شہزاد ملک بی بی سی اردو ڈاٹ کام، اسلام آباد

	سن دو ہزار ایک میں ان مقدمات کی سماعت غیر معینہ مدت تک کے لیے ملتوی کر دی تھی

اس فیصلے کا اعلان جمعہ کے روز راولپنڈی میں قائم احتساب عدالت نمبر چار کے جج چودھری خالد محمود نے قومی احتساب بیورو کی طرف سے دائر کی جانے والی ایک درخواست پر کیا۔

مقدمات دوبارہ شروع کرنے کی درخواست

حکومت کو ایک ہفتے کی مہلت

’کوئی تحریری معاہدہ نہیں ہوا تھا‘

جمعہ کو احتساب عدالت کے جج چودھری خالد محمود نے ڈپٹی پراسیکیوٹر جنرل سے کہا کہ وہ مدعا علیہان کے تازہ ایڈریس اور ان کاسٹیٹس عدالت کو مہیا کریں تاکہ ان کو نوٹس جاری کیے جا سکیں۔ عدالت نے کیس کی سماعت اب پچیس اگست تک ملتوی کر دی ہے۔

عدالت نے وکیل استغاثہ کو ہدایت کی کہ ملزمان میں سے ایک ملزم محمد شریف وفات پا گئے ہیں لہذا وہ اس بارے میں ایک بیان ان مقدمات کی آئندہ سماعت پرعدالت میں دیں۔

واضح رہے کہ سنہ دو ہزار میں درج کیے جانے والے یہ مقدمات حدیبیہ پیپرز ملز، اتفاق فونڈریز اور رائے ونڈ میں غیر قانونی اثاثہ جات بنانے کے حوالے سے قائم کیے گئے تھے۔

احتساب عدالت نے بارہ اپریل سنہ دو ہزار ایک کو نیب کی طرف سے درخواست پر ان مقدمات کی سماعت غیر معینہ مدت تک کے لیے ملتوی کر دی تھی۔

ڈپٹی پراسکیوٹر جنرل نیب ذوالفقار بھٹہ کے مطابق حدبیہ پیپرز ملز کے مقدمے میں نو افراد کو نامزد کیا گیا تھا ان میں میاں محمد سریف مرحوم، نواز شریف، شہباز شریف، میاں عباس شریف، حسین نواز، حمزہ شہباز، شمیم اختر بیوہ محمد شریف، صبیحہ عباس زوجہ میاں عباس شریف اور نواز شریف کی بیٹی مریم صفدر زوجہ محمد صفدر شامل ہیں۔

انہوں نے بتایا کہ اتفاق فونڈری کے مقدمے میں چھ افراد کو نامزد کیا گیا ہے ان میں میاں محمد شریف، نواز شریف، شہباز شریف، عباس شریف، مختار حسین اور کمال قریشی شامل ہیں جبکہ رائے ونڈ میں واقع اثاثہ جات کے مقدمے میں میاں محمد شریف ان کی اہلیہ شمیم اختر اور میاں نواز شریف نامزد ملزم ہیں۔

مبصرین اس عمل کو دلچسپ قرار دے رہے ہیں کہ حکومت نے عین اس وقت نواز شریف کے خلاف احتساب کورٹ میں درخواست دی ہے جب انہوں نے وطن واپسی کے لیے سپریم کورٹ میں درخواست دائر کی ہے۔