عبادالحق بی بی سی اردو ڈاٹ کام، لاہور

	حکومت کے پاس نوازشریف کو روکنے کا کوئی دوسرا راستہ نہیں ہے: وکیل

جسٹس(ر) ملک قیوم نے لاہور ہائی کورٹ میں اخبار نویسوں سے بات چیت کرتے ہوئے کہا کہ قانونی طور پر جب کسی معاہدے کے تحت کسی کو کوئی رعایت ملتی ہے تو معاہدہ کرنے والا شخص اگر اس سے انحراف کر جائے تو معاہدے کے تحت ملنی والی رعایت ختم ہوجائے گی۔

’بعد از معافی، مقدمہ نہیں کھُل سکتا‘

شریف خاندان، نیب کے مقدمے دوبارہ شروع

مقدمات دوبارہ شروع کرنے کی درخواست

حکومت کو ایک ہفتے کی مہلت

’کوئی تحریری معاہدہ نہیں ہوا تھا‘

	حکومت نے معاہدے کے بعد سزا معاف کی تھی: ملک قیوم

ملک قیوم سنہ دو ہزار چار میں شہباز شریف کے وکیل کی حیثیت سے ان کی وطن واپسی کے لئے سپریم کورٹ میں دائر کی جانے والی درخواست کی پیروی کرچکے ہیں اور سپریم کورٹ بار ایسوسی ایشن کے صدر کے حیثیت سے ان کا یہ موقف رہا ہے کہ جلاوطن قیادت کو ملک میں واپس آنا چاہیے۔

ملک قیوم کے بقول اگر معاہدے کا ایک فریق اس معاہدے کو مانے سے انکاری ہو تو دوسرے فریق کو بھی یہ حق ہے کہ اس کو تسلم نہ کرے، اس طرح معاہدے کی کوئی حیثیت نہیں رہے گی۔

انہوں نے کہا کہ حکومت نے نواز شریف کے ساتھ ہونے والے معاہدے کے بعد ان کی سزا معاف کی تھی جس کے بعد ان کو سعودی عرب بھجوایا گیا۔

ان کا کہنا تھا کہ قانون کے تحت اگر کوئی شخص حکومت کے ساتھ معاہدہ کرکے اپنی سزا میں معافی حاصل کرتا ہے اور بعدازاں اس معاہدے سے منحرف ہوجاتا ہے تو اس کو ملنے والی رعایت ختم ہوجائے گی اور سزا بحال ہوجائےگی۔

ایک سوال کے جواب میں اٹارنی جنرل کا کہنا تھا کہ پاکستان کے قانون کے تحت سزا یافتہ شخص انتخاب نہیں لڑسکتا۔

اس سے قبل نواز شریف کے وکیل اشتر اوصاف علی نے بی بی سی سے بات کرتے ہوئے کہا کہ نواز شریف کو طیارہ سازش کیس اور ہیلی کاپٹر ریفرنس میں سزا ہوئی تھی جس کو اس وقت کے صدر مملکت رفیق تارڑ نے چیف ایگزیکٹیو جنرل پرویز مشرف کےکہنے پر معاف کردیا تھا، تاہم جرمانہ کی حد سزا برقرار ہے۔ ان کے بقول جب ایک مرتبہ سزا کو معاف کردیا جائے تواسے کسی طور بھی بحال نہیں کیا جاسکتا ہے۔