Kwara brutal Flogging: Bàbá ọ̀kan lára akẹ́kọ̀ọ́ ilé Keu ní òun lọ́wọ́ sí ìjìyà àlùbami
Oríṣun àwòrán, Screenshot/facebook/fresh insight tv
Baba ọkan ninu awọn akẹkọọ ile Keu ti wọn lu bi ẹran nilu Ilorin ti sọrọ pe oun lo fun awọn alaṣẹ ile Keu naa lati lu ọmọ oun bẹẹ.
Ọjọ Satide ni fidio kan jade si ori ayelujara, eyi to ṣafihan mẹrin lara awọn ọmọkunrin ile Keu naa, Misbaudeen Al Islamiy Arabic school, to wa ni agbegbe Ganmo, nijọba ibilẹ Ifelodun, nipinlẹ Kwara, to n lu awọn akẹẹgbẹ wọn mii ni ẹyọkọọkan.
Ninu fidio naa lati ri i pe awọn akẹkọọ ti wọn n lu, n kunlẹ ni ẹyọ kọọkan, ti akẹkọọ mẹrin mii to jẹ ọkunrin si n fi ẹgba lu wọn.
Àwọn iròyin tì ẹ leè ní ìfẹ̀ síí:
- Ìjọba ìpínlẹ̀ Kwara dá ọ̀gá ilé Keu tí wọ́n ti lu àwọn akẹ́kọ̀ọ́ bí i bàrà dúró
- Agbẹjọ́rò wọ́ ìjọba lọ sílé ẹjọ́ pé kó yọ kéú kúrò lára owó Náírà
- Buhari, ìwé òfin 1999 ni ìparun Naijiria, tètè fà á ya - Tunde Bakare
- Gómìnà Yoruba, ẹ dúró lé ìjọba àpapọ̀ lọ́rùn pé kó fi Sunday Igboho sílẹ̀ - Gani Adams
- Ìjọba ìpínlẹ̀ Kwara dá ọ̀gá ilé Keu tí wọ́n ti lu àwọn akẹ́kọ̀ọ́ bí i bàrà dúró
- Ìdí rèé tí mo fi gbà kí ọkọ mi má a ní ìbálòpọ̀ pẹ̀lú ìyá àti àbúrò mi
- Ohun tí ojú mi rí rèé lọ́wọ́ àwọn amojúẹ̀rọ lásíkò yíya sinimá - Adunni Ade
- "Ó ṣeéṣe ká ta gáàsì 12.5kg ní ₦10,000 kó tó di December ọdún yìí"
- Wo ìtàn ayé Sunday Igboho, gbajúmọ̀ ajìjàgbara fún ilẹ̀ Yorùbá
- Ìgbagbọ́ mi nínú Nàíjíríà kò yinjẹ, ìrètí mi nípa ọjọ́ ọ́la wa sì le koko - Obasanjo
- N kò lẹ́bọ lẹ́rù lórí ilé Tinubu ní London tí ìwé Pandora gbé jáde pé mo ba rà á - Oyetola
Bakan naa ni ohùn awọn olukọ n jade ninu fidio naa pe, "ẹ lu daadaa. Ẹ ma a ṣaanu ẹ".
Ẹsun ti wọn fi kan awọn akẹkọọ naa ni pe wọn lọ si ile itura kan lati sẹ ayẹyẹ ọjọ ibi akẹẹgbẹ wọn kan, ti oun naa jẹ akẹkọọ ile Keu naa.
Wọn lu ọmọbinrin naa titi Hijab to wọ fi jabọ.
Bakan naa ni wọn ṣe lu awọn akẹkọọkunrin naa, debi i pe ọkan lara wọn ṣubu, to dojubolẹ ki wọn o to o fi silẹ.
O kere tan, ẹgba to to aadọta lo bọ si ara ẹni kọọkan wọn.
Yunus Olanrewaju to jẹ baba ọmọbinrin to wa lara awọn ti wọn na, sọ fun BBC pe, o ti le ni ogun ọdun ti oun ti mọ ile Keu naa, ọmọ oun mẹjọ lo si ti kọ Keu yege nibẹ.
O ṣalaye pe oun ni o n fun ile Keu ni aṣẹ lati fi gbogbo iya to ba yẹ jẹ ọmọbinrin naa, lẹyin to ri i ninu fidio kan pẹlu awọn ọmọkunrin ti wọn n mu ọti nibi ariya kan.
O ni ọmọ oun ọkunrin to n gbe nilu Eko lo fi fidio to ṣafihan ọmọ oun obinrin laarin awọn ọmọkunrin, ti wọn n mu ọti nile itura, ransṣẹ si oun.
"Mo fi ọrọ naa to awọn alaṣẹ ile Keu naa leti, mo si sọ fun wọn lati fi iya to tọ jẹ ẹ. Koda, mo sọ fun wọn pe mo gbọdọ wa nibi ti wọn ba ti n ba a wi."
Awọn alaṣẹ ile Keu naa sọ pe awọn ba wọn wi gẹgẹ bi ilana to wa ninu Kuraani, ati aṣẹ awọn obi wọn.
Ṣugbọn ṣa, ijọba ipinlẹ Kwara ti da ọga ile Keu naa duro, awọn akẹkọọ naa si ti n gba itọju nileewosan.
