కాలిఫోర్నియా కార్చిచ్చు: 25కు పెరిగిన మృతుల సంఖ్య

10 నవంబర్ 2018

అప్‌డేట్ అయ్యింది 11 నవంబర్ 2018

కాలిఫోర్నియా కార్చిచ్చులో మృతి చెందిన వారి సంఖ్య 25కు చేరిందని అధికారులు తెలిపారు.

ఉత్తర కాలిఫోర్నియాలో మంటల్లో బూడిదైన పారడైజ్ పట్టణానికి సమీపంలో మరో 14 మృతదేహాలు గుర్తించినట్టు చెప్పారు. దీంతో ఈ ప్రాంతంలో మొత్తం 23 మంది చనిపోయారని అధికారులు ధ్రువీకరించారు.

దక్షిణ కాలిఫోర్నియా మలిబులో మరో ఇద్దరు మృతి చెందారు.

రాష్ట్రంలో ఒకేసారి మూడు కార్చిచ్చులు వేగంగా వ్యాపించడంతో ఆయా ప్రాంతాల్లో దాదాపు రెండున్నర లక్షల మందిని ఇళ్ల నుంచి సురక్షిత ప్రాంతాలకు తరలించారు.

ఈ మూడు కార్చిచ్చులను క్యాంప్ ఫైర్, వూస్లీ ఫైర్, హిల్ ఫైర్ అని చెబుతున్నారు.

ఈ మంటలు గురువారం బుట్టె కౌంటీ నుంచి వ్యాపించడం మొదలయ్యాయి. అవి వేగంగా పారడైజ్‌ను బూడిద చేస్తుంటే ఫైర్ ఫైటర్లు వాటిని అడ్డుకోలేకపోయారు.

శుక్రవారం దక్షిణ తీరంలో ఉన్న మలిబులో వ్యాపించిన మంటలు ఇప్పుడు మరింత తీవ్రంగా మారాయి.

ఈ కార్చిచ్చు ప్రస్తుతం 70 వేల ఎకరాల్లో వ్యాపించి ఉంది.

Skip ఎక్కువమంది చదివినవి and continue reading

ఎక్కువమంది చదివినవి

End of ఎక్కువమంది చదివినవి

ఈ ప్రమాదకర పరిస్థితి వచ్చే వారం కూడా కనసాగవచ్చని వాతావరణ నిపుణులు హెచ్చరించారు. కానీ ఫైర్ ఫైటర్స్ మాత్రం గాలులు తగ్గి మంటలు తీవ్రత తక్కువగా ఉన్నప్పుడు వాటిని ఆర్పే ప్రయత్నం చేయచ్చని ఆశిస్తున్నారు.

ఈ మంటలు ఎలా వ్యాపిస్తున్నాయి?

శుక్రవారం రాత్రంతా వ్యాపించిన మంటలు పశ్చిమ లాస్ ఏంజిల్స్‌లో ప్రధాన మార్గం 101 హైవేను దాటాయి. స్థానిక కాలమానం ప్రకారం శుక్రవారం మధ్యాహ్నానికి మంటలు 14 వేల ఎకరాల్లో వ్యాపించాయి.

బుధవారం మాజీ సైనికుడి కాల్పుల్లో 12 మంది మృతి చెందిన థౌజండ్ ఓక్స్‌లో మంటలు వ్యాపించడంతో పట్టణంలోని 75 వేల నివాసాలను ఖాళీ చేయించారు.

థౌజండ్ ఓక్స్‌తోపాటు, 101 హైవే పక్కనే ఉన్న కలబాసస్, తీరంలోని మలిబు పట్టణాల నుంచి ప్రజలను వెంటనే ఖాళీ చేయించారు.

ఈ పట్టణాల్లో ఉంటున్న ప్రముఖులు తమ ప్రాంతంలో వ్యాపించిన మంటల గురించి తమ సోషల్ మీడియా అకౌంట్లలో పోస్ట్ చేశారు. తాము సురక్షితంగా ఉన్నట్టు అభిమానులకు తెలిపారు.

పోస్ట్‌ X స్కిప్ చేయండి

X ఈ సమాచారాన్ని చూడాలనుకుంటున్నారా?

ఈ కథనంలో X అందించిన సమాచారం కూడా ఉంది. వారు కుకీలు, ఇతర టెక్నాలజీలను ఉపయోగిస్తుండొచ్చు, అందుకే సమాచారం లోడ్ అయ్యే ముందే మేం మీ అనుమతి అడుగుతాం. మీరు మీ అనుమతి ఇచ్చేముందు X కుకీ పాలసీని , ప్రైవసీ పాలసీని చదవొచ్చు. ఈ సమాచారం చూడాలనుకుంటే ‘ఆమోదించు, కొనసాగించు’ను ఎంచుకోండి.

హెచ్చరిక: థర్డ్ పార్టీ కంటెంట్‌లో ప్రకటనలు ఉండొచ్చు

పోస్ట్ of X ముగిసింది

కంటెంట్ అందుబాటులో లేదు

మరింత సమాచారం కోసం Xఇతర వెబ్‌సైట్లలో సమాచారానికి బీబీసీ బాధ్యత వహించదు.

గాయని లేడీ గాగా మలిబులో ఉన్న తన ఇంటిని ఖాళీ చేశానని చెప్పారు. దట్టంగా పొగలు వస్తున్న ఒక వీడియోను ఆమె తన ఇన్‌స్టాగ్రామ్‌లో పోస్ట్ చేశారు.

ఆస్కార్ డైరెక్టర్ గుల్లిర్మో డెల్ టోరో తన ఇల్లు ఖాళీ చేశానని, తన ఎన్నో జ్ఞాపకాలతో కట్టుకున్న మ్యూజియం బ్లీక్ హౌస్ వదిలి వెళ్లిపోతున్నానని చెప్పారు. ఈ మంటల్లో కొన్ని టీవీ సిరీస్‌కు సంబంధించిన సెట్స్ కూడా కాలిపోయాయి.

ఉత్తర కాలిఫోర్నియాకు ఏమైంది?

గురువారం క్యాంప్ క్రీక్ దగ్గర 20 వేల ఎకరాల్లో వ్యాపించిన కార్చిచ్చు పారడైజ్ పట్టణాన్ని బూడిద చేసింది. ఈ మంటల్లో చిక్కుకుపోయిన ఐదుగురు తమ కార్లలోనే మృతి చెందారని పోలీసులు తెలిపారు.

గాలులు బలంగా వీస్తుండడంతో మంటలు గంటకు 56 కిలోమీటర్ల వేగంతో పశ్చిమంగా వెళ్తున్నాయని అధికారులు తెలిపారు. చికో పట్టణంలో ఉన్న వారు ఇళ్లు ఖాళీ చేయాల్సిందిగా ఆదేశాలు జారీ చేశారు.

ఈ మంటలు నిమిషానికి 80 ఫుట్ బాల్ మైదానాలతో సమానమైన భూభాగాన్ని బూడిద చేస్తున్నాయి.

మంటల్లో చిక్కుకున్న పారడైజ్ పట్టణం లోంచి వాహనాలన్నీ ఒకేసారి రోడ్డుపైకి వచ్చాయి. దాదాపు 27 వేల మంది ప్రాణాలు కాపాడుకోడానికి వాహనాలతోనే మంటలను చీల్చుకుంటూ వెళ్లారు.

కొందరు తమ వాహనాలు వదిలి పిల్లలు, పెంపుడు జంతువులతో సురక్షిత ప్రాంతాలకు పరుగులు తీశారు. తప్పిపోయిన స్నేహితులను, కుటుంబ సభ్యులను వెతకడానికి చాలా మంది సోషల్ మీడియాను ఆశ్రయిస్తున్నారు.