இலங்கையில் அதிகரிக்கும் கொரோனா தொற்று உயிரிழப்புகள் – இந்தியாவிலிருந்து பயணிகள் வரத் தடை

இலங்கையில் கொரோனா தொற்று அதிகரித்துள்ள நிலையில், ஒரே நாளில் அதிகளவிலான மரணங்கள் கடந்த 4ம் தேதி பதிவாகியிருந்தது.

இதன்படி, கடந்த 4ம் தேதியன்று மட்டும் ஒரே நாளில் 13 உயிரிழப்புக்கள் பதிவாகியுள்ளதாக அரசாங்க தகவல் திணைக்களம் தெரிவிக்கின்றது.

இவ்வாறான நிலையில், கடந்த 4 நாட்களில் மாத்திரம் கொரோனா தொற்றினால் 25 பேர் உயிரிழந்துள்ளதாக அரசாங்க தகவல் திணைக்களம் நேற்று வெளியிட்டுள்ள அறிக்கையில் தெரிவித்துள்ளது.

இலங்கையில் கோவிட் தொற்றினால் உயிரிழப்போரின் எண்ணிக்கை மற்றும் பாதிக்கப்படுவோரின் எண்ணிக்கை நாளுக்கு நாள் இரட்டிப்பாக அதிகரித்து வருகின்றது.

இலங்கையில் இதுவரை கோவிட் தொற்றினால் ஒரு லட்சத்து 17 ஆயிரத்து 529 பேர் பாதிக்கப்பட்டுள்ளதுடன், அவர்களில் 734 பேர் உயிரிழந்துள்ளனர்.

நாட்டில் இதுவரை ஒரு லட்சத்து 75 பேர் முழுமையாக குணமடைந்துள்ளனர்.

16,720 பேர் மருத்துவமனைகளில் சிகிச்சை பெற்று வருவதுடன், மேலும் சிலர் தமது வீடுகளிலேயே தங்கியிருந்து சிகிச்சை பெற்று வருவதாக சுகாதார தரப்பின் தகவல்கள் தெரிவிக்கின்றன.

நாட்டிலுள்ள மருத்துவமனைகளில் கட்டில்களுக்கு ஏற்பட்டுள்ள பற்றாக்குறை காரணமாகவே, சிலர் வீடுகளில் தங்க வைக்கப்பட்டுள்ளனர்.

இவ்வாறான நிலையில், நாட்டில் பல்வேறு கட்டுப்பாடுகள் விதிக்கப்பட்டுள்ளன.

பிற செய்திகள்: