టోక్యో ఒలింపిక్స్: రవి కుమార్ దహియాకు కుస్తీలో సిల్వర్ మెడల్

5 ఆగస్టు 2021

రవి కుమార్ దహియా పురుషుల 57 కిలోల ఫ్రీస్టయిల్ పోటీలో రజత పతకం గెల్చుకున్నారు. రష్యాకు చెందిన జవూర్ ఉగుయెవ్‌తో స్వర్ణం కోసం జరిగిన కుస్తీ పోరులో రవి కుమార్ 4-7 తేడాతో ఓడిపోయారు. దాంతో, ఆయనకు సిల్వర్ మెడల్ లభించింది.

ఒలింపిక్ గేమ్స్‌లో సుశీల్ కుమార్ తరువాత రజతం గెల్చుకున్న రెండవ కుస్తీ యోధుడిగా రవి దహియా గుర్తింపు పొందారు. ఈ పతకంతో భారత్‌కు మొత్తం అయిదు ఒలింపిక్ పతకాలు లభించాయి.

ఫైనల్ మొదటి సగంలో రవి రెండు పాయింట్లు కోల్పోయారు. ఆ తరువాత వెంటనే స్కోర్ సమం చేయగలిగారు. కానీ, ఫస్టాఫ్ ముగిసేప్పటికి రష్యన్ రెజ్లర్ 4-2తో ఆధిక్యంలో ఉన్నారు.ద్వితీయార్ధంలో కూడా రవి రెండు పాయింట్లు సాధించాడు. జోర్ మూడు పాయింట్లు సాధించి 7-4తో మ్యాచ్‌ను గెలుచుకున్నాడు.

రవి కుమార్ దహియా గొప్ప రెజ్లర్, ఆయన పోరాట పటిమ సాటిలేనిదని ప్రధాని మోదీ ట్వీట్ చేశారు.

పోస్ట్‌ X స్కిప్ చేయండి, 1

X ఈ సమాచారాన్ని చూడాలనుకుంటున్నారా?

ఈ కథనంలో X అందించిన సమాచారం కూడా ఉంది. వారు కుకీలు, ఇతర టెక్నాలజీలను ఉపయోగిస్తుండొచ్చు, అందుకే సమాచారం లోడ్ అయ్యే ముందే మేం మీ అనుమతి అడుగుతాం. మీరు మీ అనుమతి ఇచ్చేముందు X కుకీ పాలసీని , ప్రైవసీ పాలసీని చదవొచ్చు. ఈ సమాచారం చూడాలనుకుంటే ‘ఆమోదించు, కొనసాగించు’ను ఎంచుకోండి.

హెచ్చరిక: థర్డ్ పార్టీ కంటెంట్‌లో ప్రకటనలు ఉండొచ్చు

పోస్ట్ of X ముగిసింది, 1

కంటెంట్ అందుబాటులో లేదు

మరింత సమాచారం కోసం Xఇతర వెబ్‌సైట్లలో సమాచారానికి బీబీసీ బాధ్యత వహించదు.

రజత పతకం సాధించిన దహియాను చూసి భారతదేశం గర్విస్తోందని ప్రధాని ఆయనకు శుభాకాంక్షలు తెలిపారు.

ఒలింపిక్ పతకం సాధించిన రవి దహియాకు క్లాస్-1 ఉద్యోగంతో పాటు హర్యానాలో ఎక్కడ కోరుకుంటే అక్కడ 50 శాతం తగ్గింపుతో ఇంటి స్థలం ఇస్తామని హర్యానా ప్రభుత్వం ప్రకటించిందని ఏఎన్ఐ వార్తా సంస్థ తెలిపింది.

పోస్ట్‌ X స్కిప్ చేయండి, 2

X ఈ సమాచారాన్ని చూడాలనుకుంటున్నారా?

హెచ్చరిక: థర్డ్ పార్టీ కంటెంట్‌లో ప్రకటనలు ఉండొచ్చు

పోస్ట్ of X ముగిసింది, 2

కంటెంట్ అందుబాటులో లేదు

మరింత సమాచారం కోసం Xఇతర వెబ్‌సైట్లలో సమాచారానికి బీబీసీ బాధ్యత వహించదు.

రవి సొంత ఊరైన నాహ్రీలో ఇండోర్ స్డేడియం నిర్మిస్తామని, అలాగే రజత పతకం విజేతలకు ప్రకటించే రూ. 4 కోట్ల బహుమతి కూడా ఇస్తామని ప్రభుత్వం ప్రకటించింది.

కాంస్యంతో చరిత్ర సృష్టించిన భారత పురుషుల హాకీ జట్టు

టోక్యో ఒలింపిక్స్‌లో కాంస్య పతకం కోసం భారత్, జర్మనీ పోటాపోటీగా తలపడ్డాయి. చివరకు 5-4 తేడాతో భారత జట్టు విజయం సాధించింది.

Skip ఎక్కువమంది చదివినవి and continue reading

ఎక్కువమంది చదివినవి

End of ఎక్కువమంది చదివినవి

మొదటి 15 నిమిషాల్లోనే భారత్‌పై జర్మనీ గోల్ కొట్టి ఆధిక్యంలోకి వెళ్లింది. సెకండ్ క్వార్టర్‌లో భారత్ ఓ గోల్ కొట్టింది. అయితే, కాసేపటికే జర్మనీ మరో రెండు గోల్స్ కొట్టి తిరుగులేని ఆధిక్యంలోకి వెళ్లింది. ఆ తర్వాత భారత్ కూడా మరో రెండు గోల్స్ కొట్టింది.

రెండో క్వార్టర్ ముగిసేనాటికి భారత్, జర్మనీ.. చెరో 3 గోల్స్ కొట్టాయి. అయితే, మూడో క్వార్టర్‌లో భారత్‌ మరో రెండు గోల్స్ కొట్టి ఆధిక్యంలోకి వెళ్లింది.

మొత్తంగా జర్మనీపై 5-4 తేడాతో భారత జట్టు విజయం సాధించింది.

ప్రస్తుత మ్యాచ్‌లో గెలవడం ద్వారా, 41ఏళ్లలో ఒలింపిక్ పతకాన్ని తెచ్చిపెట్టిన తొలి భారత జట్టుగా పురుషుల జట్టు చరిత్ర సృష్టించింది.

మంగళవారం బెల్జియంపై 5-2 తేడాతో భారత పురుషుల జట్టు ఓడిపోయిన సంగతి తెలిసిందే.

పోస్ట్‌ X స్కిప్ చేయండి, 3

X ఈ సమాచారాన్ని చూడాలనుకుంటున్నారా?

హెచ్చరిక: థర్డ్ పార్టీ కంటెంట్‌లో ప్రకటనలు ఉండొచ్చు

పోస్ట్ of X ముగిసింది, 3

కంటెంట్ అందుబాటులో లేదు

మరింత సమాచారం కోసం Xఇతర వెబ్‌సైట్లలో సమాచారానికి బీబీసీ బాధ్యత వహించదు.

''ఇది చరిత్రాత్మకం. ప్రతి భారతీయుడికీ ఈ రోజు గుర్తుండిపోతుంది. కాంస్య పతకాన్ని గెలిచిన పురుషుల హాకీ జట్టుకు శుభాకాంక్షలు. ఈ విజయంతో యువతతోపాటు భారతీయుల అందరి కలలను వారు సాకారం చేశారు. హాకీ జట్టును చూస్తుంటే గర్వంగా అనిపిస్తోంది''అని ప్రధాన మంత్రి నరేంద్ర మోదీ ట్వీట్ చేశారు.