Imeko-Afon Attacks: Iléeṣẹ́ ọlọ́pàá Ogun ní ìṣẹ̀lẹ̀ náà jọ ti ìdigunjalè
Kaka ki ewe agbọn dẹ lori iwa isekupani ọlọgọọrọ to n lọ nilẹ Yoruba, ko ko ko lo tun n le si.
Bi awọn agbofinro si se n ge awọn asekupani yii lọwọ, naa ni wọn tun n bọ oruka, ti wọn si n gba ẹmi alaisẹ laibikita.
Ni oru mọju ọjọ Aiku ni iroyin gbalẹ kan pe awọn afurasi darandaran tun ya bo ilu Igangan lagbagbe Ibarapa nipinlẹ Oyo, ti wọn si sekupa eeyan to le ni mọkanla, gẹgẹ bi ọlọpaa ti sọ.
Àwọn iròyin tì ẹ leè ní ìfẹ̀ síí:
- Agbébọn kọlu àwọn àgbẹ̀ abúlé Owode-Ketu àti Ijoun ní Ogun, èèyàn méjì fàyà gbọta
- Tó bá jẹ́ pé à ń gbé AK47, ìgbà táwọn àgbẹ̀ dáná sun ilé wa, ṣé aò ti ní pa wọ́n dànù? -Ọmọ Seriki Fulani
- Alaafin Oyo, Oba Adeyemi yarí lórí isẹ̀lẹ̀ ìsekúpani tó wáyé ní Igangan
- Ìkọlù Igangan tọ́ka si pé ogun ń bọ̀ ní Nàíjíríà láìpẹ́ - Gani Adams
- Sunday Igboho ní December lòpin ìrìn àrè, Yorùbá ń lọ kúrò ní Nàíjíríà
- Ẹ̀rú Fulani ni Aregbesola, ara sì ló ń ta á torí àṣeyọrí ìjìjàgbara Yoruba nation - Ilana Omo Oodua
Ni idaji ọjọ Aje ana tun ni iroyin miran gbalẹ kan pe awọn ẹni bii yii tun ti morile ilu Imeko-Afon nipinlẹ Ogun, ti wọn si tun gba ẹmi eeyan mẹta.
Isẹlẹ naa ni iroyin sọ pe o waye ni oru mọju ọjọ Aje bakan naa, ti ọrọ si di boo lọ, ko yago fun mi.
Gẹgẹ bi awọn eeyan kan ti sọ, wọn ni awọn agbebọn to se ọsẹ nilu Igangan, naa ni wọn tun morile ilu Imeko Afon, ti ko jinna si Igangan, lati paniyan.
Nigba to n fidi isẹlẹ naa mulẹ fun BBC Yoruba, osisẹ kan lara ikọ alaabo alajumọse ni agbegbe Imeko Afon, amọ ti ko fẹ ka darukọ oun ni lootọ ni isekupani naa waye.
Osisẹ agbofinro naa ni awọn arọko ti ọpọ eeyan ti n sisẹ agbẹ bii Gbondoko, Ladugba ati Afon, ti wsn wa nijọba ibilẹ Imeko Afon, ni ikslu naa ti waye.
O fikun pe awọn ko sun mọju lati ri daju pe ohun gbogbo pada bọ sipo lawọn agbegbe naa.
O si fidi rẹ mulẹ pe ẹmi mẹta lo ba ikọlu naa lọ lawọn abule naa.
"Ẹ wo, gbogbo awọn agbẹ to n sisẹ oko lagbagbe yii ni wọn ti n ko ẹru wọn lati sa kuro nitori ikọlu gbogbo igba to maa n waye nibẹ.
Gbogbo agbegbe naa si lo kan gogo bayii, koda, a ko sun mọju."
Ọlọpaa Ogun ni isẹlẹ naa jọ iwa idigunjale:
Nigba toun naa n fidi isẹlẹ yii mulẹ, osiẹ alarina fun ileesẹ ọlọpaa ipinlẹ Ogun, Abimbola Oyeyemi ni lootọ lo waye amọ kii se ikslu afurasi darandaran.
Oyeyemi ni isẹlẹ naa lo jẹ ti awọn adigunjale, nitori wọn ja ọkada gba, ti wọn si ji gbe lọ.
"Awọn ti wọn kọlu yii jẹ agbẹ lati orilẹede Benini to maa n wa sisẹ oko lorilẹede Naijiria.
Wọn n gun ọkada lọ, ti wọn si bọ sọwọ awọn eeyan to sẹburu wọn, wsn pa wọn, ti wọn si tun gbe awọn ọkada wọn salọ.
A ko mọ boya darandaran ni wọn amọ ikọlu naa fara pẹ isẹlẹ idigunjale nitori wọn ji ọkada gbe lọ.
Kii se igba akọkọ ree ti iru isẹlẹ bayii yoo waye ni agbegbe Imeko-Afon, eyi to n mu ẹmi ọpọ eeyan lọ.
