Hajj 2021: Nkan kò rí bí ti tẹ́lẹ̀ ní Hajj ọdún 2021 ní Saudi
Oríṣun àwòrán, AFP
Awọn arinrinajo ti n de si ilẹ mimọ Mecca ti fun eto Hajj ọdun 2021.
Irinajo mimọ Hajj keji re e to waye lati igba ti Covid-19 ti bẹrẹ, botilẹ jẹ pe awọn to kopa lọdun yii ju ti ọdun 2020 lọ.
Àwọn iròyin tì ẹ leè ní ìfẹ̀ síí:
- Mo tún ibojì Funmi Martins ṣe torí ojú ń tì mí nípa ipò ìtìjú tó wà - Ashabi Olorisha
- Àwọn egungun ẹ̀yìn mi lágbo tíátà ní Adebimpe Oyebade fi ọ̀nà ẹ̀bùrú gbà mọ́ mi lọ́wọ́ - Yomi Fabiyi
- Ọmọ Elebuibon tó jẹ́ òṣèré tíátà àti ìyá awo figbe ta lórí ìdẹ́yẹsí tó ń kojú - Oyin Elebuibon
- Ẹ̀yin aṣọ́bodè, ẹ yé ta ẹ̀jẹ̀ wa sílẹ̀ mọ́, agbègbè wa kìí ṣe ibùdó ogun - Olu ti Igboora
- À kò ní le è máa káwọ́ gbera mọ́ nípa àwọn ìkọlù ìgbà gbogbo nílẹ̀ Yorùbá- Gani Adams
- Inú mi dún, mo sì dúpẹ́ lọ́wọ́ àwọn ọmọ Nàìjíríà fún nǹkan ti mo da- Mary Daniel
- Ẹ wo bí àwọn ajínígbé ṣe gbé ọmọ ọdún 12 sí inú pósí láàyè
- Àwọn aṣọ́bodè ní fàyàwọ́ làwọn lé wọ Igboọra, kìí ṣe agbébọn Fulani
- Ìpínlẹ̀ Eko fi oṣù mẹ́ta kún ìjọ̀kó àwọn tó ń gbẹ́sùn ìṣekúpani lásìkò ìwóde EndSARS
Ẹgbẹrun lọna ọgọta ọmọ orilẹ-ede Saudi Arabia to ti gba abẹrẹ ajẹsara Covid-19 wọn pe nikan si ni wọn fi aaye gba lati kopa ninu eto Hajj, ninu eeyan ẹgbẹrun lọna ọtalelẹẹdẹgbẹta din mẹwaa eeyan to forukọ silẹ lati kopa lorilẹ-ede naa.
Oríṣun àwòrán, Reuters
Ṣaaju ibujade aarun Covid-19, eeyan to le ni miliọnu meji lati awọn orilẹ-ede agbaye lo ma n kopa ninu irinajo Hajj lọdọọdun.
Awọn ti yoo kopa ti gbọdọ gba abẹrẹ lẹẹmeji, ọjọ ori wọn si gbọdọ wa laarin ọdun mejidinlogun si marundinlaadọrin, ti ko ni aisan nla kankan lara.
Diẹ lara awọn aworan re e lati ọdọ awọn to ti de ilẹ Mimo fun Hajj ọdun 2021, nibi ti wọn ti n duro de ọkọ ti yoo gbe wọn lọ si mọṣalaasi nla ilu Mecca.
Oríṣun àwòrán, Reuters
Awọn alaṣẹ to n mojuto irinajo mimọ naa sọ pe gbogbo eto aabo ilera ni awọn ṣamulo lọdun yii.
Wọn ni, wakati mẹta-mẹta ni eeyan ẹgbẹrun mẹfa n wọle si ilẹ mimọ lati ṣe eto adura tawaf.
Oríṣun àwòrán, AFP
Agbẹnusọ ileeṣẹ naa, Hisham al-Saeed sọ fun ileeṣẹ iroyin AFP pe ti abala eeyan kọọkan to wọle ba ṣe n jade, ni awọn n fin oogun apakokoro sinu ile mimọ naa, ki awọn miran to wọle.
Oríṣun àwòrán, Reuters
Ẹgbẹrun lọna ẹẹdẹgbẹta eeyan ni Covid-19 ti mu ni Saudi Arabia, o si ṣeku pa eeyan ẹgbẹrun mẹjọ.
Oríṣun àwòrán, AFP
