علی سلمان بی بی سی اردو ڈاٹ کام، لاہور

	شریف برادران پر سزا یافتہ ہونے، ٹیکش نادہندگی، مفرور ہونے اور قتل کے الزامات لگائے گئے ہیں

نواز شریف کے مخالف امیدوار نے الزام عائد کیا ہے کہ وہ طیارہ سازش کیس میں سزا یافتہ ہیں۔ ریٹرنگ افسر نے جمعہ کو دونوں طرف کے وکلاء کے دلائل سننے کے بعد سماعت تین دسمبر تک ملتوی کردی ہے۔

ایک وزیراعظم اور کاغذ کا ایک ٹکڑا

شریف خاندان کی جلاوطنی کے معاہدے کا عکس

میں نے معاہدے سے کبھی انکار نہیں کیا: شہباز شریف

پاکستانی اٹارنی جنرل کا ردعمل

نواز شریف نے لاہور کے حلقہ این اے ایک سو بیس سے کاغذات نامزدگی داخل کیے ہیں۔

ان کے مخالف مسلم لیگ ق کے امیدوار خواجہ طاہر ضیا بٹ نے ان پر اعتراض کیا ہے کہ وہ بارہ اکتوبر سنہ انیس سو ننانوے کے اس طیارے کے مقدمہ میں سزا یافتہ ہیں جس میں چیف آف آرمی سٹاف پرویز مشرف سوار تھے۔ درخواست دہندہ کے مطابق الیکشن کمیشن کے قواعد کے مطابق چونکہ ایک سزا یافتہ شخص انتخابات میں حصہ نہیں لے سکتا اس لیے نواز شریف کے کاغذات نامزدگی مسترد کیے جائیں۔

نواز شریف کے وکلاء نے جمعہ کو ریٹرنگ افسر سے اعتراض پر مبنی درخواست کی مصدقہ نقل وصول کی ہے اور وہ اس کا جواب تین دسمبر کو داخل کریں گے۔

نواز شریف کے وکیلوں نے مخالف امیدوار خواجہ طاہر بٹ اعتراض پر اعتراض کیا ہے کہ وہ پرائس کنٹرول کمیٹی کے چیئرمین ہیں اور چونکہ یہ ایک سرکاری عہدہ ہے اس لیے وہ انتخابات لڑنے کے اہل نہیں ہیں۔ ریٹرنگ افسر نے انہیں بھی جواب داخل کرنے کی ہدایت کی ہے۔

شریف بردران تین دسمبر تک جواب  ریٹرنگ افسروں نے اپنے الگ الگ احکامات میں شہباز شریف کو سنیچر کو اور نواز شریف کو تین دسمبر کو جواب داخل کرانے کی ہدایت کی ہے

ان کے بقول انسداد دہشت گردی کی عدالت نے پانچ نوجوانوں کی جعلی پولیس مقابلے میں ہلاکت کے مقدمے میں ان کے دائمی وارنٹ گرفتاری جاری کیے ہوئے ہیں۔ یہ نوجوان ستائیس اپریل سنہ انیس سو اٹھانوے کو پولیس فائرنگ سے ہلاک ہوئے تھے اور ہلاک ہونے والے ایک لڑکے کے ضیعف والد کے بیان پر شہباز شریف کے خلاف تھانہ سبزہ زار میں قتل کا مقدمہ درج ہوا تھا۔

آفتاب باجوہ ایڈووکیٹ نے بی بی سی کو بتایا کہ طارق بانڈے کے علاوہ خود ان کے موکل بھی شہباز شریف کو نااہل قرار دینے میں فریق ہیں اور وہ ان کی جانب سے جمعہ کو ریٹرنگ افسر کے روبرو پیش ہوئے لیکن مختصر دلائل کے بعد سماعت سنیچر تک ملتوی کردی گئی۔

ریٹرنگ افسروں نے اپنے الگ الگ احکامات میں شہباز شریف کو سنیچر کو اور نواز شریف کو تین دسمبر کو جواب داخل کرانے کی ہدایت کی ہے۔