

ملکہ کے اس سرکاری دورے کے احترام میں ورجینیا میں چھٹی کا اعلان کیا گیا تھا۔

ورجینیا کے رچمنڈ سکوائر میں تقریباً پانچ ہزار لوگ جمع تھے اور ائر پورٹ پر برٹش ائرویز کا طیارہ اترنے پرجہاں باقاعدہ ملکہ کی آمد کا اعلان کیا گیا۔

ریاستی اسمبلی سے خطاب کرتے ہوئے انہوں نے کہا ’امریکہ اور برطانیہ کا رشتہ کسی عارضی اِحتلاف رائے سے کہیں زیادہ مضبوط ہے‘۔

ملکہ ایلزیبتھ نےگزشتہ ماہ روجینیا ٹیک یونیورسٹی میں فائرنگ میں ہلاک ہونے والوں کو خراج عقیدت پیش کیا۔ گزشتہ ماہ ہونے والی فائرنگ کے اس واقعہ میں 32 افراد ہلاک ہوئے تھے۔

ملکہ ایلیزیبتھ نے کہا ’ اس دکھ کے موقع پر میں برطانوی عوام کی جانب سے شدید دکھ کا اظہار کرتی ہوں‘۔

اس سے قبل ملکہ برطانیہ 1991 میں اس وقت امریکہ کے دورے پر گئی تھیں جب صدر بش کے والد اقتدار میں تھے۔