ASUP Strike: Bí ìjọba kò bá dáwa lóhùn, a ṣetán láti fi kún ìyanṣẹ́lódì - Ezeibe
Oríṣun àwòrán, Screenshot
Ẹgbẹ́ àwọn olùkọ̀ ilé ẹ̀kọ́ gbogbonìṣe Poly ti ní ó ṣeéṣe kí àwọn fi ọjọ́ kún ìyanṣẹ́lódì oníkìlọ̀ ọ̀sẹ̀ méjì èyí tí àwọn gùnlé tí ìjọba bá kọ̀ láti ṣe gbogbo ohun tí àwọn ń bèèrè fún.
Ààrẹ ASUP, Anderson Ezeibe ní nǹkan méjì péré nínú márùn-ún tí ẹgbẹ́ àwọn ń bèrè lọ́wọ́ ìjọba ni wọ́n ṣẹ̀ṣẹ̀ ṣe.
Ezeibe ní ohun tí ìjọba ṣe ni sísan àjẹ́lẹ̀ owó oṣù tuntun tó kéré jùlọ fún àwọn olùkọ́ àti fífún àwọn ní ohun èlò fún ìbuwọ́lù àwọn ètò ìkẹ́kọ̀ọ́ láti wà ní ìbámu pẹ̀lú ètò ẹ̀kọ́ ní àgbáyé.
- Irọ ni pé ẹ̀jẹ̀ ń dà nínú Timothy Adegoke- Ẹlẹ́rìí Adegoke
- Òní ni ìgbẹ́jọ́ lórí ikú Timothy Adegoke ń tẹ̀síwájú nílùú Osogbo
- Inú ọ̀sẹ̀ yìí ló yẹ kí ìyàwó mi bímọ kí wọ́n tó dá ẹ̀mí rẹ̀ légbodò - àlàyé rèé lẹ́nu ọkọ aláboyún tí àwọn agbébọn ṣekúpa ní Anambra
- MC Oluomo, òpin ti débá gbígba owó orí lọ́wọ́ àwọn awakọ̀ ní Eko - Iléẹjọ́
- Wọ́n lẹ̀dí àpòpọ̀ mọ́ mi ni mo ṣe fìdí rẹmi níbi ètò ìdìbò abẹ́nú – Dino Melaye
- Lẹ́yìn idojúkọ ASUU, LAUTECH kéde pé kí àwọn akẹ́kọ̀ọ́ wọlé wa parí sáà ètò ẹ̀kọ́ tó bẹ̀rẹ̀ tẹ́lẹ̀
Ó ní àwọn ohun tí àwọn ń fẹ́ gangan, tó jẹ́ àwọn lógún ni kí ìjọba fún àwọn ní bílíọ̀nù mẹ́ẹ̀dógún náírà tí Ààrẹ Muhammadu Buhari buwọ́lù ní ọdún tó kọjà.
Bákan náà ló ní ìjọba kò ì tíì fèsì sí igbe ẹgbẹ́ náà lórí ìfìyàjẹ́ni èyí tí àjọ tó ń rí sí àkósoàti ìmọ̀ ẹ̀rọ (Institute of Management aand Technology), Enugu fi ń jẹ àwọn.
Ezeibe wìye wí pé kò sí ohun tí ìjọba kò le ṣe nínú gbogbo ìbéèrè àwọn àmọ́ tí wọ́n bá kọ̀ láti ṣe àmúṣẹ àwọn ìbéèrè wọ́nyìí, àwọn ti ṣetán láti fi kún ìyanṣẹ́lódì àwọn.
"Nínú oṣù kẹfà ni ìpàdé gbogbogboò àwọn aláṣẹ wa, tí a bá pàdé, a ó fẹnukò lórí ìgbésẹ̀ mìíràn tí a máa gbé."
Bí ẹgbẹ́ àwọn olùkọ́ ilé ẹ̀kọ́ gbogbonìṣe ṣe ń yan iṣẹ́ lódì náà ni ASUU náà ti gùnlé ìyanṣẹ́lódì láti inú oṣù kejì ọdún 2022.
Èyí sì ti mú kí ètò ẹ̀kọ́ gbogbo dẹnu kọlẹ̀ ní àwọn ilé ẹ̀kọ́ gíga.
Bákan náà ni àwọn akẹ́kọ̀ọ́ náà ti ń ṣe ìwọ́de láti fi èhónú wọn hàn lórí bí ìfaǹfà tó ń wáyé láàárín ìjọba ASUU àti ASUP ṣe ń ṣe àkóbá fún wọn.
- EFCC ṣàlàyé ìdí tó fi fípa wọ́lé mú Rochas Okorocha lẹ́yìn tí wọ́n rọ̀jò ìbọn nílé rẹ̀ l'Abuja
- Wo nkan tó yẹ kí o mọ̀ nípa 'BBC Yoruba Ekiti Governorship Debate' tí yóò wáyé lọ̀sẹ̀ yìí
- Gbajúmọ̀ Olórin Banky W ti rí tíkẹ̀ẹ̀tì ẹgbẹ́ òṣèlú PDP gbà láti díje dupò aṣòfin
- Afurasí 4,000 la fi ṣìkùn òfin mú láàrín ọṣù márùn ún- Amotekun Ondo
- Kò sí ààyè fawọn ọdaràn tó ń ṣiṣẹ́ ibi mọ́ ní ìpínlẹ̀ Anambra- Gómìnà Soludo
