Kifo cha Stan Lee: Nyota wa filamu na mashabiki wake duniani wasifia ustadi wake

Stan Lee, mwandishi mashuhuri wa Marekani na rais wa zamani wa kampuni ya vichekesho ya Marvel Comics amefariki dunia akiwa na miaka 95.

Mwaka 1961, Lee alibuni filamu nne bora za Marvel Comics, na kuzipatia majina maarufu ikiwemo Spider-Man NA The Incredible Hulk.

Mwandishi huyo mkongwe wa vitabu vya vichekesho alifariki katika kituo cha matibabu cha Cedars Sinai mjini Los Angeles, kwa mujibu wa wakili wa familia.

Afisa mkuu mtendaji wa kampuni ya burudani ya Pow inayomilikiwa na Lee! alimtaja kama "Baba wa mitindo ya pop" kwa kubuni "wahusika wanaofahamika kote duniani".

Mkurugenzi mkuu Shane Duffy alimkumbuka kama "mwanzilishi wa kweli ambaye hana mpinzani".

Mke wa Lee, Joan, alifariki mwaka 2017.

Akizungumza na mtandao wa TMZ unaoangazia habari za nyota mashuhuri, binti yake JC Lee alisema mbaba yake alikuwa ''mtu mashuhuri na mwenye heshima".

Aliliambia shirika la habari la Reuters kwamba : "katika utendakazi wake alihisi kuwa na wajibu mkubwa kwa mashabiki wake."

Kwa mujibu wa vyombo vya habari vya Marekani, miaka ya hivi karibuni Lee, amekuwa akiiugua mara kwa mara.

Lee alifahamika kwa kutengeneza filamu ya maarufu alipokuwa na kampuni ya filamu ya Marvel, japo aliachana na kampuni hiyo mwaka 1972.

Siku ya Jumapili, ambayo siku ya kuwatambua mashujaa , ukurasa wake rasmi wa Facebook uliweka picha za Lee akiwa jeshini, na kuandika kwa utani kwamba alikuwa mtunzi wa michezo tangu wakati wa vya pili vya Dunia.

Stan Lee ni nani?

Lee alizaliwa mwaka 1922. Wazazi wake walikuwa wahamiaji wa kiyahudi kutoka Romania.

Alianza kufanya kazi katika sehemu ya kampuni ya machapisho ambayo hatimaye itabadilika na kufahamika kuwa Marvel Comics - na baadaye kuwa mhariri wa wasanii akiwa na miaka 18.

Alianza kufanya kazi kwenye sehemu ya Jumuia ya Machapisho ya wakati - kampuni ambayo hatimaye ilibadilika kuwa Marvel Comics - na kuwa mhariri wa wasanii akiwa na umri wa miaka 18.

Kwa miaka kadhaa Lee alijikita zaidi katika uandishi wahadithi za uhalifu, hadithi za kuogofya na masuala mengine ya kijamii ili kuwavutia wasomaji wadogo.

Alipotimiza miaka 40 aliachana na vichekesho lakini mke wake alimshauri kuuni wahusika ambao angelipenda wahusishwe nae

Mwaka 1961, Lee na mchoraji Jack Kirby waliungana kubuni wahusika wanne maarufu sana- wahusika hao walikua tabia binafsi na matatizo yaliyohusiana

Timely Publications ilibadilishwa jina kuwa Marvel na ni hapo safari ya vitabu vya kichekesho ilianza.

Wakati huo wahusika wengi wa kampuni ya filamu ya Marvel walikuwa wameanza kutambulika.

Kwa mfano, Black Panther ndiye alikuwa shujaa wa kwanza mashuhuri mweusi kushirikishwa katika vichekesho nchini Marekani.

Wahusika wengine waliyobuniwa ni pamoja na Silver Surfer, the X-Men, Iron Man na Doctor Strange.

Lee pia alitambuliwa kwa kuwapatia wachoraji haki miliki. Kirby, Frank Miller, John Romita na wengine walipata nafasi ya kutambulisha vipaji vyao na kupata umaarufu mkubwa

Katika miaka ya umaarufu wake, Marvel iliuza nakala milioni 50 kwa mwaka.

Hadi alipostaafu kuhariri uandishi wake mwaka1971, Lee alikuwa ameandika nakala zote za utambulisho wa vitabu vya Marvel.

Kifo chake kimepokelewaje?

Bob Iger, mwenyekiti wa kampuni ya Walt Disney,ambayo ilinunua vitabu vya vichekesho vya kampuni ya Marvel kwa kima cha dola bilioni 4 mwaka 2009 alimtaja Lee kama "Shujaa mtajika"

Nyota wa filamu na mashabiki wake wamekuwa wakielezea katika mitandao ya kijamii jinsi kazi ya Lee ilivyowagusa

Hugh Jackman, alifahamika kama Wolverine katika filamu ya X-Men, alimtaja Lee kama "Mwanzilishi wa ulimwengu wa superhero".

Evangeline Lilly, ambaye aliyeangaziwa kama mpenzi wa superhero wa Ant Man, Wasp, pia alitoa pole zak kwenye Twitter.

Chris Evans, nyota wa filamu ya Captain America, aliandika katika ukurasa wake wa Twitter akisema : ''Kwa miaka mingi Lee aliwaburudisha vijana na wazee kwa kuwahimiza wajiamini, wawe na motisha, kujenga urafiki na kuwa na furaha. Alikuwa na upendo na fadhila zake zitaacha alama katika mioyo na maisha ya watu wengi sana.''

Astrophysicist Neil deGrasse Tyson praised Lee for creating a universe full of "scientifically literate superheroes".

Tom Hardy, ambaye ni mmoja wa wahusika katika filamu ya hivi karibuni inayoangazia mhusika Venom, wa kampuni ya vichekesho ya Marvel aliweka picha za Lee akiwa katika ubora wake, kupitia mtandao wa kijamii wa Instagram.