ہلاک ہونے والوں کے رشتہ دار ڈگریاں وصول کر رہے ہیں

قاتل کی آخری ویڈیو

اس یونیورسٹی میں 16 اپریل کو ایک 23 سالہ طالب علم چُو سیونگ ہوئی نے 32 طالب علموں اور اساتذہ کو قتل کرنےکے بعد خود کو بھی گولی مار لی تھی۔

ہلاک ہونے والے 27 طالب علموں کو ان کی موت کے بعد ڈگریاں دی جا رہی ہیں۔

تقسیم اسناد کی تقریب میں تقریباً 5,000 طالب علموں کو ڈگریاں دی جائیں گی اور اس تقریب میں 30,000 سے زائد افراد شرکت کر رہے ہیں۔

	ہلاک ہونے والی ایک طالب علم ریما کے بھائی عمر اپنی بہن کو ملنے والا ایوارڈ آسمان کی طرف کرتے ہوئے

ورجینیا ٹیک کے صدر چارلز سٹیجر نے تقریب کے دوران اپنے خطاب میں کہا کہ ’ہمارے دل افسردہ اور ہمارے ذہن پریشان ہیں۔‘

یونیورسٹی میں سیکیورٹی سخت کر دی گئی ہے اور کیمپس میں اضافی پولیس تعینات کر دی گئی ہے۔

یونیورسٹی کے ترجمان مارک اوزارسکی نے کہا کہ 16 اپریل سے ہی ورجینیا ٹیک الرٹ کی حالت میں ہے اور پولیس کی موجودگی سے سلامتی اور تحفظ کا احساس ہوتا ہے۔

مشرقِ وسطیٰ میں امریکی فوج کے سابق سربراہ جنرل ابی زید کا بیٹا بھی اسی یونیورسٹی میں پڑھتا ہے اور توقع ہے کہ جنرل ابی زید بھی یونیورسٹی آ کر طالب علموں سے خطاب کریں گے۔

	یونیورسٹی کے ایک طالبِ علم چُو سیونگ ہوئی نے 32 افراد کو ہلاک کرنے کے بعد خود کشی کر لی تھی

انہوں نے کہا کہ’لورا اور میں ورجینیا ٹیک کی 2007 کی کلاس کو سلام کرتے ہیں۔ ہم ان طالب علموں اور اساتذہ کو بھی یاد کرتے ہیں جو گزشتہ ماہ اپنی جانوںسے ہاتھ دھو بیٹھے تھے۔

’ان کے لیے ڈگری لینے والوں اور پوری قوم کے دلوں میں ہمیشہ ایک خاص مقام رہے گا۔‘

تقسیمِ اسناد کی تقریب سنیچر کو اختتام پذیر ہو گی۔