BBC News, پښتو - کور پاڼه

مهم خبرونه

که امریکا پر ایران برید وکړي، څه به کېږي؟ ۷ احتمالي حالتونه
د امریکا متحده ایالات د څو ورځو په ترڅ کې د ایران پر وړاندې برید ته چمتو ښکاري. که څه هم د احتمالي هدفونو اټکل کېدای شي، خو پایله یې معلومه نه ده. که له تهران سره په وروستۍ شېبه کې کوم جوړجاړی ونه شي او ولسمشر ډونلډ ټرمپ امریکايي ځواکونو ته پر ایران د برید امر وکړي، نو احتمالي پایلې څه کېدای شي؟
۵ ساعتونه وړاندې
د ۱۹ کلنو لوبډلو کرېکټ نړیوال جام: د افغانستان او ایرلنډ برخلیک ټاکونکې لوبه روانه ده
د کرېکټ له نوولس کنو کم‌عمره لوبډلو د ۲۰۲۶ کال یو ورځینو سیالیو د نړیوال جام شپږ غوره لوبډلو (سوپر ۶) پړاو کې د افغانستان او ایرلنډ ترمنځ برخلیک ټاکونکې لوبه روانه ده. ټاس د افغانستان لوبډلمشر محبوب خان ګټلی او لومړی یې د توپ وهنې پرېکړې کړې ده. دغه سیالي د زمبابوې د پلازمېنې هرارې په لوبغالي کې کېږي.
۲ ساعتونه وړاندې
د میلیاردونو ډالرو لمریزې پروژې د همالیا شپانه ولې اندېښمن کړي؟
هند د همالیا په سړه بېدیا او شخړمنه سیمه کې لوی پلانونه لري او غواړي د نړۍ تر ټولو لویه د لمریزې برېښنا پروژه تطبیق کړي. دا پلان د هند تر ولکې لاندې کشمیر د لداخ د چانګتانګ پر لوړو یوه مهم پړاو ته رسېدلی دی. په دې سیمه کې چانګرا یا پشمینې 'وژغونې' لرونکې وزې مېشتې دي، چې د دې سیمې مشهورې او نرمې پشمینې وړۍ "وژغونې" تولیدوي.
۲۳ دقیقې وړاندې
ټرمپ وايي، پوتین به د یخنۍ موسم کې یوه اونۍ د اوکرایین پر ښارونو بریدونه نه کوي
د امریکا ولسمشر ډونلډ ټرمپ وايي، د روسیې ولسمشر ولادیمیر پوتین منلې چې د ''سختې سړې هوا'' له امله به د یوې اوونۍ لپاره د اوکرایین پر پلازمېنه کیېف او نورو ښارونو او ښارګوټو بریدونه نه کوي. روسیې تر اوسه د داسې کومې هوکړې پخلی نه دی کړی، خو د اوکرایین ولسمشر ولودیمیر زېلینسکي د ټرمپ د دې اعلان هرکلی کړی او وايي، تمه لري روسیه به پر خپله ژمنه ولاړه پاتې شي.
۶ ساعتونه وړاندې
مشهور هندي سندرغاړی اریجیت سینګ ولې نور پلې بک سندرې نه وایي؟
۸ ساعتونه وړاندې

لنډې ویډیوګانې

په دې وسیله کې د غږ اوريدل او ویډیو لیدنه شونې نه ده.

ځانګړي مطالب

کابل کې د سرطاني ناروغیو د تشخیص او درملنې مرکز پرانیستل شو
د افغانستان پلازمېنه کابل کې د پنجشنبې په ورځ، د سرطاني ناروغیو د تشخیص او درملنې ملي روغتون پرانیستل شو، چې د روغتیا نړیوال سازمان او نورو سازمانونو په ګډون ګڼو بهرنیو روغتیايي او د طالبانو حکومت چارواکو ګډون کړی و. په جوړو شویو مراسمو کې د افغانستان لپاره د روغتیا نړیوال سازمان مشر ډاکټر اېډوېن سېنېزا سلوادور وویل، دا یو مهم پړاو دی چې په افغانستان کې د سرطان د درملنې لپاره د دوی د ګډې ژمنتیا څرګندونه کوي.
۹ سلواغه ۱۴۰۴ - ۲۹ جنوري ۲۰۲۶
اروپايي ټولنې د ایران سپاه پاسداران ځواک نوم د ترهګرو ډلو په نوملړ کې شامل کړ
اروپايي ټولنې د ایران د سپاه پاسداران انقلاب اسلامي ځواک 'ای ار جي سي' نوم د ترهګرو ډلو په نوملړ کې شامل کړی دی او په ایران کې د وروستیو احتجاجونو پر ضد د تهران له لوري د سخت زور کارول د دې لامل بلل شوی دی. د اروپايي ټولنې لوړپوړې دیپلوماتې کایا کالاس په دې هکله وویل چې دا پرېکړه به سپاه پاسداران ځواک، چې په ایران کې یو ستر پوځي، اقتصادي او سیاسي ځواک دی، د القاعده او داعش په څېر جهادي ډلو په کتار کې ودروي.
۹ ساعتونه وړاندې
مرموز مرخېړي چې خلک یې له خوړلو وروسته کوچني انسانان ویني
د چین د یوننان ولایت په یوه روغتون کې ډاکتران هر کال د خلکو ګڼې ګوڼې ته چې له یوه غیر معمولي شکایت سره ورځي، ځانونه چمتو کوي. دغه ناروغان له ډېرو عجیبو او حیرانوونکو نښو نښانو شکایت کوي. دوی وايي، ډېر کوچني ښاپېرۍ ډوله شکلونه ګوري، چې تر دروازو لاندې ورتېرېږي، پر دیوالونو پورته خېژي‌ او په فرنیچرو پورې راځوړندېږي.
۹ سلواغه ۱۴۰۴ - ۲۹ جنوري ۲۰۲۶
وسواس او مزاحمو فکرونو سره څه وکړو؟
کله داسې شوي چې په یوه ستړې کوونکې غونډه کې ناست یاست او په ذهن کې مو درګرځي: "که همدا اوس چېغې وکړم نو څه به وشي؟" یا موټر چلوئ او ناڅاپه فکر در ته پیدا شي: "که ټکر وکړم نو څه به وشي؟" دا ډول نا ارامه کوونکي خیالونه، مزاحم فکرونه ګڼل کېږي او ډېرو خلکو ته وخت ناوخته پیدا کېږي، خو ښه خبره دا ده چې تاسو دا فکرونه له پامه غورځولای شئ. خو د ځینو کسانو لپاره دا ډول فکرونه دومره ځورونکي وي، چې وسواس ورته پیدا کېږي او تکراري کارونو ته اړ کېږي.
۹ سلواغه ۱۴۰۴ - ۲۹ جنوري ۲۰۲۶
درس

افغانستان لپاره د بي‌بي‌سي ټلوېزیوني خپرونې

بي‌بي‌سي نیوز افغانستان چې د سپوږمکۍ (سټلایټ) له لارې خپرېږي، د افغانستان، سیمې او نړۍ پر سیاست، اقتصاد، کلتور، لوبو او ټولنیزو چارو پام ساتي. دا خپرونې پر پښتو او دري ژبو خپرېږي .

د ټلویزیوني خپرونو لیدلو لپاره دا تڼۍ کېکاږئ