ਕਾਇਲੀ ਜੈਨਰ: ਦੁਨੀਆਂ ਦੀ ਸਭ ਤੋਂ ਨਿੱਕੀ ਉਮਰ ਦੀ ਅਰਬਪਤੀ ਕੁੜੀ ਬਾਰੇ ਜਾਣੋ
ਤਸਵੀਰ ਸਰੋਤ, Getty Images
ਫੋਰਬਸ ਬਿਲੀਅਨਰੀਜ਼ ਦੀ ਸੂਚੀ ਮੁਤਾਬਕ ਕਾਇਲੀ ਜੈਨਰ ਦੁਨੀਆਂ ਦੀ ਸਭ ਤੋਂ ਘੱਟ ਉਮਰ ਦੀ ਅਰਬਪਤੀ ਬਣੀ ਹੈ ਉਹ ਵੀ ਆਪਣੀ ਮਿਹਨਤ ਸਦਕਾ।
ਕਰਦਾਸ਼ੀਅਨ ਪਰਿਵਾਰ ਨਾਲ ਸਬੰਧ ਰੱਖਣ ਵਾਲੀ ਕੈਲੀ ਨੇ ਕੌਸਮੈਟਿਕ ਦੇ ਕਾਰੋਬਾਰ ਤੋਂ ਇਹ ਸਫਲਤਾ ਹਾਸਲ ਕੀਤੀ ਹੈ।
21 ਸਾਲਾ ਕਾਇਲੀ ਨੇ ਸਿਰਫ਼ ਤਿੰਨ ਸਾਲ ਪੁਰਾਣੇ ਇਸ ਕਾਰੋਬਾਰ ਤੋਂ ਔਸਤਨ 360 ਮਿਲੀਅਨ ਡਾਲਰ ਦੀ ਕਮਾਈ ਕੀਤੀ ਹੈ।
ਉਨ੍ਹਾਂ ਨੇ ਫੇਸਬੁੱਕ ਦੇ ਸੰਸਥਾਪਕ ਮਾਰਕ ਜ਼ਕਰਬਰਗ ਨੂੰ ਵੀ ਇਸ ਮਾਮਲੇ ਵਿੱਚ ਛੱਡ ਦਿੱਤਾ ਹੈ। ਮਾਰਕ ਜ਼ਕਰਬਰਗ ਨੇ 23 ਸਾਲ ਦੀ ਉਮਰ ਵਿੱਚ ਇਹ ਮੁਕਾਮ ਹਾਸਲ ਕੀਤਾ ਸੀ।
ਜੈਨਰ ਨੇ ਫੋਰਬਸ ਨੂੰ ਕਿਹਾ, ''ਮੈਨੂੰ ਅਜਿਹਾ ਹੋਣ ਦੀ ਬਿਲਕੁਲ ਵੀ ਉਮੀਦ ਨਹੀਂ ਸੀ। ਮੈਂ ਭਵਿੱਖ ਬਾਰੇ ਅੰਦਾਜ਼ਾ ਨਹੀਂ ਲਗਾਇਆ ਸੀ ਪਰ ਮੈਨੂੰ ਬਹੁਤ ਚੰਗਾ ਮਹਿਸੂਸ ਹੋ ਰਿਹਾ ਹੈ।''
ਅਮੀਰ ਔਰਤਾਂ ਦੀ ਗਿਣਤੀ ਵਧੀ
ਅਰਬਪਤੀਆਂ ਦੀ ਸੂਚੀ ਵਿੱਚ 252 ਔਰਤਾਂ ਸਨ ਜਿਸ ਵਿੱਚ ਸਭ ਤੋਂ ਅਮੀਰ ਔਰਤ ਚੀਨ ਦੀ ਵੂ ਯਾਜੂਨ ਹੈ ਜਿਸਦੀ ਆਪਣੇ ਬਲਬੂਤੇ 'ਤੇ ਔਸਤਨ ਕਮਾਈ 9.4 ਬਿਲੀਅਨ ਡਾਲਰ ਹੈ।
ਪਿਛਲੇ ਸਾਲ ਆਪਣੇ ਬਲਬੂਤੇ 'ਤੇ ਇੱਥੋਂ ਤੱਕ ਪਹੁੰਚਣ ਵਾਲੀਆਂ ਔਰਤਾਂ ਦਾ ਨੰਬਰ ਵਧ ਕੇ 72 ਹੋ ਗਿਆ ਹੈ ਜਿਹੜਾ ਪਿਛਲੇ ਸਾਲ ਤੱਕ 56 ਸੀ।
ਕਾਇਲੀ ਜੈਨਰ ਬਾਰੇ ਜਾਣੋ
- ਕਾਇਲੀ ਜੈਨਰ ਇੱਕ ਅਮਰੀਕਨ ਟੀਵੀ ਸਟਾਰ, ਮਾਡਲ ਅਤੇ ਉੱਦਮੀ ਹਨ। ਉਨ੍ਹਾਂ ਦਾ ਆਪਣਾ ਕੌਸਮੈਟਿਕਸ ਦਾ ਕਾਰੋਬਾਰ ਹੈ ਜਿਸਦਾ ਨਾਮ ਹੈ ਕੋਸਮੈਟਿਕ ਕੰਪਨੀ ਕੈਲੀ। ਕਾਇਲੀ ਆਪਣੀ ਕੰਪਨੀ ਦੀ ਸੰਸਥਾਪਕ ਵੀ ਹੈ।
- ਬਹੁਤ ਹੀ ਘੱਟ ਸਮੇਂ ਵਿੱਚ ਉਨ੍ਹਾਂ ਨੇ ਆਪਣੇ ਦਮ 'ਤੇ ਵੱਡੀ ਕਮਾਈ ਕੀਤੀ ਹੈ। ਹਾਲ ਹੀ ਵਿੱਚ ਇੰਸਟਾਗ੍ਰਾਮ ਦੀ ਅਮੀਰਾਂ ਦੀ ਸੂਚੀ ਵਿੱਚ ਉਹ ਸਭ ਤੋਂ ਵੱਧ ਕਮਾਈ ਕਰਨ ਵਾਲੀ ਟੀਵੀ ਸਟਾਰ ਵੀ ਸੀ।
- ਕਾਇਲੀ ਜੈਨਰ ਵਪਾਰ ਸਾਂਭਣ ਦੇ ਨਾਲ ਨਾਲ ਇੱਕ ਬੱਚੇ ਦੀ ਮਾਂ ਵੀ ਹੈ।
- 2017 ਵਿੱਚ ਅਮੀਰਾ ਔਰਤਾਂ ਦੀ ਸੂਚੀ 'ਚ ਪਹਿਲੇ ਨੰਬਰ 'ਤੇ ਰਹੀ ਗਾਇਕਾ ਸੇਲੇਨਾ ਗੋਮੇਜ਼ ਨੂੰ ਕਾਈਲੀ ਨੇ ਪਿੱਛੇ ਛੱਡ ਦਿੱਤਾ ਹੈ।
- ਜੈਨਰ ਦੀ ਸਫਲਤਾ ਪਿੱਛੇ ਉਸਦੀ ਮੇਕਅਪ ਲਾਈਨ ਯਾਨਿ ਕੌਸਮੈਟਿਕ ਦੇ ਵਪਾਰ ਦਾ ਪੂਰਾ ਸਹਿਯੋਗ ਹੈ। 2018 ਵਿੱਚ ਕਾਈਲੀ ਜੈਨਰ ਸੂਚੀ ਵਿੱਚ ਚੌਥੇ ਨੰਬਰ 'ਤੇ ਸੀ।
ਇਹ ਵੀ ਪੜ੍ਹੋ:
ਤਸਵੀਰ ਸਰੋਤ, Reuters
ਸੂਚੀ ਦਰਸਾਉਂਦੀ ਹੈ ਕਿ ਐਮੇਜ਼ਨ ਦੇ ਸੰਸਥਾਪਕ ਜੈਫ ਬੇਜ਼ੋਸ ਅਜੇ ਵੀ ਦੁਨੀਆਂ ਦੇ ਸਭ ਤੋਂ ਅਮੀਰ ਸ਼ਖ਼ਸ ਹਨ।
ਫੋਬਰਸ ਮੁਤਾਬਕ 2018 ਤੋਂ ਬਾਅਦ ਉਨ੍ਹਾਂ ਨੂੰ 19 ਬਿਲੀਅਨ ਡਾਲਰ ਦੀ ਕਮਾਈ ਹੋਈ।
ਫੇਸਬੁੱਕ ਦੇ ਸੰਸਥਾਪਕ ਮਾਰਕ ਜ਼ਕਰਬਰਗ ਦਾ ਗਰਾਫ਼ ਹੇਠਾਂ ਡਿੱਗਿਆ ਹੈ। ਫੋਰਬਸ ਸੂਚੀ ਮੁਤਾਬਕ ਪਿਛਲੇ ਸਾਲ ਵਿੱਚ ਉਨ੍ਹਾਂ ਦੀ ਕਮਾਈ ਦਾ ਅੰਕੜਾ 8.7 ਬਿਲੀਅਨ ਡਾਲਰ ਘਟਿਆ ਹੈ।
ਇਹ ਵੀ ਪੜ੍ਹੋ:
ਤਸਵੀਰ ਸਰੋਤ, Getty Images
ਪ੍ਰਾਇਵੇਸੀ ਸਕੈਂਡਲ ਕਾਰਨ ਫੇਸਬੁੱਕ ਕੰਪਨੀ ਦੇ ਸ਼ੇਅਰਾਂ ਦਾ ਇੱਕ ਤਿਹਾਈ ਹਿੱਸਾ ਘੱਟ ਹੋਇਆ ਹੈ।
ਐਮੇਜ਼ਨ ਦੇ ਸ਼ੇਅਰਾਂ ਦੀ ਕੀਮਤ ਵੀ ਚੰਗੀ ਹੈ। ਬਿਲ ਗੇਟਸ ਦੀ ਕਮਾਈ ਵਿੱਚ ਵੀ ਪਿਛਲੇ ਸਾਲ ਦੇ ਮੁਕਾਬਲੇ ਵਧੀ ਹੈ। ਪਿਛਲੇ ਸਾਲ ਇਹ ਆਮਦਨ 90 ਬਿਲੀਅਨ ਡਾਲਰ ਸੀ ਜਦਕਿ ਇਸ ਸਾਲ ਵਧ ਕੇ 96.5 ਬਿਲੀਅਨ ਡਾਲਰ ਹੋ ਗਈ।
ਇਹ ਵੀਡੀਓਜ਼ ਵੀ ਤੁਹਾਨੂੰ ਪਸੰਦ ਆਉਣਗੇ
ਇਸ ਲੇਖ ਵਿੱਚ Google YouTube ਤੋਂ ਮਿਲੀ ਸਮੱਗਰੀ ਸ਼ਾਮਲ ਹੈ। ਕੁਝ ਵੀ ਡਾਊਨਲੋਡ ਹੋਣ ਤੋਂ ਪਹਿਲਾਂ ਅਸੀਂ ਤੁਹਾਡੀ ਇਜਾਜ਼ਤ ਮੰਗਦੇ ਹਾਂ ਕਿਉਂਕਿ ਇਸ ਵਿੱਚ ਕੁਕੀਜ਼ ਅਤੇ ਦੂਜੀਆਂ ਤਕਨੀਕਾਂ ਦਾ ਇਸਤੇਮਾਲ ਕੀਤਾ ਹੋ ਸਕਦਾ ਹੈ। ਤੁਸੀਂ ਸਵੀਕਾਰ ਕਰਨ ਤੋਂ ਪਹਿਲਾਂ Google YouTube ਕੁਕੀ ਪਾਲਿਸੀ ਤੇ ਨੂੰ ਪੜ੍ਹਨਾ ਚਾਹੋਗੇ। ਇਸ ਸਮੱਗਰੀ ਨੂੰ ਦੇਖਣ ਲਈ ਇਜਾਜ਼ਤ ਦੇਵੋ ਤੇ ਜਾਰੀ ਰੱਖੋ ਨੂੰ ਚੁਣੋ।
End of YouTube post, 1
ਇਸ ਲੇਖ ਵਿੱਚ Google YouTube ਤੋਂ ਮਿਲੀ ਸਮੱਗਰੀ ਸ਼ਾਮਲ ਹੈ। ਕੁਝ ਵੀ ਡਾਊਨਲੋਡ ਹੋਣ ਤੋਂ ਪਹਿਲਾਂ ਅਸੀਂ ਤੁਹਾਡੀ ਇਜਾਜ਼ਤ ਮੰਗਦੇ ਹਾਂ ਕਿਉਂਕਿ ਇਸ ਵਿੱਚ ਕੁਕੀਜ਼ ਅਤੇ ਦੂਜੀਆਂ ਤਕਨੀਕਾਂ ਦਾ ਇਸਤੇਮਾਲ ਕੀਤਾ ਹੋ ਸਕਦਾ ਹੈ। ਤੁਸੀਂ ਸਵੀਕਾਰ ਕਰਨ ਤੋਂ ਪਹਿਲਾਂ Google YouTube ਕੁਕੀ ਪਾਲਿਸੀ ਤੇ ਨੂੰ ਪੜ੍ਹਨਾ ਚਾਹੋਗੇ। ਇਸ ਸਮੱਗਰੀ ਨੂੰ ਦੇਖਣ ਲਈ ਇਜਾਜ਼ਤ ਦੇਵੋ ਤੇ ਜਾਰੀ ਰੱਖੋ ਨੂੰ ਚੁਣੋ।
End of YouTube post, 2
