Itoophiyaan 'CHAN bara 2020 keessummeessuuf qophii miti'

Daataa qusachuuf barreeffama qofa dubbisi
Dorgommi bara 2018 Morokoo tue kan injifate

Madda suuraa, Getty Images

Ibsa waa'ee suuraa, Dorgommi bara 2018 Morokoo tue kan injifate

Federeeshinii Kubbaa Miilaa Itoophiyaa biyyattiin dorgommii kubbaa miilaa Chaampiyoonshiippii Biyyoota Afrikaa (CHAN) bara 2020 keessummeessuuf qophii ta'uu ishii shakkii akka qaban himan.

Pireezidantiin Federeeshinii Kubbaa Miilaa Itoophiyaa Obbo Isaayyaas Jiraa qophiin biyyattii boodatti harkifateera jedhan.

"Istaadiyeemonni qophii miti, ammoo bara dhufu bara filannoon biyyaalessaa gaggeefamu waan ta'eef tapha kana keessummeessuun nutti cima" jechuun BBC Sport'tti himaniiru.

"Akka pireezidantiitti yaaddoon qaba, keessummeessuuf fedha qabaanullee qophii barbaachisuu yeroo xumuruu danda'uu keenya nan shakka."

Obbo Isaayyaas jira bara darbe erga CAF Itoophiyaan tapha kana akka keessummeesitu murteessee booda gara aangootti dhufan.

Gareen CAF haala qophii biyyattii xiinxalu baatii tokko dura gara Itoophiyaa dhufee ture kan jedhan Obbo Isaayyaas, bu'aa xiinxala isaanii gadi hin dhiisne jedhu.

Dorgommiin CHAN kan taphattoonni biyya keessatti taphatan qofti irratti morkatani.

Presentational grey line
Ibsa waa'ee viidiyoo, Isaayyaas Jiraa: 'Federeeshiniin Kubbaa Miilaa Itoophiyaa qulqullaa'uu qaba'