EndSARS report: Buhari ti sọ̀rọ̀ sókè lórí àbájáde ìwádìí EndSARS, Ó ní ohun táwọn ìpínlẹ̀ bá mú bọ̀ lòun ń retí
Oríṣun àwòrán, Nigeria presidency
Aarẹ Muhammadu Buhari ti sọrọ lori abajade iwadii EndSARS pẹlu idaniloju pe ijọba apapọ yoo faye silẹ lati tẹle awọn ilana gbogbo to yẹ.
O ni oun yoo duro de awọn esi to ba jade lawọn igbimọ oluwadii gbogbo ti awọn ijọba ipinlẹ kọọkan gbe kalẹ lati tanna wadii awọn iwa aṣemaṣe awọn ọlọpaa lorilẹede Naijiria.
Aarẹ Buhari sọ eleyi di mimọ nigba to n gba alejo akọwe fọrọ ilẹ okeere lorilẹede Amẹrika Antony Blinken nilu Abuja.
- Àwọn alamí ìjọba kan ti wà láàrín àwa ajìjàgbara Yoruba Nation tó ń bínú pé Sunday Igboho ti ga ju àwọn lọ - Akintoye
- Àṣẹ̀yìnwá àṣẹ̀yìnbọ̀, Ijọba Eko sọrọ lórí àbọ̀ ìgbìmọ̀ igbẹjọ́ lórí #EndSARS
- 'Ó ṣeéṣe kí ẹ̀dà ìwé àbájáde ìwádìí ìgbìmọ̀ EndSARS tó lu sórí ayúlujára yàtọ̀ sí èyí t'íjọba yóò gbé jáde'
- 'Irọ́ ńlá lẹ pa, Lai Mohammed ò kó ọ̀rọ̀ rẹ̀ jẹ lórí ìṣẹ̀lẹ̀ Lekki Toll Gate'
- Ọnà ayédèrú ní wọn gbà gbé àbájáde ìwádìí Endsars tàwọn èèyàn n sọ̀rọ̀ nípa rẹ̀ jáde - Ọgágun Irabor
Aarẹ ṣalaye pe ijọba apapọ ko lee fi aṣẹ tirẹ lelẹ lori awọn ọrọ naa nigba to jẹ pe awọn ipinlẹ ti gbe igbimọ kalẹ ti wọn si ti fun awọn igbimọ yii ni gbedeke ohun ti wọn yoo ṣe.
Ninu ọrọ tirẹ, akọwe ọrọ okeere nilẹ Amẹrika, Antony Blinken ni igbesẹ to loorin fun idagbasoke eto ijọba tiwantiwa; bẹẹ lo yannana rẹ pe ko si ibi ti iṣe ko si nitori pe orilẹede Amẹrika naa ni awọn iṣoro aṣemaṣe ọlọpaa.
O ni awọn n reti pe eto atunto to yanranti yoo waye lori rẹ.
