Magun (thunderbolt): Wo oríṣì mágùn mẹ́sàn-án tí wọ́n n lé sí ara obìnrin nílẹ̀ Yorùbá
Oríṣun àwòrán, Getty Images
Ọjọ diẹ sẹyin ni iroyin jade pe babalawo kan ku lasiko to n ni ibalopọ pẹlu iyawo pasitọ kan nipinlẹ Ekiti.
Bo tilẹ jẹ pe iwadii ko ti sọ nkan to pa babalawo naa, Fadayomi Kehinde 'Ejiogbe', awọn eeyan kan gbagbọ pe Magun lo pa a, ni ile itura kan niluu Ikere-Ekiti.
Igbagbọ yii kan naa la gbọ pe o mu ki awọn akẹẹgbẹ ati awọn ọdọ kan, lọ fi ibinu kọlu ṣọọṣi pasitọ to jẹ ọkọ obinrin naa.
- ‘Pussypedia’ rèé, ojú òpó tó ń mú àdínkù bá ìṣòro ìmọ̀ nípa ẹ̀yà ara obìnrin
- Ṣé ǹkan ọmọkùnrín rẹ ò ní padà kéré báyìí? Wo tuntun tí onímọ̀ Sáyẹ̀nsì gbéjáde
- Kí làwọn nǹkan tó lè rán ọkùnrin sí ọ̀run alákeji lásìkò ìbálòpọ̀ pẹ̀lú obìnrin?
- Wò ó ọ̀nà láti mú ara rẹ dé ibi tó ga jùlọ nínú ìbálòpọ̀ pẹ̀lú ìlànà Tantra
Iru awọn iroyin bayii ti n jade tipẹ, eyi lo mu ki BBC ba babalawo kan sọrọ lasiko diẹ sẹyin, lati tan imọlẹ si ọrọ Magun nilẹ Yoruba.
Ninu ọrọ to ba BBC News Yoruba, Babalawo Idowu Olukunle, Akoda Awo ṣalaye pe, lati igba iwaṣẹ ni Magun ti wa, ti awọn agba fi n ṣe iṣọra fun awon iyawo wọn, paapaa julọ, ti wọn ba ti n fura pe iru obinrin bẹẹ n rin awọn irin ti ko tọna.
O fi kun un pe, ẹya gbogbo lo ni agbara ti Eleduwa fun un; lara agbara ti Eleduwa si fun ilẹ Yoruba ni Magun, ma debẹ si lẹrọ rẹ.
Agba awo naa ni ohun to dara ju ni ki awọn eeyan maa duro ti nnkan won, ki wọn maa si ṣe ojukokoro si obinrin olobinrin.
Akoda awo ṣalaye siwaju sii pe, bi ọkunrin ba ni iyawo to si ṣakiyesi pe awọn ọkunrin miran ko jẹ ko sinmi, yoo wa nnkan to ba mọ lati fi ṣọ iyawo rẹ.
Baba Awo Idowu Olukunle ni orisirisi magun pọ pupọ, ko si lopin, ohun ti wọn ba fi se, si ni yoo sọ nipa eewọ rẹ, amọ diẹ lara orisi Magun to mẹnuba ree:
Magun onilẹpọ:
Eyi ni irufẹ Magun ti yoo mu ki ọkunrin ati obinrin lẹpọ bi wọn ba ti n ṣe ere ifẹ, ti wọn ko si ni lee ya.
Irufẹ Magun yii lo saba n fara han lori ayelujara lode oni.
Magun ma mu omi:
Iru Magun yii ni yoo ma mu ki ọkunrin to ba lu maa pongbẹ fun omi, ni kete ti o ba ti ba obinrin ti wọn ba le ni magun ni aṣepọ.
N ṣe ni ọkunrin bẹẹ yoo maa pongbẹ omi, koda bi wọn gbe odindi odo fun un pe ko mu, ko ni tan oungbẹ naa.
Omi yii ni yoo si mu, titi ti yoo fi gba ọrun alakeji lọ.
- Ẹ máa ṣe àmín bí Adewale Alebiosu, àgbà òṣèré tíátà, ṣe ń gbàdúrà ọdún túntún fún yín
- Àánú táwọn èèyàn yóò fi máa sọ wí pé ọ̀nà wo lo gbà ni yóò wọlé fún ọ ní ọdún 2023
- Kò sí ìsinmi, ọjoojúmọ́ là ń ṣiṣẹ́ láti àárọ̀ títí di alẹ́ – Àwọn tó ń ṣiṣẹ́ ọmọ-ọ̀dọ̀ ní Qatar ké gbajarè!
- Ẹ wo àwòrán bí àwọn ènìyàn ṣe yọ̀ wẹ́rẹ́ tí wọ́n wọ inú ọdún tuntun 2023
- Wo àwọn ìṣẹ̀lẹ̀ gbankọgbì tó wáyé lọ́dún 2022
Magun Olokiti:
Bi ọkunrin ba ti lu Magun yii lara obinrin, ọna bi yoo ṣe takiti ni yoo maa wa, bi o ba si ti le e takiti bayii, ọrun laalaa ni.
Magun alakukọ:
Bi eeyan ba ti lee lu iru magun yii lara obinrin, yoo maa gun un tabi ṣe e bii ko kọ bi akukọ ni.
Ni kete ti o ba si ti lee kọ fun igba mẹta, ẹlẹkọ ọrun yoo polowo fun un ni.
Magun Ẹlẹyin:
Bi ọkunrin ba lu Magun yii, yoo maa wa ẹyin kiri ni, to ba si ti rii ni yoo jade laye.
Magun Majẹla:
Ọkunrin to ba ba obinrin ti wọn ba le iru Magun yii si lara, ko gbọdọ jẹ ila, ni kete to ba ti le fi ẹnu kan ila, ọrun laala niyẹn.
Baba awo fi kun un pe ohun ti wọn ba le fi pilẹ Magun bẹẹ, ni yoo maa wu ọkunrin bẹẹ lati jẹ tabi se.
Magun Mafogọta:
Gọta ni yoo ma wu ọkunrin to ba lu Magun yii lati fo, ni kete ti o ba si ti fo o bayii, yoo jade laye ni.
Magun Majẹkengbe:
Bi ọkunrin to ba lu iru Magun yii ba ti jẹ kengbe, iyẹn akara ti wọn fi epo din, ọrun laala.
Magun Majẹ-ibẹpẹ:
Ọkunrin to ba ba obinrin ti wọn ba le iru Magun yii si lara laṣepọ, yoo maa pongbẹ lati jẹ ibẹpẹ ni. Ni kete to ba si n ti fi ẹnu kan an, ọrun laala o.
Akoda awo wa rọ awọn ọkunrin lati jinna si ṣina, ki wọn tọju obinrin wọn nitori ohun to ba wu ọkọ iyawo lo lee fi sọ iyawo rẹ.
