Adeyinka Alaseyori and Tope Alabi: Wòlìí Genesis ní òun ni orin Oniduro Mi wà fún

Oluṣọ aguntan agba fun ijọ Celestial Church of Christ, Genesis Global, Ẹniọwọ Israel Ogundipe ti sọ pe ohun ti gbajumọ akọrin ẹmi, Tọpẹ Alabi sọ lori orin Oniduromi ku diẹ kaa to.

Ẹniọwọ Ogundipẹ ṣalaye ninu fido kan to n lọ kaakiri bayii ninu eyi to ti n kọ orin "oniduromi ẹ ṣeun" pe oun gan ni orin naa wa fun, bi awọn eeyan ko ba mọ.

"Oniduro mi ni alagbawi mi. O duro fun mi nigba ti ọpọ fi mi silẹ lori ẹjọ ti mo ko si, ti ọpọlọpọ si tun rin jinna si mi nitori pe wọn ko fẹ ki aye mọ wọn mọ mi."

Oluṣọ aguntan ijọ Genesis Global naa wa fi kun un pe, o dara ki Ọlọrun jẹ Oniduro ẹda dipo eniyan ẹlẹran ara.

"Emi ni olorin ẹmi naa kọ orin naa fun. Koda nigba ti awọn ile ẹjọ da iṣẹ silẹ, Ọlọrun duro fun mi."

Laipẹ yii ni awuyewuye hu sita lori ọrọ ti Tọpẹ Alabi sọ ninu fidio kan to ja ranyinranyin kaakiri.

Tope Alabi ni akude wa lori orin naa ati pe ko jẹ jẹ latọwọ Ẹmi mimọ lo ti wa nitori pe Ọlọrun sọ fun oun pe oun kọja Oniduro fun ẹnikẹni.

Lati igba to si ti sọrọ naa, eyi to gba ori ayelujara, ni oniruuru eeyan ti n fesi nipa rẹ, eyi ti ko yọ awọ̀\n gbajumọ awujọ silẹ.