ఒకే రోజు 78 మంది ప్రతిపక్ష ఎంపీల సస్పెన్షన్.. విమర్శల వెల్లువ

ప్రతిపక్ష ఎంపీలు — ఫొటో క్యాప్షన్, పార్లమెంట్‌లో 78 మంది ఎంపీలపై సస్పెన్షన్ వేటు పడింది.

18 డిసెంబర్ 2023

పార్లమెంట్‌లో ఒకేరోజు 78 మంది ప్రతిపక్ష సభ్యులపై సస్పెన్షన్ వేటు పడింది.

లోక్‌సభలో డిసెంబర్ 13న చోటుచేసుకొన్న భద్రతా వైఫల్యాలను ప్రస్తావిస్తూ ప్రతిపక్ష ఎంపీలు సోమవారం ఉదయం నుంచి ఉభయ సభల్లో నిరసనలు చేశారు.

భద్రతా వైఫల్యంపై హోం మంత్రి అమిత్ షా వివరణ ఇవ్వాలని లోక్‌సభలో ఎంపీలు డిమాండ్ చేశారు. దీంతో సభలో వ్యవహార శైలి సరిగా లేదనే కారణంతో కాంగ్రెస్ నేత అధిర్ రంజన్ చౌదరి సహా 33 మంది సభ్యులను సోమవారం స్పీకర్ ఓం బిర్లా సస్పెండ్ చేశారని వార్తాసంస్థ ఏఎన్‌ఐ తెలిపింది.

ఈ శీతాకాల సమావేశాలు ముగిసే వరకు ఎంపీలపై సస్పెన్షన్ అమల్లో ఉంటుంది.

సభలో గందరగోళం కారణంగా లోక్‌సభ సమావేశాలను మంగళవారానికి వాయిదా వేశారు స్పీకర్.

పార్లమెంట్ — ఫొటో క్యాప్షన్, లోక్‌సభలో సోమవారం ఒక్క రోజే 33 మంది సస్పెండ్ అయ్యారు.

రాజ్యసభలో 45 మంది సస్పెన్షన్

భద్రతా వైఫల్యంపై రాజ్యసభలోనూ ప్రతిపక్ష సభ్యులు నిరసన తెలపడంతో చైర్మన్ 45 మందిని సస్పెండ్ చేశారని వార్తాసంస్థ ఏఎన్ఐ తెలిపింది.

వీరిలో 34 మందిని ఈ శీతాకాల సమావేశాలు ముగిసే వరకు సస్పెండ్ చేయగా, మిగిలిన 11 మంది విషయంపై ప్రివిలేజ్ కమిటీ మూడు నెలల్లోగా రిపోర్టు ఇవ్వాలని చైర్మన్ కోరారు.

అప్పటివరకు ఈ 11 మందిపై సస్పెన్షన్ అమల్లో ఉంటుంది.

Skip ఎక్కువమంది చదివినవి and continue reading

ఎక్కువమంది చదివినవి

End of ఎక్కువమంది చదివినవి

చీకటి రోజులు: ఆర్జేడీ ఎంపీ మనోజ్ ఝా

సస్పెన్షన్లపై ప్రతిపక్షాలు విమర్శలు గుప్పించాయి.

‘‘ప్రాథమిక హక్కులను బీజేపీ తుంగలో తొక్కుతోంది’’ అని కాంగ్రెస్ ఎంపీ గౌరవ్ గొగోయ్ ఆరోపించారు.

విపక్ష ఎంపీల సస్పెన్షన్‌పై ఆర్జేడీ రాజ్యసభ సభ్యుడు మనోజ్ ఝా తీవ్రంగా స్పందించారు. ఈ చర్య ప్రధాని నరేంద్ర మోదీ బలహీనతను సూచిస్తోందని ఆయన వ్యాఖ్యానించారు.

రెండోసారి అధికారాన్ని చేపట్టినప్పటి నుంచి మోదీ చాలా బలహీనపడ్డారని ఆరోపించారు.

సోమవారం ఒక్క రోజే రాజ్యసభ నుంచి 45 మంది విపక్ష సభ్యులు సస్పెండ్ అయ్యారు. వీరిలో మనోజ్ ఝా ఒకరు.

ఇప్పుడు చీకటి రోజులు నడుస్తున్నాయని, ఇలాంటి సమయాల్లో నియంతలు ప్రశ్నించే పార్లమెంటు ఉండాలని కోరుకోరని ఆయన వ్యాఖ్యానించారు.

ఇది ప్రతిపక్షాల ముందస్తు వ్యూహం: పీయూష్ గోయల్

ప్రతిపక్ష ఎంపీల సస్పెన్షన్‌పై రాజ్యసభలో సభా నాయకుడు, కేంద్ర మంత్రి పీయూష్ గోయల్ స్పందించారు. ప్రతిపక్ష నాయకులకు సభ సజావుగా జరగడం ఇష్టం లేదని ఆరోపించారు.

"ఈరోజు మొత్తం 45 మంది రాజ్యసభ ఎంపీలను సస్పెండ్ చేశారు. సభ సజావుగా నడవడం వారికి ఇష్టం లేదు, ఇది వారి ముందస్తు వ్యూహం" అని పీయూష్ గోయల్ అన్నారు.

పోస్ట్‌ X స్కిప్ చేయండి, 1

X ఈ సమాచారాన్ని చూడాలనుకుంటున్నారా?

ఈ కథనంలో X అందించిన సమాచారం కూడా ఉంది. వారు కుకీలు, ఇతర టెక్నాలజీలను ఉపయోగిస్తుండొచ్చు, అందుకే సమాచారం లోడ్ అయ్యే ముందే మేం మీ అనుమతి అడుగుతాం. మీరు మీ అనుమతి ఇచ్చేముందు X కుకీ పాలసీని , ప్రైవసీ పాలసీని చదవొచ్చు. ఈ సమాచారం చూడాలనుకుంటే ‘ఆమోదించు, కొనసాగించు’ను ఎంచుకోండి.

హెచ్చరిక: బయటి సైట్‌ల కంటెంట్‌కు బీబీసీ బాధ్యత వహించదు.

పోస్ట్ of X ముగిసింది, 1