ఆధార్-పాన్ లింక్ కోసం 2 సులువైన మార్గాలు.. డిసెంబర్ 31లోపు లింక్ చేయకపోతే ఏం జరుగుతుంది?

ఆదాయ పన్ను పత్రాలు దాఖలు చేయాలన్నా, బ్యాంకు ఖాతా తెరవాలన్నా, మరేదైనా ఆర్థిక లావాదేవీలను నిర్వహించాలన్నా పర్మినెంట్ అకౌంట్ నంబర్-పాన్ తప్పనిసరి అయ్యింది.

కానీ, మీ ఆధార్ నంబర్‌ను పాన్‌తో అనుసంధానం (లింక్) చేసుకోవడంలో నిర్లక్ష్యం చేస్తే, 2026 జనవరి 1 నుంచి పాన్ అకౌంట్ డీయాక్టివేట్ అయిపోతుంది.

పాన్ కార్డు ఉన్నవారంతా తమ ఆధార్, పాన్ నంబర్‌లను అనుసంధానం చేసుకోవడానికి కేంద్ర ప్రత్యక్ష పన్నుల మండలి (సీబీడీటీ) 2025, డిసెంబర్ 31వ తేదీ వరకూ గడువు ఇచ్చింది.

అప్పట్లోగా ఈ ప్రక్రియ పూర్తిచేయకపోతే, వారి పాన్ ఖాతా నిలిచిపోతుంది.

ఆ తర్వాత, అన్ని ఆర్థిక లావాదేవీల నిర్వహణలో ఇబ్బందులు తలెత్తవచ్చు.

పాన్-ఆధార్ లింక్‌కు సంబంధించి 2025 ఏప్రిల్ ప్రారంభంలోనే నోటిఫికేషన్ జారీచేసినప్పటికీ, 2025, డిసెంబర్ 31వ తేదీ వరకూ గడువు ఇచ్చినట్లు అందులో పేర్కొన్నారు.

సీబీడీటీ ఇచ్చిన గడువులోపు మీరు మీ పాన్-ఆధార్‌ను లింక్ చేయకపోతే, మీ పాన్ నంబర్‌ను తిరిగి యాక్టివేట్ చేసుకోవడానికి రూ.1,000 వరకు జరిమానా చెల్లించాల్సి ఉంటుంది.

అంతేకాదు, దాని రీయాక్టివేషన్ కోసం దరఖాస్తు చేసుకున్న తర్వాత, పాన్ మళ్లీ పనిచేయడానికి ఒక వారం నుంచి ఒక నెల రోజుల వరకు సమయం పట్టవచ్చు.

మరి పాన్ నంబరు యాక్టివ్‌గా ఉండటానికి మీరు ఏం చేయాలో తెలుసుకుందాం.

పాన్-ఆధార్ లింక్ చేయకపోతే ఏమవుతుంది?

ప్రస్తుత రోజుల్లో పాన్ లేకుండా ఆర్థిక వ్యవహారాలు నిర్వహించడం అసాధ్యం, ఎందుకంటే చాలాచోట్ల పాన్ నంబర్, ఆధార్ కార్డు రెండూ అవసరం.

ఉదాహరణకు,

పాన్ నంబర్‌ను ఆధార్‌తో ఎలా లింక్ చేయాలి?

పాన్, ఆధార్ నంబర్లను లింక్ చేయడం చాలా సులభం.

ఎస్‌ఎంఎస్ ద్వారా కూడా లింక్ చేయవచ్చు...

మీరు మీ మొబైల్ ఫోన్‌ నుంచి ఎస్ఎంఎస్ పంపడం ద్వారా మీ పాన్ నంబర్‌ను ఆధార్‌తో లింక్ చేయవచ్చు.

ఉదాహరణకు: UIDPAN 111122223333 AAAPA9999Q

(బీబీసీ కోసం కలెక్టివ్ న్యూస్‌రూమ్ ప్రచురణ)

(బీబీసీ తెలుగును వాట్సాప్‌,ఫేస్‌బుక్, ఇన్‌స్టాగ్రామ్‌, ట్విటర్‌లో ఫాలో అవ్వండి. యూట్యూబ్‌లో సబ్‌స్క్రైబ్ చేయండి.)