فائرنگ کا یہ واقعہ ورجینیا ٹیکنالوجی یونیورسٹی میں علی الصبح سات بجے کے قریب پیش آیا

چُو سیونگ ہوئی یونیورسٹی میں انگریزی زبان کا طالب علم تھا اور یونیورسٹی میں رہ رہا تھا۔ دیگر افراد کو ہلاک کرنے کے بعد اس نے اپنے آپ کو بھی گولی مار لی تھی۔

پولیس کا کہنا ہے کہ موقعِ واردات سے ملنے والی گن اس واقعے میں بھی استعمال کی گئی تھی جس میں دو افراد کو نشانہ بنایا گیا تھا۔ پولیس کے مطابق چو سیونگ ہوئی کے کمرے سے ایک تفصیلی نوٹ ملا ہے جس سے ظاہر ہوتا ہےکہ وہ ذہنی طور پر کافی پریشان تھے۔ ان کےکمرے سے گن کی خریداری والی رسید بھی برآمد کی گئی ہے۔

امریکی درسگاہوں میں قتل کے واقعات

فائرنگ کے ایک گواہ نے کیا دیکھا؟

ورجنیا میں بھارتی پروفیسر کی ہلاکت

اس سے قبل ورجینیا یونیورسٹی کےصدر نے کہا ہے کہ یونیورسٹی میں فائرنگ کرنے والا شخص ایشیائی باشندہ ہے۔

انہوں نےکہا کہ پولیس اس بات کی تحقیق کر رہی ہے کہ کیا گن مین دو تھے یا ایک تھا۔

امریکی ریاست ورجینیا کی یونیورسٹی میں ایک مسلح شخص کی اندھا دھند فائرنگ سے کم از کم تینتیس لوگ ہلاک ہو گئے جبکہ کم سے کم پندرہ افراد زخمی ہوئے۔

فائرنگ کا یہ واقعہ ورجینیا ٹیکنالوجی یونیورسٹی میں صبح سات بجے کے قریب پیش آیا۔یہ یونیورسٹی دارالحکومت واشنگٹن سے دو سو ساٹھ میل دور ریاست ورجینیا کے بلیکس برگ شہر میں واقع ہے۔

موقع پرموجود طالب علموں کا کہنا ہے کہ انہوں نے یونیورسٹی کے دو مختلف حصوں میں وقفے و قفے سے شدید فائرنگ کی آوازیں سنیں۔ ہلاک اور زخمی ہونے والوں کو ہنگامی امداد کے لیے ایمبولینسیوں میں لے جاتا دیکھا گیا ہے۔ خیال ہے کہ فائرنگ کا نشانہ بننے والوں میں اکثریت طالب علموں کی ہے۔

	طالب علموں کا کہنا ہے کہ انہوں نے یونیورسٹی کے دو مختلف حصوں میں وقفے و قفے سے شدید فائرنگ کی آوازیں سنیں

ورجینیا ٹیکنالوجی یونیورسٹی کے پولیس چیف کا کہنا ہے کہ فائرنگ کے ان واقعات میں کم از کم بیس افراد زخمی ہو ئے ہیں۔

ایک پریس کانفرنس سے خطاب کرتے ہوئے ان کا کہنا تھا کہ ایمرجنسی سروس کو پہلی کال مقامی وقت کے مطابق سات بج کر پندرہ منٹ پر موصول ہوئی تھی جس میں یونیورسٹی کے ویسٹ ایملبر جونسٹن ہال میں فائرنگ کے کئی واقعات کے بارے میں خبردار کیا گیا تھا۔ ان کا کہنا تھا کہ اس کے کوئی دو گھنٹے بعد نورس ہال میں فائرنگ کا دوسرا واقعہ پیش آیا۔