ਤਸਵੀਰਾਂ꞉ ਕੈਮਰੇ ਦੀ ਅੱਖ ਤੋਂ ਦੁਨੀਆਂ ਇਸ ਹਫ਼ਤੇ

ਮੁੰਬਈ ਵਿੱਚ ਪ੍ਰੀ ਮਾਨਸੂਨ ਦੀ ਫੁਹਾਰ ਨੇ ਨਾਗਰਿਕਾਂ ਲਈ ਜਿੱਥੇ ਖੁਸ਼ੀ ਲਿਆਂਦੀ ਉੱਥੇ ਮੁਸ਼ਕਿਲਾਂ ਵੀ ਖੜੀਆਂ ਕਰ ਦਿੱਤੀਆਂ।

ਭਾਰਤ ਦੇ ਸਭ ਤੋਂ ਵੱਡੇ ਸ਼ਹਿਰ ਵਿੱਚ ਹਵਾਈ ਆਵਾ-ਜਾਈ ਪ੍ਰਭਾਵਿਤ ਹੋਈ ਅਤੇ ਸੜਕੀ ਮੁਸਾਫਰਾਂ ਨੂੰ ਵੀ ਦਿੱਕਤਾਂ ਦਾ ਸਾਹਮਣਾ ਕਰਨਾ ਪਿਆ।

ਇੱਕ ਨਾਰਦਨ ਗੈਨਟ ਪੰਛੀ ਸਕਾਟਲੈਂਡ ਵਿੱਚ ਸਮੁੰਦਰੀ ਘਾਹ ਚੁੱਕੀ ਖੜ੍ਹਾ ਹੈ। ਆ ਰਹੀ ਪ੍ਰਜਨਣ ਰੁੱਤ ਕਰਕੇ ਹਜ਼ਾਰਾਂ ਸਮੁੰਦਰੀ ਪੰਛੀ ਆਹਲਣਿਆਂ ਲਈ ਸਮੱਗਰੀ ਇੱਕਠੀ ਕਰ ਰਹੇ ਹਨ।

ਇਹ ਸਮੁੰਦਰੀ ਬਗਲਿਆਂ ਦੀ ਦੁਨੀਆਂ ਵਿੱਚ ਸਭ ਤੋਂ ਵੱਡੀ ਬਸਤੀ ਹੈ।

ਗੁਆਟੇਮਾਲਾ ਵਿੱਚ ਜਵਾਲਾਮੁੱਖੀ ਦੇ ਫਟਣ ਤੋਂ ਬਾਅਦ ਦਾ ਦ੍ਰਿਸ਼। ਜਵਾਲਾਮੁੱਖੀ ਦੇ ਫਟਣ ਕਾਰਨ ਲਗਭਗ 17 ਲੱਖ ਲੋਕ ਪ੍ਰਭਾਵਿਤ ਹੋਏ ਹਨ ਅਤੇ ਦਰਜਨਾਂ ਲੋਕਾਂ ਨੇ ਜਾਨਾਂ ਗਵਾਈਆਂ ਹਨ।

ਸਰੀ ਰੇਸ ਕੋਰਸ ਵਿੱਚ ਮਹਾਰਾਣੀ ਐਲੀਜ਼ਾਬੇਥ ਨੇ ਬਰਤਾਨੀਆਂ ਦੇ ਐਪਸਮ ਡਰਬੀ ਵਿੱਚ ਸ਼ਿਰਕਤ ਕੀਤੀ।

ਮਹਾਰਾਣੀ ਨੇ ਆਪਣੇ ਸਮੁੱਚੇ ਰਾਜਕਾਲ ਦੌਰਾਨ ਘੋੜਿਆਂ ਦਾ ਪ੍ਰਜਨਣ ਕਰਵਾਇਆ ਹੈ ਅਤੇ ਇਸ ਸੰਬੰਧ ਵਿੱਚ ਉਹ ਆਪਣੀ ਮਹਾਰਤ ਲਈ ਜਾਣੇ ਜਾਂਦੇ ਹਨ।

ਅਮਰੀਕੀ ਕਾਰਕੁਨ ਸੈਂਟਾ ਟੈਰਿਸਾ ਅਤੇ ਨਿਊ ਮੈਕਸੀਕੋ ਅਤੇ ਚਿਉਹਾਹੁਆ ਵਿੱਚ ਇਜੀਡੋ ਸੈਨ ਜਿਰੋਨਿਮੋ ਅਮਰੀਕਾ-ਮੈਕਸੀਕੋ ਬਾਰਡਰ ਉੱਪਰ ਬਣਨ ਵਾਲੀ ਸਟੀਲ ਦੀ ਕੰਧ ਦਾ ਵਿਰੋਧ ਕਰ ਰਹੇ ਹਨ।

Skip ਸਭ ਤੋਂ ਵੱਧ ਪੜ੍ਹਿਆ ਗਿਆ and continue reading
ਸਭ ਤੋਂ ਵੱਧ ਪੜ੍ਹਿਆ ਗਿਆ

End of ਸਭ ਤੋਂ ਵੱਧ ਪੜ੍ਹਿਆ ਗਿਆ

ਸੋਊਜ਼ ਐਮਐਸ-09 ਸਪੇਸ ਕਰਾਫ਼ਟ, ਕਜ਼ਾਕਿਤਸਤਾਨ ਦੇ ਬਾਇਕੋਨੂਰ ਕੋਸਮੋਡਰੋਮ ਦੀ ਰਾਕਟ ਲਾਂਚ ਪੱਟੀ ਤੋਂ ਉਡਾਣ ਭਰਦਾ ਹੋਇਆ।

ਇਸ ਸਪੇਸ ਮਿਸ਼ਨ ਵਿੱਚ ਅਮਰੀਕਾ ਤੋਂ ਅਉਨੂਨ-ਚਾਂਸਲਰ, ਜਰਮਨੀ ਤੋਂ ਐਲਗਜ਼ੈਂਡਰ ਗਰੈਸਟ ਅਤੇ ਰੂਸ ਦੇ ਸਰਜੀ ਪਰੋਕੋਪੀਵ ਸ਼ਾਮਲ ਹਨ।

ਢਾਕਾ, ਬੰਗਲਾਦੇਸ਼ ਦੀ ਬੁੜ੍ਹੀਗੰਗਾ ਨਦੀ ਦੇ ਕਿਨਾਰੇ ਇੱਕ ਪਾਲਸਟਿਕ ਫੈਕਟਰੀ ਦੇ ਬਾਹਰ ਖੜ੍ਹੀ ਇੱਕ ਲੜਕੀ।

ਸੰਗੀਤਕਾਰ ਥੋਰੇਨ ਫੇਰਗੂਸਨ ਸਾਕਟਲੈਂਡ ਦੇ ਈਸਟ ਲੋਥਿਆਨ ਵਿਖੇ ਯੈਲੋਵਿਕਰਾਗਸ ਦੇ ਸਮੁੰਦਰ ਕਿਨਾਰੇ ਦਿ II ਮੇਰ ਵਾਇਲਿਨ ਵਜਾਉਂਦੇ ਹੋਏ। ਡਰਿਫਟਵੁੱਡ ਤੋਂ ਬਣਿਆ ਇਹ ਸਾਜ਼ ਵਿਸ਼ਵ ਮਹਾਂਸਾਗਰ ਦਿਵਸ (8 ਜੂਨ) ਤੋਂ ਪਹਿਲਾਂ ਜਾਰੀ ਕੀਤਾ ਗਿਆ ਹੈ।

ਸੈਂਟੀਗੋ, ਚਿਲੀ ਵਿੱਚ ਪ੍ਰਦਰਸ਼ਨਕਾਰੀਆਂ ਨੇ ਯੂਨੀਵਰਸਿਟੀਆਂ ਅਤੇ ਸਕੂਲਾਂ ਵਿਚਲੇ ਜਿਣਸੀ ਸ਼ੋਸ਼ਣ ਅਤੇ ਲਿੰਗਭੇਦ ਖਿਲਾਫ਼ ਮੁਜਾਹਰੇ ਕੀਤੇ।

ਅਜਿਹੇ ਹੀ ਇੱਕ ਮੁਜਾਹਰੇ ਦੌਰਾਨ ਵਿਖਾਵਾਕਾਰੀ ਪੁਲਿਸ ਦੀ ਕਾਰ ਨੂੰ ਨੱਚਦੇ ਹੋਏ ਘੇਰਾਂ ਪਾਉਂਦੀਆਂ ਹੋਈਆਂ।

ਅਮਰੀਕੀ ਹਵਾਈ ਫੌਜ ਦਾ ਲੜਾਕੂ ਜਹਾਜ਼ ਐਫ-16 ਐਸਟੋਨੀਆ ਉੱਪਰ ਕੀਤੀ ਗਈ ਇੱਕ ਹਵਾਈ ਮਸ਼ਕ ਦੌਰਾਨ ਤੇਲ ਭਰਾਉਂਦਾ ਹੋਇਆ।

ਸਾਡੇ ਤਸਵੀਰਾਂ ਵਾਲੇ ਹੋਰ ਫੀਚਰ ਜਿਨ੍ਹਾਂ ਵਿੱਚ ਤੁਹਾਨੂੰ ਦਿਲਚਸਪੀ ਹੋ ਸਕਦੀ ਹੈ꞉

(ਬੀਬੀਸੀ ਪੰਜਾਬੀ ਨਾਲ FACEBOOK, INSTAGRAM, TWITTERਅਤੇ YouTube 'ਤੇ ਜੁੜੋ।)