Igbo Entrepreneurs: Ụmụafọ Igbo iri bụ 'entrepreneur' kajara akaja
Ebe foto si, Chicasson/Emzor/Innoson
Dịka a na-ekwu na ndị Igbo bụ ndị e ji ịzụ ahịa wee mara, lee ụfọdụ ndị Igbo ma nke ha riri gbasara iji ego achụ ego nakwa ikepụta ọrụ n'ala Naịjirịa.
Ịgba mbọ abụghị ihe na-atụ ndị Igbo ụjọ, mana e nwere ndị aha ha ka nke ndị ọzọ ada ụda, na ndị kpatarala akụ na-enye ndị ọzọ ohere ịkpata akụ nke ha.
Ndị a bụ ndị bekee na-akpọ 'Industrialists'.
1) Innoson Group - Innocent Ifediaso Chukwuma
Ebe foto si, Getty Images
Chukwuma bụ onyeisi ụlọọrụ Innoson Group.
Chukwuma bụ onye Ụmụdim nke dị na Nnewi, Anambara steeti.
O bidoro iji aha Innoson Group azụ ahịa n'afọ 1981.
Ihe Innoson Group na-emepụta gụnyere:
Ebe foto si, @innosonvehicles
- Ọgbatumtum na akụrụngwa ya
- Keke na akụrụngwa ya
- Ngwa ụlo na Plastiki
- Ihe e ji echekwa ndụ
- Akụrụngwa latrik
- Ụgbọala dị iche iche na akụrụngwa ha
2) IBETO Group - Cletus M. Ibeto
Mazi Cletus Madubugwu Ibeto bụkwa nwaafọ Nnewi nke dị n'Anambara steeti a ma ama dịka oji ego achụ ego.
A mụrụ ya n'afọ 1952.
O bidoro dịka ọkwọụgbọala na onye na-arụzi ụgbọala.
Ibeto gbaara Lawrence Amazu nke nwe 'Chidiebere Transport Company' odibo tupu o bidozie nke ya.
Ihe IBETO na-eme gụnyere:
- Sịmentị e ji arụ ụlọ
- Akụrụngwa ụgbọala
- Mgbere ụlo obibi na ala (Real Estate)
- Ahịa mmanụ ụgbọala, dgz
3) Chicason Group - Alexander Chika Okafor
Ebe foto si, Chief Dr. Alex Chika Okafor/Facebook
Alexander Chika Okafor bụ onyeisi ụloorụ Chicason Group nke dị na Nnewi, Anambra steeti.
Ọ bụ onye Ụmụdim, Nnewi, Anambara steeti.
Ọ bụ n'afọ 1981 ka o bidoro ịzụ ahịa.
Ihe ChicasonGroup na-eme gụnyere:
- Ahịa mmanụ ụgbọala
- Ahịa ala na ụlọ obibi
- Igwuputa akụ ọnatarachi
- Ụlọọrụ na-emepụta mmanụ e ji esi nri
- Ụlọọrụ na-arụpụta ncha
- Plastiki na akụrụngwa ụgbọala
- Ụlọọgwụ
- Okpu mgbochi (helmet)
- Ụgbọala na-ebu kọntena
4) Erisco Foods Limited - Mazi Eric Umeofia
Ebe foto si, @IsaacFAdewole/Twitter
Umeofia bụ onyeisi 'Erisco Foods Limited'.
Ọ bụ onye Amichi nke dị n'okpuruọchịchị Nnewi Saụt, Anambara steeti.
O bidoro ịzụ ahịa akụrụngwa ụgbọala n'afọ 1983 na Sokoto.
Umeofia bụ onye ọ na-amasị inyere ndị mmadu aka.
Ihe Erisco Foods Limited na-eme
Ihe e jiri mara ụlọọrụ Erisco bụ:
- Osikapa
- Nnu
- Tomato agbara na mkpọ
- Ọtọ bịrịbịrị (Sugar)
- Chọkọleti
- Mmiri ara ehi
- Ngwa nri, dgz
5) Coscharis Group - Cosmas Maduka
Onyeisi ndị ụloọrụ Coscharis Group bụ Cosmas Maduka bụ nwaafọ Nnewi nke dị n'Anambara steeti.
A mụrụ ya n'afọ 1958 n'obodo Jọs dị na Platu steeti.
O bịdoro ịzụ ahịa mgbe ọ dị afọ iri na asaa.
Ọ bụ n'afọ 1977 ka o bidoro ụloọrụ Coscharis site n'ire akụrụngwa ụgbọala.
Ihe Coscharis Group na-eme
- Ha na-ere ma na arụziri ndị omee ụgbọala 'BMW', 'Ford', 'MINI', 'RollsRoyce', 'Jaguar', 'Land Rover', dgz ụgbọala ha na Naịjiria.
- Akụrụngwa Teknụzụ
- Ngwa nri nke gụnyere mmiri, osikapa na mmiri ara ehi
- Akụrụngwa ndị ụloọgwụ ji arụ ọrụ
- Orụ ugbo dị iche iche
6) Airpeace - Allen Onyema
Ebe foto si, Airpeace
Mazi Allen Onyema bụ ọnye obodo Mbọsị nke Ihiala dị n'Anambara Steeti.
A mụrụ ya n'afọ 1964 na Bini dị n'Edo steeti.
Ọ bụ onye ọkaiwu tupu ọ malite ụlọọrụ 'Air Peace' n'afọ 2013.
Ihe Airpeace na-eme
Airpeace bụ ụlọọrụ njem ụgbọelu.
7) Kotec Group of Companies - Chika Emenike
A mụrụ Chika Emenike onye bụ onyeisi 'Kotec Group' na 'Tummy Tummy noodles' n'afọ 1969 n'Amanatọ Ụzụakọlị dị n'Uruala, Ideatọ nke Imo steeti.
Ọ bụ site n'ire akụrụngwa ọgbatumtum ka o si bido ịzụ ahịa ndị ọzọ.
Ihe Kotec na TummyTummy na-eme
- Akụrụngwa e ji arụzi ọgbatumtum
- Akụrụngwa e ji arụzi ụgbọala
- Ihe e ji achọ ụlọ mma
- Ihe oriri a na-akpọ 'Noodles'
- Mmiri ọṅụṅụ
8) Loius Carter - Louis Onwugbenu
Mazị louis Onwugbenu bụ onyeisi ụlọọrụ Louis Carter bụ nwaafọ Uruagụ Nnewi, Anambara steeti.
A mụrụ ya n'afọ 1953.
Ihe Louis Carter Group na-eme
- Akụrụngwa ụgbọala ọkachasị 'Brake Pad'
- Ihe oriri
- Mmiri ọṅụṅụ
- Ọgbatumtum
- Akwụkwọ ụtaba
9) Orange Group - Mazi Tony Ifeanyichukwu Ezenna
Mazi Tony Ifeanyichukwu Ezenna bụ onye Akọkwa nke Ideato, Imo steeti.
A mụru ya n'afọ 1957.
O bụ n'afọ 1988 ka 'Orange Drugs' bidoro ọrụ.
Ihe Orange Group na-eme
- Ha na-emepụta ma na-ere ọgwụ dị iche iche maka ahuike
- Ncha eji asa ahụ
10) Emzor Pharmaceuticals - Stella Chinyelu Okoli
Ebe foto si, Facebook/Stella Okoli
Stella Okoli bụ onye Nnewi dị n'Anambara steeti.
O so na ndị isi a hụrụ kwaba okpu n'ihe gbasara ahụike na Naịjirịa.
A mụrụ ya n'ụbọchị 30 nke ọnwa Julaị nke afọ 1944.
Ọ bụ n'afọ 1977 ka ọ malitere Emzor Pharmaceuticals dịka kemist.
Ihe Emzor Pharmaceuticals na-emepụta:
- Ụlọọrụ ya na-emepụta ọgwụ ndị mmadụ na-eji achụ ọrịa dị iche iche.
Ndị a edepụtara ebe a abụghị naanị ndị oji ego achụ ego e nwere n'ala Igbo.
E nwekwara ndị ọzọ dịka Leo Stan Ekeh nwere Zinox Kọmputa nakwa Konga.com, dgz.
Zitere anyị ndị ọ dị gị ka aha ha e kwesịrị ịdị ebe a.
